السلام عليكم ورحمة الله وبركاته
انا كنت عاوز اشتري شواية بش مش عارف ايه افضل الانواع
واشتريها كهرباء ولا فيه حاجه تانية
وكنت عاوز اعرف هيا عملية وبتطلع اكل كويس ولا مالهاش لازمة
عرض للطباعة
السلام عليكم ورحمة الله وبركاته
انا كنت عاوز اشتري شواية بش مش عارف ايه افضل الانواع
واشتريها كهرباء ولا فيه حاجه تانية
وكنت عاوز اعرف هيا عملية وبتطلع اكل كويس ولا مالهاش لازمة
ايه يا رجاله انتو ما بتكلوش مشوي ولا ايه ؟؟؟؟؟؟
؟؟؟؟؟؟؟؟؟؟؟؟؟؟؟
أنا بأحب الشوى والشوايات جدا لكن للأسف كل الشوايات التيفال بتاعها بيتشال بسرعة جدا وطالما اتشالت بتلاقى الأكل بيلزق وبتضايق جدا
انا اشتريت شواية من كام شهر.......بالفحم...........هى بصراحة جميلة.....بس مرهقة نوعا ما..........بس احساس حلو انك تشوى بنفسك............وتبل الفراخ وتشوفها وهى بتتحمر قدامك...........بس هتاخد وقت على ما تتعود عليها
وهى مش غالية..............بتبقى رخيصة.............مابتعديش 50 جنيه
بص يا سيدى فى أربع أنواع من الشوايات كالتالى:
1- شواية الفحم وديه بتبقى رخيصة (من 30- 150 جنيه) وبيطلع منها أحلى طعم للشوى بسبب الفحم ولكن يقال ان الشى بالفحم ضار كمان مرهقة جدا وبتبهدل الواحد بالهباب بتاع الفحم وبتعملك فضيحة فى المنطقة وكل الناس جيرانك بيبقوا قاعدين يشموا ريحة اللحمة المشوية ويدعولك. وطبعا لا تستخدم داخل الشقة مطلقا الا اذا كان عندك مدخنة بشفاط.
2- شواية الغاز ودى عاملة زى شواية الفرن بس مسطحة وكبيرة و فى منها فيه مكان تحط فيه فحم كمان فوق مواسير النار وتحت اللحم ودى غالية جدا جدا (ممكن توصل لبعض الشوايات الكبيرة ل13 الف جنيه والمعقولة منها ب 3000جنيه) و دى سهل استخدامها سواء بفحم او بدون وسريعةوبتاخد كميات
3- شواية الكهرباء التيفال ودى كويسة وفى منها انواع كتير وبتحتاج زيت خفيف على التيفال قبل الشى علشان التيفال مش يبوظ بسرعة و سعرها فى حدود من 300 الى 1200 تقريبا واستخدامها كويس وسهل ونضيف
4- شواية الكهرباء بالماء ودي لها مكان بتحط فيه مية تحت الهيتر (لازم مش اختيارى علشان الهيتر مش يتحرق) ودى رخيصة من 120جنيه لى 500 جنيه وميزتها الكبرى ان الأكل دايما وأبدا بيطلع طرى نتيجة المية اللى بتتبخر وعيبها انه اقل طعم فى كل الشوايات بسبب ان المية المتبخرة بتخلى طعم الشواء زي ما تكون سلقت اللحمة او الفراخ وبعدين حطيته فى فرن كهربا
أتمنى انى كون قدرت اساعدك فى الاختيار