استفسار ضرورى من elmanahry and drpeter وباقى الاعضاء
elmanahry and drpeter
و باقى اعضاء قسم byd المحترمين انا عندى استفسار مهم
انا اسمى مينا و اول مره اسئل فى الموقع الجميل دا
انا بتشغل فى شركه ادويه و بفكر اجيب عربيه زيرو قسط على 5 سنين
و فكرت فى اللوجان و بعدها صرفت نظر
و دلوقتى بفكر فى الفيرنا و ال بى واى دى و الجين 2
بس طبعا الجين 2 بفضلها لكن سعرها غالى شويه ممكن مقدرش عليه
و المقارنه بين الفيرنا و البى واى دى
لان يهمنى اوى
1/ سعر اعاده بيع كويس
2/ قطع غيار متوفره و بسعر مناسب
3/ سياره ثابته و عفشه قويه تتحمل طرق بلدنا الجميل خصوصا انى اغلب الطرق اللى همشى فيها هتكون فى ارياف الدقهليه
4/ سياره غير مكلفه من حيث البنزين و استهلاكيه قطع الغيار و اسعار الاجزاء المستهلكه مثل الفوانيس
انا الفيرنا طبعا مقتنع بيها لانها منتشره جدا و اكتر عربيه بتبيع فى مصر و دا اكيد ميزه فيها
لكن مدايق لانها خفيفه و صاجها خفيف و على السرعات العاليه مش ثابته و فرملها اكيد مش قويه
و البى واى دى لاحظت انتشارها فى التاكسى كتير و بدأ فى المنصوره كمان
فا عاوز معلومات عنها و
عن سعرها دلوقتى
و مكان توكيلها فى المنصوره
و اقرب مكان صيانه ليا و تكاليف الصيانه لكل 5000
وشكرا جدا لاهتمامكم
