عرض للطباعة
يا جماعه لو سمحتم انا خبرتى مش كبيره ..بس اللى اعرفه ان الجنط ال17 ده لازم معاه عفشه سبور ده اللى انا اعرفه
بس بلاقى ناس مركباه هو والـ 16 ع العفشه العاديه ..هل ده ينفع ..؟؟ دى حاجه
الحاجه التانيه فعلا لو ركبت الـ 17 بيطلع بلالين وحاجات كده ؟!!
ياريت يا جماعه حد يفدنى فى الموضوع ده بس يؤلى معلومات اكيده ميكنش سمع يعنى كلام وهو مش متاكد منه
والف شكر يا رجالتنا ^_*
مسألة العفشة , مش عارف
في ظني انه حسب العربية , و معلومتي ان الفكرة فيما يخص العفشة مش في مقاس الجنط لكن في وزنه
بالنسبة للبلالين
ال17 بيعمل بلالين كتير لأن profile الكاوتش بيبقى قليل و طبعا مع الحفر الكتير في شوارعنا الجميلة خبطة و التانية الجنط كل مرة بيقرص على الكاوتش لحد ما بيبوظ و يعمل البالونة الشهيرة
الف شكر ياتامر بيه ..واعتقد الـ16 هيبقى فى المعقول عشان حوار البلالين والعفشه مره تانيه الف شكر يا باشا
لو وزن الجنط الجديد قريب من زمن الجنط القديم .. يبقى مش هتحتاج أي تغير في العفشة بتاعتك .. مدام الفجوة تشيل من غير ما الكاوتش يحك في الرفرف عيش يا باشا و دوس و ماتخافش بإذن الله ..
بالنسبة للبلالين فدي ترجع لمحافظتك على العربية .. و عموما العرض لو كان 55 فيما فوق .. فده متوسط يعني و مناسب .. لو كان أقل من كده يبقى لازم تحافظ أوي بقى في المطبات .. لو أكبر من كده يبقى عشرة على عشرة و كمان الركاب هيكونوا مرتاحين أكتر .. لكن البروفايل القليل بيدي ثبات للعربية .. فانت اختار بروفايل متوسط يساعد على الثبات و مريح و ماغيرش ارتفاع العربية بفرق كبير ..
هتلاقي كتير ويب سايت فيها آلة حاسبة للحاجات دي .. اعمل سيرش و هتلاقي كتير بالانجليزي .. تكتب المقاس القديم و هو يقولك أكتر مقاسات مناسبه ليك إيه ..
بالتوفيق
الف شكر يا ميست بيه ع المعلومات دى وربنا يقدم اللى فيه الخير
خلاصة الكلام في الجنوط
الجنط البروفيل الصغير 30-35 .. بيعمل بلاليين في الطرق المكسرة والمطبات والقرف بتاع بلدنا الحبيبة
وزن الجنط لو خفيف..مش هتحتاج تغير عفشة
وزن الجنط لو تقيل.. يبقا تركب له عفشة سبوررر (الأفضل يعني)
الجنط الــ 16 و 17
لو اتخرموا او جابو سلك..لازم يتغيروا علشان ماينفعش معاهم شمبر
انا مركب جنط 205/45/17
جنط هايل وثباته لوووووز
المفروض كنت اركب معاه عفشة سبورررر
بس مافيش فلوس الايام دي
واديه شغال معايا لحد ماغيرله العفشة
وخد بالك
العفشة الاسبور مش بتريح
دي بتبقا ناشفة اساسا.. بس بتريح العربية في العموم
الجنوط الــ 16 - 17 وانت طالع
اسعارها اغلى من الكاوتش العادي بمراحل
ومشاكلهم كتير لو مش مظبط العفشة والمقصات وخلافه
.
والمهم
انك تكون ضامن انهم مايحكوش في صاج العربية علشان طبيعي هيكونوا اعرض من الاستوك
او ممكن تتني شفة الرفارف علشان مايحكوش..علشان ماتضرش تحط علايات..وتمشي بجنط كبير والعربية مرفعوة تحس انها اتوبيس مش عربية
هههههههههههههههه