هو طبعاً الموضوع يتوقف على أنت مجال شغلك أيه......بمعنى أن فيه مجالات لسه مفتوحة رغم الظروف الحالية و فى مجالات تانية الهنود و الباكستانيين مستوليين عليها فى الظروف الحالية نظراً لأنهم بياخدو مرتبات أقل.
عموماً أنت سجل فى مواقع التوظيف التالية و دور فيها...........كلها مواقع معروفة و محترمة و مش بتاخد فلوس
bayt
gulfjobsmarket
naukrigulf
mehnity
mihnati
غير دول فيه موقع أسمه Job Search | one search. all jobs. Indeed
الموقع ده زى محرك بحث عن الوظايف فى دول الخليج
مشكلته الوحيدة أنه بيجيب كل الوظايف من كل المواقع حتى المواقع اللى زى مصراوى مثلاً و دى مش بتبقى كويسة و بتبقى شركات صغيرة اللى بتعلن فيها و برضه مشكلة تانية أن هتلاقى كتيييير قوى ناس بتدور على شغل عليه.........يعنى من كل 10 إعلانات هتلاقى 5 مثلاً بيدورو على شغل.
أى موقع يطلب منك فلوس للتسجيل أبعد عنه و مثال على المواقع دى
jobsindubai
teleportmyjob
aljazeerajobs
staffinuae
فيه برضه طريقة تانية أنك تدور على الشركات الكبيرة و المعروفة زى مثلاً هينكل.......أيه بى بى الخ و تدخل على المواقع بتاعتهم و تقدم
و كذلك على مواقع الحكومة الإلكترونية لمعظم دول الخليج هتلاقى لينكات للوظايف أو لينكات مفيدة للشركات الكبيرة المملوكة للحكومة زى على سبيل المثال كيوتل و دى زى المصرية للأتصالات بس فى قطر و هكذا.
و ربنا معاك.
المفضلات