خدمة فودافون اهم خمسة ؟

**BomBom** · 06-06-2008 06:35 PM

ال free number و ال free time متاح لنظام free و مش اقل من 600 كمان

يعنى اعلان نصب خالص

+1000000000000

**fox3d** · 06-06-2008 11:03 PM

الوقت المجانى و الرقم المجانى لعملاء الفواتير فقط لا غير يعنى مش اى حد لزم يكون الخط فاتورة واللى عاوز اى معلومة فى فودافون انا فى الخدمة علشان ان معندش اعز منكم و الثانية علشان انا موظف فى الشركة .
ممكن اى استفسار من اى تليفون ارضى 16888 او محمول فودافون 888

**X_MM_X** · 06-06-2008 11:39 PM

الفري ده سئلت عليه نصب في نصب اشتراك شهري 225 جنيه ومش مجانا زي ما كاتبين ساعه كل يوم وكاتبين طول اليوم بس حراااااااااااااااااااااام بجد شركه ****

تنبيه للعضو بعدم التعدي بالألفاظ
يرجى مراجعة قواعد المنتدى
مشرف القسم

**Ahmad Allawy** · 07-06-2008 12:26 AM

المشاركة الأصلية كتبت بواسطة x_mm_x

الفري ده سئلت عليه نصب في نصب اشتراك شهري 225 جنيه ومش مجانا زي ما كاتبين ساعه كل يوم وكاتبين طول اليوم بس حراااااااااااااااااااااام بجد شركه ****

مينفعش تتكلم بالطريقة دي يافندم..
مهما كان الوضع.. مش فودافون اللي يتقال عليها كده..
و مش الطريقة دي اللي حد يتكلم بيها هنا يعني في وسط الناس..

الشركة اللي بتقول نصب و كده.. انضف شركة محمول في مصر..
ومش شركة **** ولا نصابين ..

**yasserayad** · 07-06-2008 01:21 AM

المشاركة الأصلية كتبت بواسطة Ahmad Allawy

مينفعش تتكلم بالطريقة دي يافندم..
مهما كان الوضع.. مش فودافون اللي يتقال عليها كده..
و مش الطريقة دي اللي حد يتكلم بيها هنا يعني في وسط الناس..

الشركة اللي بتقول نصب و كده.. انضف شركة محمول في مصر..
ومش شركة **** ولا نصابين ..

عندك حق اللفظ صعب شويه
بس حابب اسالك
هى انضف شركه من ناحيه ايه
انا معايا 3 خطوط
فودافون من 1998
موبينيل من 2006
اتصالات من 5 2007

**معاذ الشرباصى** · 07-06-2008 01:22 AM

المشاركة الأصلية كتبت بواسطة fox3d

الوقت المجانى و الرقم المجانى لعملاء الفواتير فقط لا غير يعنى مش اى حد لزم يكون الخط فاتورة واللى عاوز اى معلومة فى فودافون انا فى الخدمة علشان ان معندش اعز منكم و الثانية علشان انا موظف فى الشركة .
ممكن اى استفسار من اى تليفون ارضى 16888 او محمول فودافون 888

طيب حضرتك ايه تعليقك على حجاية ان لو الدقايق بتاعة مجموعة الخمسة خلصت من شخص معين, بيسحب من رصيد التانى؟!!!

فى اخ معانا كاتب كده فى الصفحة الاولى

انا محصليش كده, و انا مؤسس مجموعة, بس هل ده بيحصل فعلا؟!

**Ahmad Allawy** · 07-06-2008 01:35 AM

المشاركة الأصلية كتبت بواسطة yasserayad

عندك حق اللفظ صعب شويه
بس حابب اسالك
هى انضف شركه من ناحيه ايه
انا معايا 3 خطوط
فودافون من 1998
موبينيل من 2006
اتصالات من 5 2007

انضف شركة من ناحية جودة الخدمة..
من ناحية خدمة العملا.. (واكيد مش العملا اللي زيي .. اللي هما ب 3 مليم..)
انا باتكلم عن العملا اللي بيجيبوا فلوس للشركة.. يعني الخطوط.. و الناس اللي استهلاكها عالي..

يعيبهم قلة العروض شوية..
و اعلاناتهم اللي سيئة للغاية..

