| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 2 1 2 الأخيرةالأخيرة
النتائج 1 إلى 10 من 17

  1. #1

    الصورة الرمزية Ahmod

    رقم العضوية : 85958

    تاريخ التسجيل : 16Jan2011

    المشاركات : 3,132

    النوع : ذكر

    الاقامة : Egypt - Faisl

    السيارة: Verna , 1.5 , M/T

    السيارة[2]: Toyota Yaris , 1.3 , A/T

    دراجة بخارية: لا يوجد

    الحالة : Ahmod غير متواجد حالياً

    افتراضي ازاي اقنع الحج ان صيانة العربية امر ضروري ومهم ؟ ؟ - Facebook Twitter whatsapp انشر الموضوع فى :

    hasad">

    السلام عليكم ورحمة الله وبركاته

    ده اول موضوع تقريبا اكتبه في القسم الاجتماعي ! لاني في مشكلة ومحتاج رايكم

    انا طالب في سنة خامسة صيدلة اخر سنة او اخر ترم بمعنى اصح ودعواتكم انه يعدي على خير ان شاء الله

    وبشتغل في نفس الوقت في شركة جرافكس "web development" شركة توب لاين !

    وعندي مشكلة ان الحج مش بيقتنع بحاجة اسمها صيانة للعربية !

    الياريس معايا حاليا بقالها خمس سنين ! ماتعملش فيها ولا صيانة ولا مرة غير صيانة الاف !

    العربية خمس سنين بنفس الفلاتر - نفس الزيوت "اللى بيتغير زيت الماتورفقط" - نفس تيل الفرامل نفس كل حاجة !

    انا كنت فاكر ان الامور طبيعية وانه التويوتا بتستمحل لحد مابدات المشاكل تظهر واحدة ورا التانية

    وكل ماكلم الحج على موضوع الصيانات ده ! مش مقتنع بيه اخره بيغير الزيت وخلاص ! والانيل كمان ان عمي ماشاء الله لما والدي ساله قاله ده ضحك على الدقون سيبك من كلام التوكيل العربية زي الفل !

    الفرامل عندي كانت بتهيس بس ماكتشفتش قد ايه الفرامل عندي ضعيفة الا لما سقت عربيات تانية ! لما سقت السيراتو لقيت الفرامل بسم الله ماشاء الله جميلة واستجابتها حلوة وباقل دوسة بتهدي العربية

    قلت السيراتو عربية محترمة وفراملها ممتازة ! جيت سوقت النهارده الكورولا ال 1300 المفروض الفرامل تكون قريبة من فرامل عربيتي بالعكس انا الفرامل عندي فيها ABS+EBD ومش عارف ده موجود في الكورولا ال 1300 ولا لاء !

    الا اني لقيت برضوا فرامل الكورولا باللمس وممتازة اللهم لا حسد

    نزلت من الكورولا ركبت الياريس حسيت اني بدوس فرامل اكني بدوس على الهوا ! العربية لازم اجيب نص دواسة الفرامل في الارض حتى تبدا تستجيب ! <<< طبعا مش تيل فرامل بقاله خمس سنين ؟ ؟

    قلت لازم افاتح الحج في موضوع الصيانات ده تاني لعل وعسى يقتنع !

    كلمت الحج اول ماروحت من الجامعة يا حج الفرامل ضعيفة واانا لسه خابط اول امبارح في واحد بسبب الفرامل ماجبتنيش !

    طبعا سمعت كلام جميل جدا !

    الحج : ضعيفة ازاي ؟ مانا لسه واخدها منك امبارح مشوار وكانت زي الفل امال انا رحت بيها شبرا ازاي ؟ وكانت بتفرمل وبهدي وعادي مافيش مشكلة ؟

    انا : ايوة ماهي ضعيفة بس انت ماشي براحة ولو سوقت عربية تانية هتعرف قد ايه الفرامل ضعيفة ومحتاجة تغيير تيل ؟ وبعدين مانا لسه خابط بسبب كدة معرفتش افرمل ؟

    الحج : فتح صوته ! انت متهور ! انت بتجري بسرعة ! فرامل ايه اللى عايزة تتغير ؟ مانت لو سايب مسافة امان بينك وبين اللى قدامك كنت هتقف ؟ عايزني اغيرلك ايه في الفرامل يعني ؟ اشيل التيل الاصلي اللى مش بيتعوض ؟ لو مش عاجباك فرامل العربية ماتركبهاش

    انا : ياحج انا ماقولتش حاجة الفرامل كويسة وزي الفل بس لو حصل معاك ظرف لا قدر الله وكنت محتاج فرامل جامدة عشان تقف ,, العربية والله مش بتقف !

