المشاركة الأصلية كتبت بواسطة me_medoo
هو بص ياباشا ... في فمصر سياسية ماشية عليها البلد اسمها سياسة الي عاوز الدح ميقلش ........
والي عاوز ينبسط لازم يكع .
وأشفطو واقصقص ريشو علشان ميقلش فين حقوقي .
لكن عمرهم مافكرو ان المغترب ده ... بيدفع فلوس كتير بره بلدو لأنو كده ولا كده عايش في الخارج وشاري اجهزة الي هيستخدمها في معيشتو هناك ... طيب ما الاجهزة دي تنفعو مش خسارة يرميها برة لبتاع الروبابكية برخص التراب ... ويرجع يشتري اجهزة جديدة في بلدو من تاني ... الله المفروض المغترب بما انو عماد لأقتصاد مصر يكون ليه امتيزات ... زي مابيحصل للبنانين المغتربين في بلدهم .
بس الحقيقة في مصر هنا بيقولك حقوق المواطنة والكل متساوي في التعذيب والبهدلة والمرمطة ... لأن كلنا مصريين ... وزي ما انتا عارف هنا المصري اذا اتخزوق من الحكومة ولقى مصري أخوة متخزوقش زيوو يقلك أشمعنااااااااااااااااااا بأه لا دي كوسة وفساد ورشوة ومحسوبية لازم يتخزوق تماماً زينا هو مش مصري ولا أيه ... ولا هو خيار وفقوس ... بدل ما يفكر أنو يقول للحكومة كفاية خوزيق لأ عاوز الكل يتخزوقو زيو علشان يسود مشاعر الحب والمساوة بين أبناء الوطن الواحد ... فهما ميقدروش يرفعو الجمارك عنكم كمغتربين ... علشان ماتجيش الناس تعترض ويفتحو عليهم فتحت طلبات ملهاش اول من أخر ... أنتا معلش ربنا يعوض عليك وإن شاء الله لمن توصل بالسلامة بلدك تخسر كل الفلوس الي أشتريت بيها حجات هناك وترميها في الارض ولمن تيجي هنا مصر بأذن الله تخسر كل شقى عمرك والفلوس الي طلعت عينك في تجميعها علشان حتت عربية وحتت غسالة على تلفزيون ... وتلاقي المحصلة شقاك وتعبك وعمرك وشبابك أتصرف في شوية كلام فاضي ... وميخلكش تفكر أساساً انك تعمل مشروع محترم تنمي فيه البلد ... وترفع بيه مستواك المعيشي ... وتشغل ناس معاك ... وتشتغل البلد لأ كده غلط ... هما عاوزين المغترب ده مايكولش ولا يشربش ولا يشتري حتى لبس من بره غير هاديا ... والمروحة او التكيف ده نوع من الرفاهية ... فيها ايه لمن تجبلك كتاب منو تقراه وتستفيد ومنو تقعد تهوي بيه ... فانتا ياباشا أعمل حسابك أن شقى عمرك لازم يتقسم لأقسام نص الفلوس هتضيع في شوية أجهزة للبيت وأحتيجاتك الاساسية ... والنص البأقي هينقسم ثلاث أقسام : قسم هيطير في الهوى الي عاوز سلفة والي عاوز مساعدة والي عاوز أعانة وقسم هيتنصب عليك فيه والنص الفضلك ميكفكش تفتح بيه مشروع كشك سجاير وصلى الله وبارك وطار شقى عمري ... تماماً زي أي مغترب مصري أصيل عايش بره ههههههههههههههههه وتحياتي . متزعلش مني بس هو ده الواقع المرير لحياة المغتربين الا من رحم ربي . وتحياتي حبيب قلبي .