تياجو و A620 منافس بلا منازع في معرض اتوماك لاخبار اليوم

**medomasry** · 25-01-2009 12:38 PM

على فكرة انتا كلامك دة غريب لان انا ركبت التيجو وركبت مركات كتيرة فى المعرض وحسيت انها مش اقل من اى ماركة لان ابو الفتوح مديها وضعها وهى عربية جميلة
دا المتور بتاعها المانى والعفشة يابانى والصاج بتاعها 9 ملى يعنى مش عارف اقول اة دى هيا كدة اقوى من اى عربية فى فئتها
دا غير القنبلة الى منزلها الى هيا تيجو 1600
يعنى ابو الفتوح دا جبا نفس العربية وبموتور 1600
يعنى اوفر فى الاستهلاك والسعر
يعنى الخلاصة كل الى بيتقال عن التيجو واسبيرانزا بصفة عامة دا كدب ونفاق ورياء من ناس فاااااااااااااااااااااااا ااااااااااااااااااااااااا ااااااااااااااااااااااااا ااااااااااااضية

**human** · 25-01-2009 12:49 PM

المشاركة الأصلية كتبت بواسطة medomasry

يعنى الخلاصة كل الى بيتقال عن التيجو واسبيرانزا بصفة عامة دا كدب ونفاق ورياء من ناس فاااااااااااااااااااااااا ااااااااااااااااااااااااا ااااااااااااااااااااااااا ااااااااااااضية

يعنى انا مش عاجبنى العربيه و شايف ان هيه ماتسواش و كمان شايف ان ده ضحك و نصب على الشعب المصرى
ده رأيى

حضرتك بأى صفه تشتمنى و تقول عليه رياء و نفاق و ناس فاضيه
الكلام اللى حضرتك بنقوله ده مش مناقشه ده عباره عن سب و نوع من انواع عدم الدرايه بالحوار او ادابه

ياريت بعض الاحترام و تفكر قبل ما تخبط على الكيبورد بالكلام ده

ا

**medomasry** · 26-01-2009 01:14 PM

واضح ان حضرتك من النوع الى بيحب يتكلم على حاجة مجربهاش
تعرف اية انتا عن الاسبيرانزا انا معايا 3 انواع منها
وبصراحة عربية مافيهاش اى مشاكل
وانا مازلت مصر على كلامى

**human** · 26-01-2009 01:50 PM

واضح ان حضرتك عندك مشكله فى احترام اختلاف الرأى
و ده بيبين شخصيه حضرتك
ربنا يوفقك

**medomasry** · 26-01-2009 07:25 PM

انا مش عايزك تزعل بس انا شايف ان فية افترى على العربية وهيا كويسة
و انا اسف على العموم

**Adham** · 26-01-2009 09:51 PM

المشاركة الأصلية كتبت بواسطة medomasry

واضح ان حضرتك من النوع الى بيحب يتكلم على حاجة مجربهاش
تعرف اية انتا عن الاسبيرانزا انا معايا 3 انواع منها
وبصراحة عربية مافيهاش اى مشاكل
وانا مازلت مصر على كلامى

لتاني مرة باقولك شكلك بتشتغل في سبيرانزا هههههههههههههههههههههه

بلاش تعصب و أحكم بموضوعية, لأن كلام حضرتك مبالغ فية قوي و يخرج عن نطاق التصديق

و السبيرانزا دي حوالينا في الشوارع مش من كوكب تاني بنسمع عنها أساطير

**medomasry** · 26-01-2009 11:21 PM

والله شكلك انتا الى من كوكب تانى وما بتمشيش فى الشوارع
و انا اسف علشان قلت
انا اسف
ههههههههههههههههههههههههه ههههههههه

**mga747** · 08-04-2009 02:02 AM

فى ناس كتير أوى مستنيين 1600 سىسى ويوفر فى التراخيص اولا والبنزين ثانيا
ولكن :
ده رأيى الشخصى السطحى:

التيجو وزنها تقيل شوية
فلو 1600 سىسى هيكون يادوبك مظبوط عليها
فإن 2000 سىسىسيكون مريح للماكنه وللفتيس وللسيارة وخاصة مع التكييف والأوزان (الأفراد والشنطة الكبيرة) ...!!

فما هو رأيكم ...؟؟؟؟

**mzm** · 04-05-2009 02:51 PM

ايه الموضوع يا جماعه من الاول الى مش عجباه العربية ميشترهاش بس مش من حقه يحقر فيها ويول زبالة وزبلة الزبالة والى معاه تمن المرسيدس حلال عليه ياعم والى عجباه العربية ربنا يبركله فيها الموضوع متعلق بالاماكنيات المتوفرة فى العربية مقابل السعر يعني بالنسبة لسعرها وامكانيتها فهيا جميلة جدا عربية عائلية تنفع الناس الى زي حلاتى عندهم عيال وعوزين يشترو عربية تنفعهم بسعر معقول فى ناس عوزة عربية بنفس الامكانيات وميهمهاش السعر حلال عليهم مش مستهله اوى كده لهيا زبالة ولا هيا مرسيدس حلوة فى عيون اصحبها والى يتنع بيها

**ALshahba** · 09-07-2009 09:28 PM

المشاركة الأصلية كتبت بواسطة crazylambada

:s_thum1[1]:

1000000000000
العربية اتقلبت في اختبار التصادم الامامي:c_laugh[1]:

اومال لو جانبي يبقى ايه

معلش مع احترامي
انا عملت حادث بيها من يومين والحمد لله رب العالمين خرجت منها علي خير........ كنت ماشي علي 80 ولبست في اتوبيس بالعرض وان من وشي والحمد لله ما اتقلبتش ولا حاجه وخرجت منها سليم والكابينه محصلهاش ايييييي حاجه بس من قدام اتبهدلت
الحمد لله