    الحج : انت عشان مستهتر وماشي بسرعة مانت لو ماشي براحة هتعرف تقف !

    والدتي : دخلت في نص الحوار تهدي النفوس <<< انت مستهتر وبتمشي 120 ومش هترتاح الا لما يجيلنا تليفون نلاقيك في المستشفى وتودي نفسك في داهية

    انا : ونبي يا حجة بلاش تهدية النفوس دلوقتي الله يكرمك

    طبعا سمعت كلمتين في الجون !

    والمشكلة مش في الفرامل وبس ! لو على الفرامل كنت غيرت التيل من نفسي وريحت دماغي ! لكن العربية ككل بدات تفتح بقها !

    الدركسيون بقى تقيل وبيهيس يوم كويس ويوم تقيل <<< لما شيكت في كتيب الصيانات لقيت المفروض زيت طلبمة الدركسيون يتغير ! مش عارف قصدهم على ايه والياريس باور كهرباء اصلا !

    الفتيس عموما بقى سعات بحس فيه نتشات وسعات بيقطع ! <<< زيت الفتيس محتاج يتغير

    العربية بقت سعات بتتنطط على الغيار الاول لما برعشلها بنزين في الزحمة <<< مشكلة شبه موضوع ال MMT ومش عارف سببها

    بسمع صوت السير زي الفل لما باجي ادور <<< سير الدينمو عايز يتغير

    سعات بحس بسخونة طالعة من عند الدواسات ! مش عارف سببها !

    العربية بتتكتم خالص عند ال 160 << غالبا اما البوجيهات او فلتر البنزين والاتنين اصلا المفروض يتغيرو !

    سعات اسمع اصوات عجيبة في العفشة <<< مش عارف في ايه في العفشة محتاج يتغير !

    العربية بتحدف ومهما اظبط زوايا برضوا سعات بتحدف !

    سعات اسمع طقطقة لما بشغل التكييف واخليه يجيب الهوا من جوة ! لما اجيبه من برة يختفي الصوت ! جايز فلتر التكييف عايز يتغير ! ! بس الياريس مافيهاش فلتر تكييف ؟ ؟ ؟

    طبعا الفرامل بقالها كتير على كدة اكتر من سنة ! فغالبا الطنابير هتبقى حصلها مشكلة لان اكيد التيل اتاكل وحجر وبدا ياكل في الطنابير والفرامل هي ومزاجها سعات كويسة سعات تعبانة ! لكن بقالها مدة كدة بقت في التلاجة خالص !

    وجايز يكون فيه مشاكل تانية انا مش متذكرها حاليا !

    انا كل يوم وطول الفترة اللى فاتت وانا اقول كل شوية هيتنقع ونوديها التوكيل <<< كل شهر اقول طيب الشهر الجاي يمكن يوافق

    ومافيش فايدة لحد مالبست اول امبارح صحيح اللى خبطت فيه هو اللى غلطان لانه كسر عليا بس لو الفرامل عندي عدلة كنت لحقت نفسي !

    صحيح انا بشتغل والمرتب كويس الحمد لله بس العربية فيها حجات كتير محتاجة تتغير واعتقد لو رحت التوكيل هتتكلم في 3-4 بواكي عشان تتظبط وانا المرتب حاليا مايسمحش بالكلام ده !

    خاصا لاني عشان في جامعة خاصة ومصاريفها غالية حبتين فمش بحب اتحامل على والدي في مصاريف شخصية ليا ! بقول كفاية اللى هو دافعهولي في مصاريف الجامعة !

    بجيب متعلقاتي الشخصية واموري من المرتب بتاع الشغل فيدوبك المرتب بيكفي ! ويدوب لو عايز تركب حاجة بسيطة ورخيصة مثلا " اسبويلر - فلتر >.. " وكل فين فين اكون جمعتلي قرشين محترمين اجيب بيهم حاجة كويسة !

