بااااركوولى
الحمد لله يا جماعه ربنا كرمنى .. بعد عناااء وتعب مع الجماعه فى البيت
وتقريبا صحابى كلهم .. ماصدقت اقنعهم .. سنه ونص عمال زن على الودان
.... وعايز اقولكم بعد سنه ونص زن ... بردوه مش موافقين .... ههههه
بس على مين ... الحمد لله .. يوم السبت كنت قررت انزل السويس
اتفرج على الموتوسكل اللى كنت باخد رأى حضراتكم فيه
وطبعا مكنتش هانزل لوحدى لانى مش بفهم فيهم
ومجاش على بالى غير خالد ... الله يكرمه هو اللى جه معايا المشوار ده
كلمته مع انه كان لسه جاى من الجيش يقضى الاجازه بتاعته فى سلام
وبصراحه الراجل عمل معايا الصح .. ومن احسن واجدع الشخصيات
اللى عرفتها فى المنتدى ..المهم شدينا على السويس واتفرجنا على الموتوسكل
وعجبنا ومن هنا خلصنا فى الورق وكله .. وجبناه من السويس خالد سايقه وانا وراه
وخد علقه محترمه بسب انى مش لابس خوذه .. كنت بقول لخالد مش هشتريها
واول ماوصلنا ... كنت بسأله سعرها كام ؟؟ هههه
لسه ودانى بتصفر لغايه دلوقتى ..
المهم شكرا لكل اعضاء المنتدى اللى ادونى ارأئهم فى البايك
وشكرا لعمر التركى .. العضو الغالى من السويس
واسف ليك يا عمور .. انا مردتض اشغلك عن الجامعه والله
واسف انى طولت ... فرحان بقى