الموضوع: كيفية اختبار ثبات السيارة؟

المشاركة الأصلية كتبت بواسطة me_medoo

ههههههههه ... حبايب قلبي انا عاوز قول كلمتين هيا شهادة أحاسب عليه يوم الدين ههههههههههه ... من ساعة ماعمر سيلمان قلها ببص الاقي ناس كتير بتقول البوقين دول قبل مايبدء كلمهم تقلش خلاص باه عمر سليمان بسلامتو هههههههههههه .


لا بجد بصو ياجماعة ... مع الاسف مع الاسف الشديد ... 90% من عربيات مصر غير ثابته ... أحنا أغلب عربيات مصر تعد من فئة العربيات الصغيرة ... وليست العربيات المتوسطة او العربيات العائلية ... وفي فرق بين طفل صغير تيجي تزوقو هتلاقيه وقع على طول لأنو غير ثابت زي رجل كبير ... فمش معقوله نقول على أطفال صغيريين هل هما ثابتين ولا لأ ... تماماً زي مابنقول على العربيات الصغيرة الي سايقنها هل هيا ثابته ولا لأ ... في الاول والاخير ... أحنا راكبين مشروع عربية ، أو بالاسم عربية لا تصنف عالمياً غير انها عربية صغيرة نونو او بي بي ... بس احنا لأننا بنعتز بحجتنا جداً طايرين فيه لسابع سما ... حتى الكرولة ولا اليارس ولا الفيرنا ولا الاكسينت ولاحتى الاوبترا كلها عربيات نونو صغيرة ... وفي دول كتير جيبينها عربيات توصيل الطلبات للمنازل في المطاعم والصيدليات ... يعني دلفري بدل الاومتسيكلات الصيني عندنا .

ولذلك لوشفتو الفيديو الي انا حطيتو فوق بتاع اليارس هتلاقي عيل في الثانوية ... أبوه جيبهالوو يلعب فيها شوية وبعدين يدعكها ويخمس فيها ، ولمن يكبر ويعقل ساعتها يبقى يجبلو عربية محترمة .

القصد هنا ... أن العربيات عندنا هيا أقل أقل مايمكن وصفه ... أما العربيات المتوسطة ... الي هيا زي البي أم الفئة الخامسة او المرسيدس العيون او الكامري او الهوندا اكورد أو نيسان مكسيما ... ألخ هنا ساعتها نقدر نحكم على مدى الثبات ...

لذلك تلاقي في اعلانات البي ام دبليو يقلك البي ام الفئة الخامسة تناسب الاسرة المتوسطة ... يعني راجل ومراتو ومعاهم عيلين يترزعو ورى ... ومرات البي ام تحب تغيظ الشعب المصري وتقلك وتناسب الطبقة المتوسطة ههههههههههههههه (ده من غير جمارك سعادتك )... وانا كل ما اقرى الكلمة دي ببقى هتشل في مكاني وبقول يانهر ازرق طيب انا فين هوا انا من الطبقة المتوسطة ولا تحت شوية ولا انا فوق الحديدة ولا تحتها ولا قاعد على الحديدة زات نفسها .

فأكتشفت أني أنا من طبقة الغلابة الي بتصرف مرتبتها اول الشهر ويقعدو يشحتو لأخر الشهر ههههههههههههه .

بس ده ميمنعش ان الشعب المصري طول عمرو شعب نزيه ويحب ... يدلع نفسو ويدلع الحاجة الي معاه ... وأحنا اول ناس كنا بندلع العربيات فتلاقي عندنا التمساحة والزلموكة والفايجرا ومستوبيشي صفية العمري ... ولاندكروزر ليلى علوي ... وبيجو الطيارة ... ولانسر بومة والشارك وغيرها وغيرها كتير ... فلو تشوفو الجيل بتاع زمان كان يحب يدلع كل حاجة والخليجين اتعلمو مننا وبأوو يدلعو الموبايلات أشي بندا وأشي الدمعة ... والرهيب والخطير ... ألخ

لكن بعد ما نزلنا وقعدنا على الحديدة مبقناش نلاقي حاجة ندلعها ولكن بقينا نوهم نفسينا أننا راكبين عربيات من الاخر في حين ان تصنيفها عالمياً هيا عربيات للمدينة كتكوته ... لاتصلح حتى لخارج المدن والسرعات العالية .

لكننا دائماً كمصريين بنكسر المستحيل ... والي خلى واحد معاه ززيزتافة وانا ماشي على 140 على الدائري بيقلب لي الزينون وبيقلي وسعلي ههههههههههههه والي خلو التوك توك يمشي على عجلتين ويخمسلك في وسط الشارع ويطلع مواكب زفة في افراح ... ويركبولو زينون وطقم سيستم ساوند يهز الدنيا هز ... ده حتى الهنود الي اخترعوه معملوش في التوك توك بتاعهم كده ... فأعتقد أننا لسه مش فاهمين ان العربيات الي معانا دي عربيت صغيرة يعني (بي بي ) بس طالعلو شنب . وتحياتي .

والله انت عسل ودماغك زي دماغى :d
انت كنت في السعودية فترة كبيرة ؟