    فدلوقتي بقى زهقت بصراحة وموضوع الفرامل بالذات بقى مخوفني جدا ! والحج مافيش فايدة مش عايز يقتنع ! ومش لاقي حلول

    وفي نفس الوقت مش عايز اودي العربية برة التوكيل ! يعني مثلا لو هنقول كل شهر هغير حاجة مرة طقم تيل مرة فلتر بنزين مرة بوجهيات >... ! هتتعمل الحجات دي فين ؟

    وفيه سيور وزيت الفتيس والماية الخضراء والكلام ده مش عايز اعمله برة التوكيل

    بفكر حاليا اغير التيل عشان ابقى مطمن شوية وباقي الامور لما ربنا يسهل ! بس برضوا خايف يكون الطنابير فيه مشكلة فكنت هبقى مطمن اكتر لو عملتها في التوكيل !

    وعايز اعمل برضوا كل حاجة في التوكيل عشان ابقى مطمن اكتر

    فايه الحل دلوقتي ؟ ؟ ؟ ؟

    ..


  2. #2

    الصورة الرمزية zangry

    رقم العضوية : 82470

    تاريخ التسجيل : 01Dec2010

    المشاركات : 2,895

    النوع : ذكر

    الاقامة : el mehalla elkobra

    السيارة: cerato 10

    السيارة[2]: corolla 15

    دراجة بخارية: :(

    الحالة : zangry غير متواجد حالياً

    افتراضي -

    ربنا يكون في عونك .. بس خمس سنين كتيييييير جدااا انت ماشى بيها كام كيلو اصلا !! .. حاول تفهمه ان العربية بدأت تبوظ وقوله المشاكل اللى بدأت تحصل بسبب انك مش بتعمل صيانة وان لو اهملتها كده هتحصل مشاكل اكبر وهتتكلف مبالغ اكبر وقوله ان فى واحد صحبك مكنش بيعمل صيانة وحصل معاه كذه وكذه وكع مبلع كذه :d .. وانشاء الله يقتنع


  3. #3

    الصورة الرمزية maryano

    رقم العضوية : 99686

    تاريخ التسجيل : 19May2011

    المشاركات : 223

    النوع : ذكر

    الاقامة : cairo

    السيارة: lanos 2 2002

    السيارة[2]: fiat siena 2003

    دراجة بخارية: noo

    الحالة : maryano غير متواجد حالياً

    افتراضي -

    اناا كنت في نفس مشكلتك لما جبت العربيه وبردة كان الحاج مؤمن ان طالما العربيه ماشيه يبقي مش محتاجة صيانه اصله كان عندو ساعتهاا لادا و كان مستغلي التوكيل بس قولتلو دلوقت حضرتك العربيه دي انتاا جايبهالي علاشان تعد معاياا بالميت 10 سنين يعني لازم نهتم بصيانتهاا علاشان متجيش مرة واحدة تفتح بقهاا و تعوذ مبلغ كبير مرة واحدة و ان لو حاجة بسيطة باظت نلحقهاا بدل متبوز كذاا حاجة جمبهاا وان كل حاجة ليها عمر افتراضي و مهما كانت و بدل ماا نوديهاا لوحد يركب حاجة يبوظ حاجة جمبيهاا نوديها توكيلهاا هما اكيد فاهمين فيهاا احسن ( دة قبل اوماترر كان توكيل غريب بس كانو ناس محترمين و فاهمين) واي عربيه اهما حاجة الصيانة الدوريه بتعتهااا تعملهاا العربيه تستحملك و تسد معاك لغايه متخرجت و بقيت بعملهاا من مرتبي بس لقيت اوماترر غاليين فحجرب مركز تاني اماااا حكايت الفرامل فنصيحة متمشيش بالعربيه الااا لاما تشوف التيل و تكشف عليه دي مش لعبها ولو لزمت خد والدك معاك و روحو لكذاا ميكانيكي تكشفو عليها
    وربنا يسلم طريقك


  4. #4

    الصورة الرمزية amrelsaqqa

    رقم العضوية : 50133

    تاريخ التسجيل : 17Oct2009

    المشاركات : 4,727

    النوع : ذكر

    الاقامة : Menofia

    السيارة: Toyota Corolla 2001 1.3 A/T

    السيارة[2]: Peugeot 301 M/T 2014

    دراجة بخارية: لايوجد

    الحالة : amrelsaqqa غير متواجد حالياً

    افتراضي -

    ما تقوللوش ان اسمها صيانة :d

    قول له مثلا العربية مكتومة وعايزة فلاتر عشان استهلاكها للبنزين زيادة و كمان عايزة بوجيهات عشان الحرق مش كويس والاداء اقل مثلا ..


