الموضوع: حد.... ليه شووووووووووووووووووووء فى حاجه........

بما ان قانون سكسونيا هذا السائد و اصبحت البلطجه هى مرادفا لمعظم مواقف الحياة اليوميه و خصوصا فى الشوارع ...
و قانون الغابة و البقاء للاقوى هو المبدأ المتعارف علية اليومين دول .... فوجب علينا نحن الفئه المستنيرة و المثقفه ان نكون على درايه كامله بالكلمات المستحدثه فى هذا المجال ........
و كما تقول الحكمه القديمه .." من عرف لغه قوم امن مكرهم " و بما انى دارس للغات و لدى شغف لكل ما هو جديد فى اللغويات .... و ما ينتج من اهتزاز الاحبال الصوتية الادمية .......ساسرد عليكم القصه الاتيه .....


بالامس ...و انا بركن لاقيت ( زغابه ) ناس جايين و يتقدمهم كائن بدائى يصعب تمييزة و خلفه مجموعه من الشاب لا يتجاوز عمرهم 23 عاما و سبحان الله كلهم شبه بعض ليهم كده مواصفات خاصه ... فئه ( بلطجى تحت التمرين ) طريقه حلاقه عجيبه ... حالق شبه زيرو الجنبين .... و سايب الشوشه اللى فوق ده كقرون استشعار عن بعد ... و ان كان يعنى واد مواكب للموضه تلاقيه حاطط كليو الا ربع جل الالون ده بتاع 2.50 جنية .... و و صوابعه مليانه خواتم و دبل و مصوغات غريبة الشكل ... و القائد بتاعهم مشمر دماغه ... و داخل على ناس تانيه كانوا و اقفين قدامهم .... بلطجية برضة بس من فصيله تانية مستأنسه نوعا ما ....


و بيقول و هو بيعمل حركات بهلوانية .... استعراضية .... بظرميطيه .... بصوت اقرب الى النباح ... حد لية شوووووووووووء فى حاجه ......... كانه هيجله ذبحه صدرية ...


فقولت يا واد خليك فى العربية و نزل الازاز شوية و اسمع اخر الصيحات فى علم الاجرام المعاصر و شوف الناس ده بتقول ايه .. و فعلا .... كان اتنين من اخواننا الصيع و البلطجية بتكلموا على خطه الهجوم على الفريق الاخر ......جنب الرصيف
و الحوار ده اللى انا فاكرة :-
البلطجى المنحرف ذوى الخبرة : شايف الواد التمنايه ( يعنى القصير المدكوك ) اللى واقف هناك ده .... العيل السيس ده ابن ( تيت و توت و تيت )؟
البلطجى الحديث تحت التمرين : اه ... الواد اللى عامل سبارك ( سبايك يعنى ) ....
البلطجى ذو الخبرة : اول ما احزأؤة ( امسكه يعنى ) عاوزك تديله واحد كشاف . و تحط علية ..... انا افتكرته فى البداية انهم هيتخانقوا فى حته ضلمه علشان كده عاوزين كشافات ... و اكتشفت بعد كده ان واحد كشاف ده ( يعنى قلم على عينه ) و و لو اساء الهدف يتحول بقى الى زغروف جانبى - و متحلوش خالص ..... ( يعنى متسيبوش خالص )
البلطجى الحديث تحت التمرين : ده انا بعون الله هدلعه ... هشكل علية كام زغروف على كام كشاف و هعرقبه ......
و انتهى الحوار على كده ....
ييجى واحد من الفريق التانى و ياخد الزعيم الكبير ده و يقوله :-
عوء كده اوى ( يعنى مش حلو ) ... ينفع يعنى الواد ( البظه ) ييجى كده و يفتح دولاب و يدورها ..... ( يفتح دولاب ده انا فاكر انه فتح الدولاب بتاعهم و سرق حاجه من عندهم .. اتارى بقى ... يفتح دولاب ده يعنى يتاجر فى البرشام و المخدرات ) و يدورها .... ( يعنى يشغلها ) .......
يرد القائد و يقولوا : ما كلها مدوراها و كلها خربانه .... و اللى هيعمل حاجه هيتعمل معاه صح الصح ......
طبعا انا مرضتش اعمل حاجه علشان مساله الصح ده انا كنت شاكك فيها ..... و غطيت العربية و طلعت على البيت فرحا بما حصلت علية من كلمات جديدة ممكن تنفعنى فى يوم من الايام ......