المشاركة الأصلية كتبت بواسطة kareem fawzy
امبارح وبفضل الله واحد صاحبى من المقربيين ليا جدااً
من مؤيدي شفيق وكان فى الحملة كمان
ودة كان من مؤيدي شفيق من قبل ما شفيق يعلن الترشح للرئاسة اصلاً
نجحت انا وامى بفضل الله نغير تفكيره 180 درجة ونقنعه انه ميصوتش لشفيق
بس طبعاً كان مستحيل نقنعه بمرسى لاننا اصلاً مش مقتنعين بيه
فوصلنا معاه للاخر انه هيبطل صوته
تخيلوا يا جماعة 4 ساعات مناهدة مع حضرته لغاية ما ماما قالتله واله قوم امشى انتا غبى اساساً وهو ينادى عليها
يا طنط يا تقنعينى يا اقنعك
وهى اقنعته امبارح
اى نعم منه لله مسهرنى لحد الساعة 4 الفجر امبارح ومذاكرتش حاجة وصاحى مصدع اساساً
بس اهوه نجحنا نعمل حاجة اخيراً مع حد من المغيبين دول
واللى اكتشفته بقا يا جدعان ان معظم مؤيدي شفيق مش مؤيدينه حباً فيه
هما مؤيدينه كرهاً فى الاخوان
بيقولى الاخوان عمرنا ما هنعرف نمشيهم
قولتله مهم مشيوا فى اقل من 10 دقايق بحكم قاضى اهبل
تحس انه حافظ مش فاهم