معلش الموضوع مش عربيات خالص ... أقصد تكييف للأوضة بتاعتى
دلوقتى إحنا جربنا ال power و وحش
و عاوزين نركب واحد جديد
دلوقتى محتارين بين sharp و carrier
أنهى الأحسن؟
أرجو الرد بسرعة للأهمية؟
عرض للطباعة
معلش الموضوع مش عربيات خالص ... أقصد تكييف للأوضة بتاعتى
دلوقتى إحنا جربنا ال power و وحش
و عاوزين نركب واحد جديد
دلوقتى محتارين بين sharp و carrier
أنهى الأحسن؟
أرجو الرد بسرعة للأهمية؟
Trane & Sharp
افضل ماركات بالسوق....وسعرهم متقارب
احنا هانجيب واحد من التنين بس غالبا هايبقي ترين عشان بقاله 5 سنين عندنا و مقالش لأ
احسن حاجه فى السوق دلوقتى على حد علمى هى شارب
شارب اعتقد من افضل الحاجات دلوقتى
بس احنا عندنا كاريير و ممتاز جدا و مفيهوش مشاكل و بقالة تقريبا 4 سنين
عن تجربه شارب حلو اوى معايا
بقاله حوالى سنتين عمل شاق
كمان محترم
و وكيل محترم
احنا عندنا كاريير بس قديم شباك
و اتين يونين اير
و واحد باور
بص بقي....الكاريير ممتاز بس ده القديم
اليونيين اير يعتبر برضوا كويس....بس فيه مودليين ايام ما كنا جايبينه
واحد خاماته بلاستيك مش حلو و احيانا بيطلع ريحه مش حلوه....و التاني خاماته انضف
اللي كويس هو السبليت اللي بينفع يتحط ارضي و سقف.....
انا بقي عندي باور بس مش عارف ليه مش مستريحله نفسيا....و حاسس ان درجه حرارته اقل من اليونين اير
و الشاشه بتاعت درجه الحراره احيانا بلاقيها بتهبل ....و تقفيله مش عاجبني
هو في حاجه عندنا في اليونيين انه بيدخل كهرباء حتا لما نكون فاصلين المفتاح....مش عارف ده بقي عيب من التكيف
ولا من الكهربا عندنا...
رأيي هات شارب:) اسمع انه ممتاز
و في علمك يونيين اير و كاريير نفس الشركه اللي بتجمعهم
شكراً بجد يا إخواتى على كل الردود :)
إحنا فعلاً كلمنا توكيل شارب دلوقتى و هنركبه بكره ... الراجل قالنا مش هنتأخر و هنخلصهولك بسرعة لما قلناله مستعجلين علشان الإمتحانات
لكن بصراحة توكيل كاريير .. تحس إن معاملتهم ليك (و أنا بتكلم معاهم فى التليفون) شبه معاملة غبووووور ...... قالولنا هنركبهولك فى خلال 72 ساعة بس لو فضينا لأن الطلبات كتير قوى دلوقتى و مشغولين ... قلناله مستعجلين ... قالنا طب و إحنا نعمل إيه؟!!
غير إن ضمان شارب 5 سنين لكن كاريير سنة عالجهاز و 3 على ال box
خلاص إحنا إخترنا شارب
شكراً تانى ليكم كلكم :)
إدعولى فى الإمتحانات ... متبهدلين فى الكلية :fool:
carrier واليونيون اير
ترين او كرافت
عن تجربه اكيده لكل من راح السعوديه و الكويت و عاش الحر هناك سيقول لك انهم الافضل
شارب لازال اسم جديد فى السوق و لم تتم تجربته بعد بطريقه كافيه لنحكم عليه + انه تقفيل مصرى و ما ادراكم ما هى مساوىء التقفيل المصرى
كاريير الافضل طبعا ، وبالنسبة للمستورد Trane الامريكي.
اقتباس:
و في علمك يونيين اير و كاريير نفس الشركه اللي بتجمعهم
اشك في المعلومة دي ، دي شركة في ابورواش و التانية في اكتوبر تحت مسمى مختلف لكل شركة.
طيب بالمرة اللي ركب السنة دي
يقولنا الأسعار اية وماركة وموديل وقوة التكييف
شاااااااااااااااااااااااا ااااااااااااااااااااااااا اااااااااااااااااااااارب
اقتباس:
لما كنا بنشتري اليونين اير....اللي فاكره ان الشركه نفسها هي اللي قالت كده
عزيزي 3mr Farrag ، على اية حال الاثنثن تجميع محلي.
بص يا باشا ... انا مجرب تكيفات كتير
لو التكييف للريسبشن ... هات شارب وانت مغمض ... لو لغرفة نوم بلاش شارب
مع اني من اشد المتحمسين لمنتجات العربي عموما ... لأنهم ناس محترمين بجد
الشارب بيعمل صوت طقطقة زيادة شويتين نظرا لتمدد وانكماش الاجزاء البلاستك ... يظهر ان خامات البلاستك مش قد كدة... الموضوع ده مزعج بصراحة .. وده مش عيب في الجهاز اللي عندي ده مكتوب في الكاتالوج بتاعه ان الصوت ده طبيعي ... الكارير مافيهوش الحكاية دي ( مش محسوسة ).....الموضوع ده مش ح تلاحظة الا لو في غرفة نوم ....لو في صالة او ريسبشن مش ح تلاحظ حاجة مع الصوت والدوشة
انا طبعا باتكلم عن التكييف السبليت ... دة اللي انا مجربة ... ومركبة في غرفة نومي للأسف
ما هى الاسعار لكل من الكاريير والشارب 2 حصان؟
واخبار الباناسونيك ايه هل موجود فى مصر وبكام..لانه جهاز ممتاز