    قول له مثلا الفرامل بقت ضعيفة و عايزة تيل والا التيل هيخلص فجأة والطنابير هتبوظ ..

    هات الكلام من ناحية ان العربية اداءها بيقل وبتستهلك بنزين اكتر وفي حاجات لو اتسابت هتبوظ العربية اكتر ، هيقتنع

    قول له مثلا ان احنا لما نصلح الحاجات البسيطة دى بنشترى بيها العربية و بنحافظ عليها لأطول وقت ممكن و كمان اللى هندفعه هيرجعلنا اداء واقتصاد في البنزين

    ما تعملش الصيانة في التوكيل طالما العربية مش في الضمان لأن كلامه فيه شيء من الصحة ان التوكيل حرامية و بيضحكوا على الدقون ( بشكل عام مش توكيل معين )

    بعد ده كله لو اقتنع كان بها ، ما اقتنعش بقى هتعمل ايه يعنى :d

    انت بتقول انك شغال ويب ديفيلوبر او ديزاينر يعنى بيتوفر معاك فلوس ، ممكن تعمل الحاجات دى بنفسك ويا ما والدك هيحس بالفرق ومش هيرضى انك تدفع انت الحاجات دى ، يا اما هيعمل مش واخد باله :d وساعتها برضه انت استفدت لأنك بتركب العربية وهتستمع باللى انت عملته ..


  5. #5

    الصورة الرمزية minicooper20

    رقم العضوية : 78428

    تاريخ التسجيل : 24Aug2010

    المشاركات : 4,106

    النوع : ذكر

    الاقامة : ksa .geda

    السيارة: Pegute 407

    السيارة[2]: b.m.w 130i 2008

    دراجة بخارية: mesh 3andy

    الحالة : minicooper20 غير متواجد حالياً

    افتراضي -

    هو مش والدك راكب عربيه
    امال ماشى بيها ازاى اكيد هوكمان بيعمل صيانه

    كولو بالحنيه بيفك مع تجيات جمعيه حنينها قبل متحلبها


  6. #6

    الصورة الرمزية A7MED_PHARMA

    رقم العضوية : 16690

    تاريخ التسجيل : 19Aug2008

    المشاركات : 9,439

    النوع : ذكر

    الاقامة : الـــــ زقا زيـــــــ ق

    السيارة: Classic BMW-79

    السيارة[2]: Nubira-auto

    دراجة بخارية: CBR600F4I-2006

    الحالة : A7MED_PHARMA غير متواجد حالياً

    افتراضي -

    بسيطة..

    إعمل إنت الصيانة ياسيدي لو معاك فلوس
    مامعكش فلوس
    روح وديها لأي حد يعملها صيانة .. وإتصل بالحاج
    قوله العربية عطلانة .. وسحبتها عن مركز الصيانة .. وخليه ييجي يحاسب
    وخد بالك
    انت كده مش هيكون إسمك كدبت عليه .. إنت بتعمل الصح للأمان ليه .. وليك

    [rmade]http://im58.gulfup.com/qswdwL.jpg[/rmade]


  7. #7

    الصورة الرمزية zangry

    رقم العضوية : 82470

    تاريخ التسجيل : 01Dec2010

    المشاركات : 2,895

    النوع : ذكر

    الاقامة : el mehalla elkobra

    السيارة: cerato 10

    السيارة[2]: corolla 15

    دراجة بخارية: :(

    الحالة : zangry غير متواجد حالياً

    افتراضي -

    اقتباس المشاركة الأصلية كتبت بواسطة a7med_pharma مشاهدة المشاركة
    بسيطة..