التغطية مش هنتكلم فيها عشان المناطق اللي برة القاهرة متقسمة.. بيقسموا الكحكة سوا..
و اتصالات لسة برة اللعبة..
كفاية انهما محققين خساير السنة دي بس.. بالمليارات..
يعني مش دي الشركة اللي يتقال عليها الكلام ده..
حتي لو هو شايف انها مش مناسباه.. ولا هو معاه خط تاني بيشتم فيها..

**معاذ الشرباصى** · 07-06-2008 01:38 AM

المشاركة الأصلية كتبت بواسطة Ahmad Allawy

و اتصالات لسة برة اللعبة..
كفاية انهما محققين خساير السنة دي بس.. بالمليارات..

احمد باشا

اتصالات لازم تعمل خساير

و مش هتبدأ تحقق مكاسب قبل على الاقل 3 سنين

دى حاجة معروفة فى مجال الشركات, خاصة مع الفلوس المصروفة علشان تاخد الرخصة, او تعمل بنية تحتية مناسبة

لكن هى ماشية بخطى جيدة لغاية دلوقت, بالنسة لشبكة جديدة

**Hussein_Ramdan** · 07-06-2008 03:01 AM

ياشباب انا عامل الخط بتاعى فرى 600
وشغل خدمة الفرى نمربر
اولا الى فهمتو من التعامل معا الخدمة دى
هو بيقولو ليك ثلاث اضعاف الفاتورة بتاعتك يعنى انتا فاتورتك ب 300 ليك تتكلم فى الفرى نمربر ب 900 ولو اكتر شوية مش مشكلة بيمشوها عادى لخاية كدة حلو اوووى اعتقد ان دة عرض كويس
لكن الحقيقة احسن من كدة لما تيجى تكلم خدمة العملاء بيقولو ليك كدة عشان تخالى بالك من الرقم دة ومش تنام بليل وتسيب الموبيل مفتوح وتعمل سوء استخدم
لكن لو بتتكلم كتير عادى للفرى نمبر انا كونت بكلم خطبتى كل يوم حاولى ثلاث ساعات وكونت بعمل بما يعادل 5000 دقيقة شهريا وماكنش حد بيكلمنى عادى الصراحة فودافون افضل شركة فى مصر وبحس ونا بتعامل معاها انها شركة شيك جداااااااااا

**Ahmad Allawy** · 07-06-2008 03:02 AM

المشاركة الأصلية كتبت بواسطة معاذ الشرباصى

احمد باشا

اتصالات لازم تعمل خساير

و مش هتبدأ تحقق مكاسب قبل على الاقل 3 سنين

دى حاجة معروفة فى مجال الشركات, خاصة مع الفلوس المصروفة علشان تاخد الرخصة, او تعمل بنية تحتية مناسبة

لكن هى ماشية بخطى جيدة لغاية دلوقت, بالنسة لشبكة جديدة

لأ مش للغاية يعني ..
موصلتش للدرجة دي..
زانا مش معترض انها لازم تخسر.. بس عشا هي بتبدأ وده طبيعي..
بس برضه مش قد العروض.. يبقي منعملهاش..
عني لما كانت عملت العرض الجامد قوي ده بتاع اول دقيقة مش عارف بكام و الباقي ببلاش..
مقدروش يكملوا..
الشبكة وقعت.. مش شرط عشان نجمع عملا.. نعمل اي حاجة حتي ولو كانت لسة كبيرة علينا..
بس انا علي فكرة.. باحترم اتصالات عن موبينيل لأسباب شخصية.. و متوقع انها تكون منافس شرس جدا لفودافون.. بس برضه
مش هتقدر تغلبها.. في حاجة اسمها فودافون جلوبال.. وفي اتصالا ت جلوبال.. قارن و هتعرف بنفسك الفرق..

الموضوع: خدمة فودافون اهم خمسة ؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

تقييم لعام 2012 لأفضل مركز خدمة من مراكز خدمة اللوجان .. ادخل وقيم برأيك

تقييم لعام 2011 للتوكيل ولأفضل مركز خدمة من مراكز خدمة شفرولية لانوس

تقييم لعام 2011 لأفضل مركز خدمة من مراكز خدمة نيسان .. ادخل وقيم برأيك

ازاى اشغل خدمة البلاك بيري ؟؟ (فودافون)

أنظمة فودافون الجديدة لل USP Modem و خدمة العملاء اللى كانت كويسة

الكلمات الدلالية لهذا الموضوع

المفضلات

المفضلات

ضوابط المشاركة