تقرير عن تغير مرايا كهربا لصنى سوبر صالون

**night_whisper** · 18-03-2012 11:42 PM

السلام عليكم يا صقور

أتمنى يكون الجميع بخير و سعادة

من يومين و انا نازل حارس العقار لقيته بيقولى أن مرايا العربية مكسور

شوفت المرايا و لقيتها فعلآ مكسور من قاعدة المرايا (يظهر ان حد حاول يفتح المرايا و لأنها بتتفتح كهربا مافتحتش بسهولة فكسر المرايا من التروس اللى بتفتحها)

المهم حمدت الله و قولت (الحمد لله رب العالمين قدر الله و ما شاء فعل)

روحت اليوم التوكيل (مركز السبع) و ركبت مرايا جديدة و كان كافر المرايا متخربش فكرت أغيره بس لقيته مش موجود و هيجى يوم الثلاثاء فالمركز قام بفك الكافر القديم معجنه و رشة و ركبة على المرايا الجديده لانه كان سليم و مش مكسور

و اليكم الصور

أولآ المرايا و هى مكسورة

المرايا بعد التركيب بدون كافر

المرايا بعد رش الكافر و تركيبة

المرايا القديمة و هى مفكوكة

الموضوع أخذ حوالى ساعة و نصف

التكلفه

مرايه : 525 جنية

أعمل دهان : 100 جنية

أعمال فك و تركيب مرايا : 100 جنية

ضريبه مبيعات : 72.5

الأجمالى : 797.5 جنية

و فى النهاية بشكر المهندس أيمن مسئول السمكرة فى مركز السبع على أتقان العمل و سرعة التركيب

و بشكر الأستاذ وائل مسئول قطع الغيار

و أختم الموضوع بتحياتى و أحترامى للجميع

**Sehsss** · 18-03-2012 11:49 PM

قدر الله وما شاء فعل، وألف مبروك على المراية الجديدة، ما شاء الله شكلها جميل والرش نضيف

**SonaSteel** · 18-03-2012 11:55 PM

مبارك علي المراية الجديدة :)))
وربنا يباركلك فيها يارب ....... وفعلا لما بتتقفل من باليد ممكن تبوظ كده ؟؟؟
تقرير ممتاز ....... والسبع من مراكز الخدمة المحترمة :))
اقعد بالعافية :d