الموضوع: يا جماعة حد حصله مشكلة ال error في كاسيت الفيرنا

اعتقد المشكلة ممكن تكون فى ال cd اللى محطوط مش فى الكاسيت

المشاركة الأصلية كتبت بواسطة ows212

اعتقد المشكلة ممكن تكون فى ال cd اللى محطوط مش فى الكاسيت

+1 ،،،

أنا كان بيحصل معايا كده ،،

بعدين اكتشفت انه سيديهات و سيديهات ،،

رغم اني بعمل سيديهات بتفسي من علي الكمبيوتر

و بتشتغل عادي

انا جربت الموضوع ده في كذا cd برده المشكلة موجودة انا فاكر ان كان في ناس بتشتكي من حاجة في الكاسيت ده بس مش عارف هو العيب اللي عندي ده وللا حاجة تانية ياريت اي حد حصل معاه الموضوع ده يقوللي ايه الحل

جرب سى دى تكون شغالة كويس فى كاسيت واحد صاحبك لو ما اشتغلتش يبقى فى مشكلة فى الكاسيت

ححاول مع اني كنت بحط في الكاسيت سيديهات انا اللي عاملها علي الكومبيوتر وكلها لسه جديدة (TDK كمان) ومن اول ماتدخل الكاسيت يركبها 600 عفريت كوري ساكنين جوه تابلوه العربية تلاقي حصل اصوات عالية زي صوت السي دي روم وهي بتقرا الاسطوانات يا اما لو ربنا كرمها واشتغلت (اكيد الكام عفريت كانوا نايمين او دايخين من ريحة المعطر اللي انا حاطه ) بعد شويه تلاقيها فصلت ويظهر صوت اذاعتنا المحبوبة نجووووم اف ام في الحالة دي يا اما ارضي بالامر الواقع واسمع نجوم اف ام يا اما احترم نفسي واشغل ال fm modulator وبصراحة انا خايف اقرب من توكيل ابو رواش علشان ماتحصلش مصيبة في العربية

معلش انا مش فاهم حضرتك كويس بس حاقولك علي انا بعمله بالظبط انا جايب cd نوعه TDK REWRITABLE وبعمل ال burn بالنيرو بختار make data cd وبعدين بعمل add للاغاني وبعدين next وتحت بيكون في اوبشن اسمه
allow files to be added later(multisession disk(
والاوبشن ده بيكون متعلم عليه علامة صح ولما باجي اضيف اغاني بتبقي بنفس الطريقة
ولو الcd اتملي علي الاخر بعمله erase cd بالنيرو برده مع العلم اني جربت الكاسيت مع cd لفيروز وده انا كنت شاريه وهو طبعا بيبقي audio وعمل نفس المشكلة

متهيالى المشكله انك بتستخدم سى دى يعاد الكتابه عليه كذا مره
Rewritable

حسب تجاربى مع السى دى الافضل تستخدم سى دى ار اللى بيتكتب عليه مره واحده و بس

لان الماده بتاعه السى دى اللى بيتكتب عليه كذا مره ممكن ما تتقريش فى كل الاجهزه اللى بتقرا فقط اسطوانات .


عموما ممكن تجيب اسطوانه التنظيف اللى بتتاباع فى السوق عباره عن اسطوانه تعبانه بلاستيك عليها حته مزيكا 20 ثانيه و فيها 3 فرش صغيره . و معاها سائل تنظيف زى السبرتو او سبراى التنظيف (بدون زيت ) و تسيبها تشتغل مره او اتنين و جرب تانى .

هتلاقى الاسطوانه دى عند بتوع الكمبيوتر