    إعمل إنت الصيانة ياسيدي لو معاك فلوس
    مامعكش فلوس
    روح وديها لأي حد يعملها صيانة .. وإتصل بالحاج
    قوله العربية عطلانة .. وسحبتها عن مركز الصيانة .. وخليه ييجي يحاسب
    وخد بالك
    انت كده مش هيكون إسمك كدبت عليه .. إنت بتعمل الصح للأمان ليه .. وليك
    فكرة جامدة جدااا .. تدبيسه زى الفل :d

    وممكن بقى بعد ماتعمل العربية .. قوله انا مش قلتلك يابابا نعمل صيانة قعدت تقولى معرفش اية ومرضتش عشان بس تعرف .. هيخليك تعمل صيانة بعد كده على طول بقى :d


  8. #8

    الصورة الرمزية Screenplays

    رقم العضوية : 105302

    تاريخ التسجيل : 26Jun2011

    المشاركات : 3,817

    النوع : ذكر

    الاقامة : Port Said \ Cairo

    السيارة: Toyota Corolla 2008

    السيارة[2]: Hyundai Verna 2009

    دراجة بخارية: Kia Cerato 2010

    الحالة : Screenplays غير متواجد حالياً

    افتراضي -

    اسمحلي اقولك ان ده تهريج لان كلامك استفزني بصراحه من غير زعل ده انا قولت العكس المفروض انت اللي هتهمل في الصيانه و الحاج اللي هيبقي ايده فيها اول بأول و بصراحه اول مره اشوف مشكله كده و احمد ربنا انك مش راكب كوري و لا صيني كان زمان سير الكاتينه اتقطع من اول سنتين و دخلتوا في نص عمره و معلش اعذرني لصراحتي


  9. #9

    الصورة الرمزية hazoom2006

    رقم العضوية : 7272

    تاريخ التسجيل : 10Mar2008

    المشاركات : 1,084

    النوع : ذكر

    الاقامة : مصر وطنى .. الشرقيه بلدى .. الزقازيق مدينتى

    السيارة: لسة بفكر فى البوجاتى

    السيارة[2]: بفكر فى بوجاتى

    الحالة : hazoom2006 غير متواجد حالياً

    افتراضي -

    الفرامل اهم من الاسبويلر والفلاتر والكلام دة

    يمكن والدك واخد فكرة ان الاصلى هوه اللى راكب فى العربيه وحتى لو جبت من التوكيل مش هيكون زى اللى راكب فى العربيه بصراحه زياده الغش فى السلع بتخلى الواد يقلق من اى حاجة مهما كان مصدرها

    زى ماقال الاستاذ عمرو فهمه ان التيل خلص والطنابير هتبوظ ودى هتتكلف اكتر

    وواحده واحده قوله دلوقتى التيل الاول وبعدين قوله على اى حاجة تانية لو مرضيش سلم امرك لله وحاول توفر وغيرهم انت على حسابك

    I Need A Job


  10. #10

    الصورة الرمزية mrghost

    رقم العضوية : 2585

    تاريخ التسجيل : 12Oct2007

    المشاركات : 4,564

    النوع : ذكر

    الاقامة : cairo

    السيارة: alto 2015

    السيارة[2]: verna 2015

    دراجة بخارية: لا يوجد

    الحالة : mrghost غير متواجد حالياً

    افتراضي -

    hasad">

    باشا معلش مع احترامى ليك وللوالد هى دى اول عربيه تجيبها ؟ لو دى اول عربيه يبقى ممكن فكرته ان العربيه طالما ماشيه وكانت جايه زيرو يبقى ميعملش فيها حاجه
    لو كان عندكوا عربيه قبلها يبقى اكيد فى حاجه غلط وبعدين اكيد فى فرق او احساس بتغيير فى العربيه لو مش معمول لها صيانه وانت كده هتجنى على نفسك ف الاخر لما تلاقى العربيه فتحت مره واحده معاك ومش هتلاحق ع المصاريف



 
صفحة 1 من 2 1 2 الأخيرةالأخيرة

المواضيع المتشابهه

  1. مشاركات: 6
    آخر مشاركة: 03-12-2012, 12:06 PM
  2. ضروري ومهم لخبراء ax
    بواسطة vectra2ever في المنتدى ستـــرويـن
    مشاركات: 6
    آخر مشاركة: 16-09-2012, 02:36 PM
  3. مشاركات: 20
    آخر مشاركة: 20-09-2010, 12:49 PM
  4. سؤال ضروري ومهم
    بواسطة ahmed_mido1889 في المنتدى المنتــــــدى الاجتمــاعى
    مشاركات: 5
    آخر مشاركة: 30-08-2010, 11:28 PM
  5. عاجل ومهم :ازاي تفرق بين تيدا 2009و2010
    بواسطة sami75 في المنتدى نيـــــــــسان
    مشاركات: 21
    آخر مشاركة: 19-07-2010, 01:40 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2