لاحول ولاقوة إلا بالله
النهاردة بدأت بوادر أزمة جديدة
أخويا كان في حلوان ماكانش لاقي
رجع كورنيش ودخل ميدان الجيزة لقى بنزين هناك
أنا في الهرم مالقتيش غير في موبيل دربالة اللي في اول الهرم وكان في في توتال في اول الهرم برضه
ربنا يعديها على خير
عرض للطباعة
لاحول ولاقوة إلا بالله
النهاردة بدأت بوادر أزمة جديدة
أخويا كان في حلوان ماكانش لاقي
رجع كورنيش ودخل ميدان الجيزة لقى بنزين هناك
أنا في الهرم مالقتيش غير في موبيل دربالة اللي في اول الهرم وكان في في توتال في اول الهرم برضه
ربنا يعديها على خير
نفس الكلام فى محافظة قنا - لا حول ولا قوة الا بالله اللهم اصلح حال مصر.
المنوفية كذلك
قاتل الله كل من يحاصرنا
انا ملاحظها من كام يوم في القاهرة .
من حوالي 5 ايام تقريبا .
بنزينات كتير مافيهاش .
والسولار زحمة.
والانابيب تكاد تكون مختفية .
حكومة الجنزوري كتر خيرها . بنزين وسولار وانابيب .
الموضوع من اكتر من 5 ايام فعليا
انا من اسبوع حبيت امون واتغلبت
اول امبارح رحت امون وقفت طابور طوييييييل على بنزين 92
ولا استطيع ان اغفل مصيبة اللي بيبيعو بنزين 80 في السوق السودا عيني عينك والليتر بجنيه وربع
حسبنا الله ونعم الوكيل
المنصورة شرحة ... عربيات النقل والميكروباس بتبات في البنزينات ... ومن حوالي 5 أيام لا يوجد غير بنزين 92 فقط... حبايبنا الحلوين بيأدبونا علشان نحرَّم
أنا على الاحتياطي وهسيب العربيه في الشغل لحد ما تتحل
الحمدلله عربيتنا متفولة
سمعت يوم السبت مقوله
من ناس فى طنطا
ان التريلات بتخش تاخد البنزين من شركة البترول وبدل ما توديه للبنزينات بتاخده وترميه فى الجبل
مش عارف صحة الكلام ده
وطبعا صاحب البنزينه هو المستفاد بياخد اكتر من حق البزين
لو الكلم ده صح تبقى مصيبه
انا لاحظت الحكاية دى من يوم الجمعة لكن افتكرت انها صدفة مش اكتر
ربنا يستر الحمد لله انى مفولة العربية امبارح
انا مفول امبارح من امارات المعراج 92 ومكنش فى زحمة ولا مشاكل. وكان فى 92 و95.
وعلى ناصية الشارع اللى ساكن فية بنزينة التعاون وعندهم 80 و 90 زى الفل.
كل البنزينات عليها طوابير
امبارح طاقة عالدائري عليها عربيات كتير وقافلين حارتين من الطرق
الزقازيق ...... منيلة بنيلة
طريق الزقازيق-ديرب نجم ..النهاردة
كان مقفول فعلا.
طاااااااااااااااااااااااا ااااااااااااااااااااااااا ااااااااااااااااااااااااا اااااااااااااااااابور قدام بنزينة (إكوة) قافل الطريق من الناحيتين
وأنا بعد مالفيت الزقازيق مالقتش بنزين ..أو الاقي زحمة
رجعت البلد..وحطيت 80 ..من واحد بيبعه في البلد .. الــ 25 لتر بـــ 30 ج
السولار زحمة...
الله يخربيت دي بلد
كل حاجه بايظه و خربانه و زي الزفت بجد قرفت
الزقازيق مافيهاش 92 خالص...........حسبى الله ونعم الوكيل فى قيادات الدولة اللى مش عارفة تدير البلد فى أتفه المشاكل
احنا هنا فى اسيوط والله مصيبة سودة
البنزين ال 80 وال 90 بخ اتبخر من البنزينات كلها
وال 92 التاكسي القديم بيحطه هيعملو ايه
وكل يوم الطريق مقفولة بسبب البنزين والادهى بقي انهم موتو واحد ..
وكمان كسرو بنزينة ابو واحد صحبي وضربو نار بس الحمد لله جت سليمة
وربنا يعديها على خير
طابور السولار في المنصورة يمتد لكيلو مترين وبيفكرني بأيام أزمة البترول في السبعينات في دول أوربا وأمريكا ,, بنزين 80 يتواجد لساعات معدودة في أوقات الذروة في بنزينات معينة ... أكاد أجزم أن هناك حيتان يتاجرون في الدعم طوال العام الماضي ويكدسون الملايين كل يوم
ايه حكايه بيرمو في الجبل دي؟؟؟؟؟!!!!!!!! بردو اول اميار في مدينه نصر كانت بوادر ازمة كل بنزينه كان ادمهاا 5 6 عربيات غير السولار البنزينه اللي فيهاا موقفاا الشارع
احنا مش حنخلص بقي من الارف دة
حكاية الجبل دي سمعتها قبل كدة من حد في المنيا
ربنا يصلح الأحوال
يا جماعة بكره ربنا يفرجها ان شاء الله
انتو مش فاكرين ازمة البوتاجاز بهدلتنا قد ايه ..وبعدين خرج علينا سيادة الوزير كاشف راسه وحل الموضوع ببدعه الكوبونات ووعدنا بيها خلال شهرين وان الازمة هيلبسوها طاقية إخفا
دلوقتى نفس اللعبة على نفس الملعب اخنق المواطن واقطع عنه البنزين علشان بيشمه و خطر على الصحة وبعديها بشوية اعمله بدعه تانيه بكوبونات برضة وقولهم ده الحل وكدا حصرى للشعب المصرى
والله العظيم انا صعبان على نفسى اللى بيتعمل فيا وفيكوا ده
مش كان معايا حق لما قولت والناس زعلت منى انى نفسى اعيش واشتغل فى اسرائيل او امريكا او اى حته بتعرف قيمة جذمة المواطن بتعها
يعني ايه بيرموه فالجبل وايه الفايدة من كده غير ضغط المواطن وارضاخه لأي شيء بعد كده,,,السؤال بيقول هنا بيرموه فالجبل في تانكات ولا فين؟ عالارض!!