احذرووووووووووووووووا

**smsm_cato** · 19-03-2012 10:31 AM

اولا انا من عشاق السرعة بس اول نصيحة هقولها ليكم بلاش تمشوا بسرعة لان حصل موقف معايا النهاردة الصبح اول مرة يحصلى من يوم ما سوقت خرجت بالعربية الصبح كالعادة ومعايا محمد ابنى وصلتة المدرسة وبعد كده توجهت لمخرج البلد علشان اتجة للطريق السريع علشان اروح الشغل بعد ما محمد نزل مدرستة ومشيت شوية حسيت بحكة خفيفة جدا جاية من قدام ناحية الكاوتش اصل انا دايما طول منا ماشى بالعربية ودنى بتركز فى اى صوت غريب كانت السرعة لا تتعدى 30-40 قولت اهدى واركن على جنب علشان اشوف فى ايه وكانت الطامة الكبرى بدوس فرامل مفييييييييييييييييش نهائى ولا ريحة الفرامل زى ماكون بدوس على الهواء بصراحة مع انى اعصابى دايما هادية حتى فى اصعب المواقف الا انى فى الوقت ده حسيت احساس تانى خالص زى اللى بيجوا فى الافلام ويكون حد لاغى الفرامل علشان يعمل حادثة طبعا قدامى ناس وعربيات ومش عارف اعمل ايه المهم ربنا الهمنى وكان فى محل على يمينى بتاع مبيدات وحاطط ارفف برة وعليها جراكن قولت هوجة العربية ناحيتة اسمى لو خبطت اخبط جراكن مش عربية ولا بنى ادم وروحت مسقط على الغيار الاول علشان الموتور يفرمل شوية والحمد لله وقفت قبل الرف بشعرة الراجل بصلى روحت نازل ومحبتش اقولة مفيش فرامل احسن يطلع مش مؤدب ويزعق ويقول يعنى ممعكش فرامل تقوم تخش فى البضاعة المهم كان بينى وبين بيت الحج حوالى 500 متر خدت السكة تاتاتاتا لحد ما وصلت وركنت العربية وروحت الشغل مواصلات لانى كنت اتاخرت وحمدت ربنا كثيررررررررررررررررر ان الموضوع محصلش على الطريق السريع محدش كان عارف ممكن ابقى فين دلوقتى المهم يا جماعة خلاصة الموضوع ان بلاش سرعة علشان لا قدر الله لو حصل حاجة زى كده يبقى تعرف تتصرف والخبطة تكون اخف العمر مش بعزقة

**vedodido** · 19-03-2012 10:56 AM

قدر ولطف حمدلله على سلامتك والسرعة فعلا مافيش فيها خير ابدا

**M.Elgergawy** · 19-03-2012 11:00 AM

برافو عليك تصرف ممتاز

**Elawany13** · 19-03-2012 11:01 AM

الحمد لله ربنا ستر

**tutankhamoun** · 19-03-2012 11:06 AM

بجد شكرا على النصيحة و ربنا يكتر من أمثال و يقلل من أمثال الشديدة و بتوع السرعات العالية
ربنا يستر طريقنا جميعا

**tiger76** · 19-03-2012 11:10 AM

1000 حمد لله على سلامتك

و ربنا يستر طريقنا جميعا

**haythamkmal** · 19-03-2012 11:12 AM

الف سلامة ، بس ليه مشدتش الهاند بريك ؟

**smsm_cato** · 19-03-2012 11:12 AM

الله يسلمكوا وكان لازم انقل تجربتى علشان انصح بيها كل واحد بيحب السرعة وبالنسبة لمحمد العادل انا لغاية امبارح وانا مروح بالعربية وراكنها فى الجراج كانت الفرامل كويسة والنهاردة بس الصراحة كانت واطية شوية بس شغالة كويس انا لغاية دلوقتى معرفش ايه اللى حصل لانى ركنت العربية عند الحج وروحت الشغل علشان كنت متأخر اكيد لما ابقى اروح لبتاع الفرامل ويكشف عليها هيقولى ايه اللى حصل بس معتقدتش اليومين دول لان العملية بايظة خالص ياما استنى اول الشهر لما اقبض او اميل على الحج واظبطها