لاهل الخبرة تحويل 1300 الى 1600

انا معايا لانسر بومة 2007 العربية ممتازة والحمد لله فابريكة بالكامل وفيها كماليات كتير المشكلة انها 1300 اوتو عايز احولها الى 1600 اوتو يارت حد يفيدنى فى ناس هتقول بيعها وهات واحدة 1600 انا بصراحة مستريح مع العربية كحالة وكماليات ومش ضامن لما ابيع اجد 1600 نظيفة تانى ولو بعتها وهى فيها الكماليات ممكن اخسر فيها كتير فانا بفكر فى تغيير الماتور احسن اريد من اهل الخبرة ايفادتى فى الحاجات الى هتتغير وفى اية ممكن يفضل وتكلفة التغيير هتكون فى حدود اد ايه علما بان الماتور الى معايا ممتاز وعامل حوالى 81000ك ولكم كل الشكر

غيرها احسن
لو جبت موتور ممكن يكون فى مشاكل وحالة العربية تتغير عما كانت علية
لو مريحاك وتمام خليها زى ماهيا عايز 1600 رأى ان حضرتك تغيرها

انت مرتاح للعربيه علشان العربيه على طبيعتها لكن لما تغيير فيها حاجه صدقنى مش هاترتاح خصوصا انك لازم تغيير الفتيس

اقتباس:

---

المشاركة الأصلية كتبت بواسطة أبو إياد

انت مرتاح للعربيه علشان العربيه على طبيعتها لكن لما تغيير فيها حاجه صدقنى مش هاترتاح خصوصا انك لازم تغيير الفتيس

---

الاخ العزيز ابو اياد لو تم تغيير الماتور بالفتيس اعتقد كدة السيارة هتكون كويسة

تغيير بتغيير يبقى تسقط مكنه 2000 بفتيسها وهاتحتاج تغيير اليايات وتركب جنط 17 وانسى
الموضوع ده يكلفك بالظبط 8000ج بالدخول بالحاجات القديمه بتاعتك تقريبا

اقتباس:

---

المشاركة الأصلية كتبت بواسطة أبو إياد

تغيير بتغيير يبقى تسقط مكنه 2000 بفتيسها وهاتحتاج تغيير اليايات وتركب جنط 17 وانسى
الموضوع ده يكلفك بالظبط 8000ج بالدخول بالحاجات القديمه بتاعتك تقريبا

---

كلام ممتاز وسمعتة قبل كدة بس هيحتاج نغير كمان العفشة ولا ايه وتانى حاجة مش هواجه مشكلة فى قطع غيار المكنة 2000 ومين احسن واحد يعمل موضوع التغيير دة هتعبك من كتر الاسئلة

ابو اياد
الــ 8000 دول .. موتور وفتيس بس
ولا إنت حسبت الجنوط معاهم ؟

شوف الانسر 1600 حريقه بنزين عندنا واحدة سوبر اكشن--1300 افضل فى البنزين

مفيش احسن من الحاجه الفابريكه. طالما عربيتك كويسه ما تلعبش فيها بدل ما تدفع فلوس علشان تغير الموتور و يطلع الموتور الجديد فيه مشكله لاقدر الله مثلا و لا تطلع لك مشاكل تانيه و بعدين خللى بالك ان الفلوس اللى هتدفعها على الموتور و الفتيس الجداد غالبا هيروح عليك لما تيجى تبيع و اللى هيشترى ممكن يقلق اصلا لان الموتور متغير. الافضل خليها بحالتها و ما تصرفش عليها و حاول تشيل مبلغ على جنب لحد ما تكمل تمن ال ١٦٠٠ و ابقى بيع دى بحالتها و اشترى واحده كويسه بحالتها و اكشف عليها فى التوكيل علشان تطمن من الحاله بتاعتها

اقتباس:

---

المشاركة الأصلية كتبت بواسطة land_cruiser

مفيش احسن من الحاجه الفابريكه. طالما عربيتك كويسه ما تلعبش فيها بدل ما تدفع فلوس علشان تغير الموتور و يطلع الموتور الجديد فيه مشكله لاقدر الله مثلا و لا تطلع لك مشاكل تانيه و بعدين خللى بالك ان الفلوس اللى هتدفعها على الموتور و الفتيس الجداد غالبا هيروح عليك لما تيجى تبيع و اللى هيشترى ممكن يقلق اصلا لان الموتور متغير. الافضل خليها بحالتها و ما تصرفش عليها و حاول تشيل مبلغ على جنب لحد ما تكمل تمن ال ١٦٠٠ و ابقى بيع دى بحالتها و اشترى واحده كويسه بحالتها و اكشف عليها فى التوكيل علشان تطمن من الحاله بتاعتها

---

هوة دة الصح انا العب فى عربيتى لما تكون رايحه عملت حادث غير كدة الفبريكه افضل

اعمل الي يخليك مبسوط
لو دماغك في الــ 1600

إنزل الحرفيين شوف مين عنده الموتور الــ 1600 .. وخد معاك صنايعي ينقيلك الموتور

وعيش
إعمل كل إلي نفسك فيه

بص يا فارما
المرحومه كانت 1300 مانيوال وكنت اتفقت على تغيير الموتور وحاجات تانيه والسعر والتكلفه كانت 8

الحاجات اللى هاتستبدل
موتور وفتيس دفيره عداد كونسوله وبدالات وريداتير ( لان عربيتى مانيوال)
موضوع العفشه ده حاجه تانيه السوست تقريبا ب 1000ج غير الجنوط

لكن لو العربيه من الاساس اوتوماتيك هاتوفر معايا ( كونسوله وعدادات وبدالات )

اما تقضيها بال1300 واما تغير لل1600

لو عربيتك مرياحك فى المجمل متلعبش فيها هتفرهض نفسك وجيبك على الفاضى والنتايج مش مضمونة وكمان الفرق بين 1300 و1600
مش جامد اوى ويستاهل انك تشيل وتحط بل وفوق كل ده 1600 استهلكها فى البنزين عالى شويتين