الحيرة هتجنني .. حد يفيدني لو سمحتوا

**amirboulos** · 19-03-2012 12:59 PM

لكل مالكي اللوجان واللي قعدت معاهم كتير ...انا عايز اشتري زيرو ومحتار بين الفيرنا واللوجان ...طبعا انا عارف ان اللوجان انضف بكتير من الفيرنا كتقفيل واوبشن وحاجات كتير بس كل ما اتشجع واقول خلاص يطلع لي حد يقولي لا الفيرنا قطع غيارها ببلاش وكله بيشتغل فيها .. سألت علي قطع غيار اللوجان بره التوكيل لاقيتها مش غاليه قوي ...بس عايز حد يكون جرب العربيه فتره كبيره ويقولي علي مشاكلها وخصوصا لو حد قابل مشكله جوهريه في الموتور او الفيتيس او التكييف او الكهربا مثلا ... لأن انا لاحظت انه كل اللي بيتكلم علي اللوجان مستخدمهاش كتير .... يا ريت حد يفيدني علشان اقرر ... مع الشكر

**Egyzizo** · 19-03-2012 01:46 PM

سنتين ونص ، 40 ألف كيلو ، ومافيش مشاكل الحمد لله.

**adelaly4** · 19-03-2012 02:41 PM

سنه وشهرين 40000 كم والحمد لله زى الفل على فكرة كان معايا فيرنا قبل اللوجان لكن للامانة اللوجان احسن
ثم حضرتك من الجيزة يعنى بلدياتى الفيرنا هتفرج عليك طوب الارض فى المطبات وخاصة لومركب 3 افراد معاك
ورايى جيب اللوجان اتوماتيك افضل عشان متغيرش اللى بعد فترة كبيرة وتقبل مرورى

**amirboulos** · 19-03-2012 02:55 PM

الف شكر يا باشا علي الرد وفعلاعندك حق في موضوع المطبات ده انا اصلا فكرت في اللوجان علشان موضوع العلو ده وبعد كده اكتشف مميزاتها بس برضه حضرتك عملت 40.000 بس يعني لسه مدخلتش في الغميق قوي في الصيانات التقيله والإستهلاكات ...يعني لو تعرف معلومات عنها ...مع حد عمل بيها فوق ال 100.000مثلا عمل صيانه لحاجات تقيله كلفته كتير ولا لأ ؟؟؟ طبعا الفيرنا في ناس هرست بيها كتير حتي فوق ال 200.000 ومشتكتش من حاجة ومكلفتهاش كتير

**akerima** · 19-03-2012 04:27 PM

انا معايا لوجان من 6 2010 وعامل حوالي 36000 والحمد لله فضل من عند ربنا مفيهاش اي مشكلة وعلي فكرة طالع من فيرنا موديل 2008 برضة قعدت معايا اكتر من سنتين وبالامانة الفرق كبير مع احترامي لكل مالكي الفيرنا

**ali_333** · 20-03-2012 02:39 AM

معايا لوجان 2010
65 ألف كيلو
صالون واسععععععع ماشاء الله عربية عالية
ضربت بيها مشوار للعين السخنة وصلت وانا مرتاح ورجليه مرتاحين

الفيرنا شدها قوي ماشاء الله
صالون ضيق ق ق ق ق ق ق
منخفضة جدااااااااااااااااااااااا ااااااااااا
اخدت تاكس من الجيزة لاكتوبر قاعد وانا ركبي خابطة في صدري الكراسي منخفضة
نزلت منها وانا مكسر ومكسل وتعبان

فرق شاسع اللوجان تكسب بعدها لانوس بعدها فيرنا