النهارده انا كنت ايجابي وبلغت الشرطه عن الناس الي بتمشي عكس

**mahmoud_afifi** · 17-03-2012 05:34 PM

السلام عليكم

النهارده وانا في العاشر من رمضان كنت مخنوق على اخري من البني ادمين الي بتمشي عكس اتجاه مع ان فتحة الU-turn مفيش 20 متر بس دي عادة في الناس.
المهم مشيت لأخر الشارع لقيت بوكس و موتوسيكل شرطه ولقيتهم قاعدين بيتكلموا. قمت مدي إشاره و واقف على جنب وكلمتهم وهم بصراحه ماتأخروش وخدوا الموضوع بشكل جدي وراحوا على المكان الي قولتلهم عليه الي الناس بتمشي فيه عكس. وانا كملت طريقي.

أتمنى الي بيشمي عكس يبطل والي بيمشي صح يحاول يخلي الاخرين تمشي كمان صح.

تحياتي

**mahmoud_afifi** · 17-03-2012 05:44 PM

المشاركة الأصلية كتبت بواسطة land_cruiser

بارك الله فيك. الناس دى بتسبب كوارث بدون داعى يعنى لو مشى فى طريقه عدل مش هياخد الموضوع معاه دقيقتين تلاته بس نقول ايه و للأسف ما بيخافوش الا لما ياخدوا المخالفه المتينه

فعلا مش هتاخد دقيقه كمان ومش هتفرق في استهلاك البنزين لو كانوا بيوفروا يعني !!!
انا بصراحه كنت هقفل الطريق قدام اي واحد ماشي عكس بس بعدين قولت اسيب الحكايه دي للشرطه :))

**mohdamin18** · 17-03-2012 05:54 PM

عارف...
الناس دي بيعملوا كدا مش عشان يوفروا وقت او بنزين... بس عشان يتقال عليهم مفتحين و يفتكروا ان احنا كاوركات يعني

حاجة بنت ..........

**mahmoud_afifi** · 17-03-2012 05:59 PM

المشاركة الأصلية كتبت بواسطة mohdamin18

عارف...
الناس دي بيعملوا كدا مش عشان يوفروا وقت او بنزين... بس عشان يتقال عليهم مفتحين و يفتكروا ان احنا كاوركات يعني

حاجة بنت ..........

هههههههههههههههه, ممكن والله !
لما يتلدغوا 1300 جنيه نبقى نشوف مين الكاوركات ومين المفتحين

**mahmoud_afifi** · 17-03-2012 06:01 PM

المشاركة الأصلية كتبت بواسطة land_cruiser

حضرتك اتصرفت مظبوط. لو قفلت عليه ممكن تدخل فى مشكله معاه و ممكن يطلع بلطجى و لا قليل الادب و لا و انتم بتتخانقوا يطلعلكوا قطاع طرق يسرقوكم انتم الاتنين . حضرتك شايف الحاله الامنيه بقت عامله ازاى و لذلك تجنب الاحتكاك بالناس افضل حاجه

بالظبط كده يا فندم. انا كنت قلت اخد الموضوع من بدايته وابلغ وهما يتخذوا اللازم عشان ماتبقاش غابه :)

**mahmoud_afifi** · 17-03-2012 07:00 PM

المشاركة الأصلية كتبت بواسطة beshomilan

كله واحد صدقنى انا بتاخد مخالفة انتظار وورايا واحد ميتاخدش مخالفة وتسأل ليه يقولك ملكش دعوة
وهتتكلم فأيه بس

دي مشكله فعلا عدم وجود اماكن انتظار في الشوارع. زي الي يعمل مول ومايعملش مواقف للزوار ! طب هنركن فين ؟ وفي الاخر نتاخد مخالفات !
معلش ان شاء الله واحده واحده كله هيتظبط ويبقى تمام (ماقصدش العساكر هما الي يتظبطوا فلوس ههههه)

المشاركة الأصلية كتبت بواسطة minicooper20

برافوووووووووووو و ربنا

الله يخليك يا باشا