حرام عليك ظلمت العربية
العربية تقفيل بلدها (فرنساوى ) وبتبتدى على ما اظن من 138000 المانيوال
العربية دى لا تقولى فانتازيا ولا فوكاس وسعرها معقول جدااااا على انها فرنساوى
عرض للطباعة
أنا معايا فانتازيا 2010 وركبت فوكس 2007 وبالأمانة الفانتازيا أحسن بفرق كركوبة ووسع وبرستيج. وطبعا معرفش حاجة عن فوكس 2012.
بمنتهى الحياد لو نقطة سعر إعادة البيع هايفرق مع اللي هايشتري الفوكس، خليه يفكر في مازدا 3
أنا ركبت العربيتين (ما سوقتش الفوكس) العربيتين ليهم نفس العفشة ونفس نظام التعليق
المازدا 3 والفوكس والفولفو اس 40 و في 50 كلهم ليهم نفس الشاسية والعفشة
Ford C1 platform - Wikipedia, the free encyclopedia
يعني جسم العربيتين وتعليقهم واحد
المازدا 3 هاي لاين (في رأيي الشخصي فيها نفس الكماليات ويمكن اكتر من الفوكس هاي لاين) وخامات المواد الداخلية وشكلها من جوة انضف من الفوكس الجديدة، واركب بنفسك وقارن
الفوكس اوسع سنة صغيرة من المازدا 3 في القعدة ورا وكمان النزول والركوب من الباب اللي ورا احسن في الفوكس
الفوكس في الملفات احسن من المازدا بفرق بسيط
المازدا والفوكس والفانتازيا كلهم ثبااااااااااااات وهم ماشاء الله (مافيش فرق في الثبات مع ملاحظة ان مازدا 3 وزنها أخف واحدة فيهم يعني لما تاخد غرزة بيها هاترد معاك و تكون احسن من الفانتازيا اللي وزنها اتقل )
فاضل قوة الموتور بين الفوكس والمازدا ودي انا معرفاش ومش هاقول فيها حاجة (مابحبش الفتي) بس من قرايتي في المنتديات (مش عن تجربة يعني) الاتنين زي بعض تقريبا
المازدا 3 هاي لاين ب 155 الف (لو عرفت تلاقيها)
نفس المواصفات والكماليات والجودة ( طبعا الرفاهية والكماليات في الفانتازيا احسن) لكن قوة موتور وجير بوكس وتحمل جري وشد وسخونة ( الفانتازيا ناس كتير شايفهم على المنتدى بيشتكوا من ان موتورها بيجيب وش سلندر في الحر والبهدلة دور في منتديات الأوكتافيا بنفسك هنا وفي منتديات تانية زي مصر موتورز مثلا وشوف الناس بتقول ايه) ، الفوكس والمازدا احسن من الفانتازيا بكتييييييييييرررررررررر في النقطة دي
سعر إعادة البيع الفانتازيا سعر اعادة بيعها احسن واحدة فيهم ثم المازدا ثم الفوكس
انا لو هاشتري وعايز مضمون عربية هاشتري المازدا 3 لأن الفوكس سعر اعادة بيع اوحش والخامات من جوة ماعجبتنيش حسيت المازدا انضف ، وهي هي الفوكس كشاسية وتعليق
انما لو انا عايز برستيج اعلى ومش فارق معايا جودة الموتور وهعامل العربية بنضافة وصيانة في مواعيدها يبقى هاجيب فانتازيا
ياريت حضرتك تستنى معرض فورميلا الأهرام وتشوف التلات عربيات بنفسك وتركب وتقارن
وربنا يوفقك للي فيه الخير ليك ايا كان ان شاء الله :)
الاوكتافيا ضيقه ومش جرايه خالص---عندنا فوكس 2004 لحد انهاردة مغيرناش مسمار فى العفشه نهائى وموتور قوى بس اعادة بيع فى الارض
شكرا على الردود يا رجاله . بس فى نقطه انا زى ماقلت قبل كده العربيه حتقعد معايا من 7- 10 سنين فمش فارق معايا سعر اعادة البيع انا المهم عندى الاعتماديه يعنى مش عايز كل شويه العربيه يطلع فيها حاجه مع انى مبهينش العربيه و حلتزم بالصيانه فى مواعيدها. بس النقطه دى يلزمها توكيل محترم و اسعار صيانة معقوله . و شكرا
طب فكر فى البيجو 308 لانها فى نظرى انضف من الاتنين والله + انك حتكسب اعادة بيع
المازدا 3 الابواب غير مصفحه والشاسيه شكله مش تمام لسه شاىف واحدة فى الحرفيين كانت عامله حادث ومن غير فرش وكل حاجه واضحه الابواب مافيش تسليح ولا تصفيح مجرد حتت صاجه ملحومه جوة الباب والصاج بتاع الشاسيه شكله ضعيف جدا خسارة فيها الفلوس-دة غير انى بشوف عربيات مازدا 3 العجل الى ورا بقى زى رقم 8---ابعد عنها ومتحطاش فى تفكيرك-الفورد عربيه ممتازة جدا بلا شك