تجربة قيادة اوبل استرا 2012 حصريا لنايل موتورز

صباح الخير يا شباب المنتدى الكرام
http://www.nilemotors.net/forums/upl...1090_thumb.jpg
http://www.nilemotors.net/forums/upl...1120_thumb.jpg
النهارده كنت فى كارفور وبالصدفه لاقيت عربيه اوبل استرا 2012 واقفه عند بلال موتورز مكتوب عليها test drive قولت ادخل اشوف ايه الحكايه وبالفعل روحت نازل من عربيتى ودخلت المعرض وطلبت منهم انى اجرب العربيه طلب منى الرخصه والبطاقه وعلى طول راح عطينى المفتاح وتوكلت على الله ركبت العربيه وانطلقت بيها وهو معايا وكانت المسافه من امام بلال موتورز وطلعت الكبرى ولفيت من امام كارفور ثم العوده على المعرض مره اخرى يعنى مسافه صغيره جدا لا تتجاوز الالف متر..

اما عن السياره فهى مزوده بموتور 1600 سى سى وبقوة 115 حصان وايضا متوفرة بموتور تيربو 180 حصان و مزوده ايضا بناقل حركه ايزى ترونك 6 سرعات لتستمتع بالاداء الرياضى والمريح فى نفس الوقت .

الأبعــــاد و الوزن:-

الطول : 4419 مم
العرض : 1814 مم

الارتفاع : 1510 مم

قاعدة العجلات 2685 مم

الوزن الصافى 1510 مم

الأمــــان:-

ABS (Anti-Lock Breaking System)

ESP with Brake Assist
Airbag 4

التجهيزات الدخلية

http://www.nilemotors.net/forums/upl...1147_thumb.jpghttp://www.nilemotors.net/forums/upl...1166_thumb.jpghttp://www.nilemotors.net/forums/upl...1187_thumb.jpghttp://www.nilemotors.net/forums/upl...1214_thumb.jpg

زجاج كهرباء
سنتر لوك
باور استيرنج
مفتاح ريمود
فوج لايت امامى وخلفى
جنوط 17بوصه
كاسيت وسبع سماعات
Usb - mp3 - cd

الضمان

ثلاث سنوات او 100 الف كيلو

السعر

الفئه الاولى 177 الف

الفئة الثانيه 214الف

التقيم الشخصى
بصراحه اكثر حاجه عجبتنى فيها الثبات فى المنحنيات ممتازه وبها موتور اداءه قوى جدا على الرغم انى ما ركبتهاش مسافه كبيره وعفشة العربيه رائعة فعند نهاية الكوبرى كان الطريق سىء جدا وكنت على سرعة 110 تقريبا ونزلت العربيه فى المطبات وساعتها قولت الرجل حيقتلنى لكن الصراحه العربيه لا تشعر من بداخلها بهذا الطريق السىء واما عن الصالون والشكل الخارجى شكلها مقبول وليس ممتاز مقارنه بالجولف مثلا او البيجو 308 او هيونداى الفيلوستر ( راى الشخصى ) واخير صالون السياره والتابلوه ايضا مقبول لان شايف التابلوه وطارة الدركسيون شكلهم مش عجبنى الصراحه وخصوصا انى كنت لسه خارج من عند طارق اسماعيل وشوف رائعة هيونداى الجديده الفيلوستر على الرغم ان خامات الاوبل افضل بكثير جدا من الهيوندا

الموصفات الكاملة للسيارة على موقع اوبل

http://www.opelegypt.../equipment.html

.

موضوع منقول من منتدى اخر
يرجى الحذف

اقتباس:

---

المشاركة الأصلية كتبت بواسطة spiderman22

موضوع منقول من منتدى اخر
يرجى الحذف

---

يا راجل يا طيب الموضوع انا اللى كاتبة وانا اللى مصوره وانا اللى سايق !!!!!!! :I_angr1[1]::I_angr1[1]::I_angr1[1]:

اقتباس:

---

المشاركة الأصلية كتبت بواسطة spiderman22

موضوع منقول من منتدى اخر
يرجى الحذف

---

لو سكت من لا يعلم لسقط الخلاف

قبل ما تتهم حد اقرأ مشاركاته علي الاقل وانت تعرف ان انت بتتكلم عن احد اعمدة المنتدي

المشهود لهم بالنزاهه والشفافية والحياديه

أنا بحب العربية دى جدا ....... شكرا على التقرير

اقتباس:

---

المشاركة الأصلية كتبت بواسطة spiderman22

موضوع منقول من منتدى اخر
يرجى الحذف

---

اقتباس:

