الموضوع: هو ايه المعدل الطبيعي لأستهلاك بانزين اليارس ؟

المشاركة الأصلية كتبت بواسطة me_medoo

مساء الخير جميعاً

على رغم خبرتي في مجال العربيات البسيطة ... الا اني عمري مافكرت أحسب معدل استهلاك البانزين ... ولأن سواقتي كل شوية بحال مره بمشي على مهلي ومره بدوس يامعلم على حسب الظروف والطريق وحالتي النفسية .

وحتى الاغنية الي مشغلها بتأثر على أستهلاك البانزين يعني لمن أسمع أغنية لعبد الحليم أوأم كلثوم ولا كاظم الساهر ولا وائل جسار غير لمن اسمع ابو الليف وتامر حسني الي بينرفزني ويشنجني ويخليني ادوس بانزين بغباء .

ده غير كل ما اقابل حد ويقعد يكلمني عن عربيات 1600 سي سي ويقلي موفرة ويقعد يفشر عليا للصبح ... اشي واحد معاه لوجن والتاني الينترا والثالث صني ويقلك موفرة وبتشم البانزين أأأأأأأأأأأأأأأأأأأألله هو انا اليارووسة حبيبتي سفاحة بانزين على كده ومش عارف ؟؟؟ ياترى حد حسب استهلاك العربية اليارس داخل المدينة وخارج المدينة وفي الزحمة بتكيف ومن غير تكيف .

لأني مكنتش بركز في الموضوع ده بس عاوز اركز علشان في المقابلات مقابلش ناس فشارة وتقعد تفشر عليه وتعلم على اليارس يامعلم ههههههههههه وتحياتي .

انت ما قولتش العربية مانيوال ولا اوتوماتيك
على العموم انا عربيتى اوتوماتيك بتعمل جوة البلد حوالى من 220-230 بالتكييف

بص الكورولا الشكل القديم من 2001-2007 اعتقد نفس موتور و فتيس الياريس انا طول عمري بركب مانيوال كل الموديلات اللي ركبتها فيها بتعمل 300-320 في الصفيحة استهلاك ما بين الدائري و وسط البلد من غير تكييف
بالتكييف حوالي 270 و انا بشغلة علطول في الصيف
على السريع متوسط السرعة 100 بتعمل 350 في الصفيحة و الرقم دة عمري ما شفتة في اي عربية ركبتها لحد دلوقتي