الموضوع: مشكلة جديدة

السلام عليكم يا أحلى عصابه

فى البداية أكيد فاتنى كتييييييييير لأنى محضرتش المقابلة كان نفسى اتعرف على الناس الحلوه اللى منوره المنتدى ، لكن عندى امل انها تتعوض قريب ان شاء الله.

المشكلة بقى اللى عندى كالأتى :
من فتره اسبوعين تقريبا كنت روحت للعفشجى وغيرت العفشة كلها تقريباً
1. مساعدين جداد
2. بيض مقصات ، تيش ، ميزان
3. جلب مقصات
4. بطاحات
كله جديد
المهم خلصت ( بعد ما روحى طلعت من الساعه 7.30 ص الى 7.30 مساءا ) ومشيت وانا مروح لقيت الدركسيون موش مظبوط يعنى موش عدل كاسر ناحيه الشمال ، كبرت دماغى وقولت هبقى اروح لحد بتاع ظبط زوايا واظبطه.
روحت بنزينه وطنيه على طريق الاوتو ستراد وحدث الأتى : الواد قالى ان العجل مرحل وراس الكوبلن الداخلى يمين مفارق شويه من الفتيس وبيجيب زيت ، طب الحل يا عم الحج قالى لازم مكبس وتتلم وفيلم هندى طيب ماشى كام قالى وعشان خاطرى 275 جم وده عشان المكبس عنده او الزرجينة هيدروليك وكمبيوتر وحاجات بتمشى لوحدها المهم خدت ديلى فى سنانى ومشيت وطبعاً دفعنى كشف 10 جم وبدون نتيجه.


قولت اروح لواحد عندنا متخصص ( اسمه اشرفكو متهيئلى معروف ) المهم كشف وقالى ان العجله اليمين لازم تدخل لجوه 3/4 سم والشمال تطلع 1سم من أعلى المساعد
طيب اشتغل قالى لا دى لازم تروح للعفشجى ويكون عنده مكبس عشان يكبس عليه الركبتين طيب حتى اعدلى الدركسيون لانه مزهقنى قالى لازم يتعمل الفرق ده الأول
وطبعاً دفعت الكشف 10 جم .


المحصله موش فاهم حاجه ، مش عارف حل للمشكله ، بدفع فلوس ومفيش اى نتيجه


ومستحيل انى اروح للعفشجى تانى لأنه أولا زحمه جداً ومشواره بعيد جداً جداً ومتهيئلى معندوش المكبس او الزرجينه اللى قالو عليها بتوع ظبط الزوايا.


اعمل ايه ؟

معلش طولت عليكم