تخبيط فى الماتور

**aymanmezo** · 18-03-2012 11:42 AM

السلام عليكم يا اعضاء المنتدى الكرام
اولا احب اشكر جميع اعضاء المنتى
و شكر خاص جدا جدا للمهندس محمد سالم على ردودكم السريعه و الوافيه
انا عندى مشكله يمجد خشانه فى العربيه زى ما يكون الماتور قاعد على الحديد بدون قواعد
فكرت فى القواعد الماتور و للتاكد كنت لما برفع الماتور من الديول الصوت كان بيروح
غيرت القواعد عند الميكانيكى لانه حدد العيب نفسه
بس الغريب انى بعد ما غيرت القواعد العيب ما زال موجود
مع العلم ان كاويتش التشمبار عندى بايظ بس اعتقد مش منه لانها الصوت ده و هيا واقفه و الماتور داير
افيدونى يا اهل الخبره و
و جزاكم الله كل خيرا

**smsmxxxxxx** · 18-03-2012 07:17 PM

العفو يا باشا احنا كلنا اخوات

انا كان عندى صوت الموتور خشن لما غيرت زيت راح الصوت
انا كنت حاتط زيت 20w50 اشتغل شوية كويس وبعد كدة حصل الصوت ده
غيرته بزيت درجته 50 ثابتة فاشتغل معايا كويس
لان عندى الموتور محتاج طقم شامبر

ومرة تانية الموتور كان فيه تخبيط بيروح وييجي غيرت سلوك البوجيهات اشتغل كويس

**aymanmezo** · 18-03-2012 10:12 PM

الف شكر يا بشمهندس محمد
انا بحط زيت شيل الاحمر اللى هوا الاحمر 1000 كيلو الميكانيكى بيقلى انو الافضل للعربيه
واحد صحبى راكيب فولكس بيقلى انو الافضل هوا التعاون البرتقالى
على فكره انا لسا مغير الزيت قريبا ما كملش 100 كيلو او اقل ليس اكثر لقنى مشاويرى قليله جدا و صغيره
بس انا عايز اعرف لما برفع الماتور من الشكمان الصوت بيروح
هل هى قواعد الفتيس لانى لسا زى ماقلت لحضرتك مغير قواعد الماتور المركب
هغير سلك البوجيهات لان العربيه سعات القيها فايقه و سعات القها مخنوقه مع اكلانها للبنزين
بس المهم موضوع النحر ده بحس انى الماتور جنبى بعتزر جدا على الايطاله
و ارجو ما تكنشى اتخنقت منى مع خالص الشكر

**smsmxxxxxx** · 19-03-2012 12:02 AM

انا برضه مشاويرى قليلة بس الزيت بيتغير كل 3 شهور لو انتا ممشتش مسافة التغيير بتعته
خللي الميكانيكي يفصل المروحة وشوف الصوت هيروح ولا لاء
ازا مرحش شوف ميكانيكي تانى غير اللى بتتعامل معاه علشان يمكن يكون عمل حاجة غلط وهو بيغيرلك القواعد ويمكن ميكونش غيرها اصلا

**aymanmezo** · 19-03-2012 11:28 AM

السلام عليكم
ازيك يا بشمهندس محمد
انا شكيت فعلا فى التربينه وهروح الى ميكانيكى تانى بس على فكره الصوت بحس انو جاى من عند اول الفتيس مش من عند الماتور هيا زبزبه الماتور الى مسمعا معاه عشان كدا تقكيرى رايح اكثر الى قواعد الفتيس
اما قواعد الماتور متغيره قدامى مفيش شك فى تغيرها
اما كاويتش الترشمبار ملهاش علاقه بالموضوع
والا ايه
و جزاك الله كل خير

**smsmxxxxxx** · 19-03-2012 01:45 PM

مش عارف والله يعتى ايه كاويتش الترشمبار
ياريت تقولي مكانها فين

**aymanmezo** · 19-03-2012 09:44 PM

كاويتش الترشمبار عباره عن كاوتشه مدوره بتركب فى الجزء المحورى فى السكاكين الخلفيه جزء من العفشه الخلفيه
اللى هيا بيتعلى منها العربيه من الخلف
اصل عربيتنا من غير سست خلفيه

**aymanmezo** · 21-03-2012 08:59 PM

اسلام عليكم
فاينك يا بشمهندس محمد والله وحشنى يارب تكون بالف صحه و عافيه
انا بطمن عليك

**smsmxxxxxx** · 22-03-2012 08:27 AM

الحمد لله يا ايمن باشا انتا اخبارك ايه
حليت المشكلة اللى عندك ولا لسة

**aymanmezo** · 22-03-2012 11:23 AM

لسا والله انا ببقى مشغول طول الاسبوع
بس ان شاء الله هروح بكره اشوف اخرتها ايه مع العربيه ده
ربنا يهديها و تبقى كويسه

الموضوع: تخبيط فى الماتور

LinkBack

أدوات الموضوع

عرض

-

-

-

-

المواضيع المتشابهه

صوت تخبيط

عاجل : الماتور عايز طقم شنبر - اعمل نص عمرة ولا اغير الماتور

صوت تخبيط

صوت تخبيط

الكلمات الدلالية لهذا الموضوع

المفضلات

المفضلات

ضوابط المشاركة