---

المشاركة الأصلية كتبت بواسطة احمدعبدالعزيز

يا راجل يا طيب الموضوع انا اللى كاتبة وانا اللى مصوره وانا اللى سايق !!!!!!! :i_angr1[1]::i_angr1[1]::i_angr1[1]:

---

اصل الصوره لما بنضغط عليها لتكبيرها بتحولنا علي منتدي تاني يا احمد بيك
فيمكن دي النقطه اللي الاستاذ علق عليها وقال انه منقول
ارفع الصور علي موقع تاني
وتسلم ايدك يا كبير
طيب كنت عدي عليا ياعم طالما بتجرب العربيه ماهو انا مش بعيد عن كارفور ههههههههه

اقتباس:

---

المشاركة الأصلية كتبت بواسطة mohamed_rhem

لو سكت من لا يعلم لسقط الخلاف

قبل ما تتهم حد اقرأ مشاركاته علي الاقل وانت تعرف ان انت بتتكلم عن احد اعمدة المنتدي

المشهود لهم بالنزاهه والشفافية والحياديه

---

يا باشا ربنا يخليك كلك زوقك هو اكيد شايف الموضوع فى منتدى اخر وعشان كده فاكرنى نقلته وشكرا مره اخره على حسن الثقة ...

اقتباس:

---

المشاركة الأصلية كتبت بواسطة shnory

اصل الصوره لما بنضغط عليها لتكبيرها بتحولنا علي منتدي تاني يا احمد بيك
فيمكن دي النقطه اللي الاستاذ علق عليها وقال انه منقول
ارفع الصور علي موقع تاني
وتسلم ايدك يا كبير
طيب كنت عدي عليا ياعم طالما بتجرب العربيه ماهو انا مش بعيد عن كارفور ههههههههه

---

حبيب قلبى ليك وحشه كبيره انا لازم اعدى عليك مره ان شاء الله ونروح نرخم عليهم نسوق مره كمان هههههههههه..

شكراً على نقل التجربة
وبجد العربية دى حلوة قوى ونفسى امتلكها
شكراً مرة اخرى

تقرير رائع ... شكرا جزيلا

اقتباس:

---

المشاركة الأصلية كتبت بواسطة mohamed_rhem

لو سكت من لا يعلم لسقط الخلاف

قبل ما تتهم حد اقرأ مشاركاته علي الاقل وانت تعرف ان انت بتتكلم عن احد اعمدة المنتدي

المشهود لهم بالنزاهه والشفافية والحياديه

---

يا عم والله منقول من egyspeed بالظبط
وهو كان عامل رابط موقعة على الصور فى الموضوع بس مسحة
هو انا هدعى بالكذب يعنى .
................................................
تم مسح الرابط بمعرفه الاشراف
وتم مسح تهكمك علي العضو والتماس العذر لك
برجاء عدم خرق قوانين المنتدي
في حاله وجود شكوي لديك يمكنك ارسال تقرير مشاركه
او عمل شكوي بقسم الشكاوي
مشرف عام 1

واحب اجبلك رابط الموضوع الى منقول منة ولة لا
علشان ميكنش دعاية لو عايزة هبعتتة لك فى رسالة خاصة

اقتباس:

---

المشاركة الأصلية كتبت بواسطة spiderman22

يا عم والله منقول من egyspeed بالظبط
وهو كان عامل رابط موقعة على الصور فى الموضوع بس مسحة
هو انا هدعى بالكذب يعنى .
لا تعليق على واحد زيك مبيعرفش حاجة فى المنتديات

---

يا سيدى انا احمد عبدالعزيز نفس الشخص اللى كاتب الموضوع فى ايجى سبيد و اليكس موتورز انت لو تركز فى اسم الشخص اللى كاتب الموضوع حتلاقى نفس الاسم والصوره كمان لكن انا لو نقلت الموضوع حقول لانه مش عيب .

طب قبل ما تتعصب أوي كده روح شوف الموضوع في إيجي سبيد هاتلاقيه بعضويته بنفس الإسم ونفس صورته الشخصية

انا لو منك اروح ابوس على راسه بقا هههههههه

اخبار العزل بتاعها اليه ؟
يعنى صوت الموتور مسموع وانت قافل الزجاج؟وصوت احتكاك الكاوتش على الطريق واحتكاك الهواء مسموعين؟

اقتباس:

---

المشاركة الأصلية كتبت بواسطة احمدعبدالعزيز

حبيب قلبى ليك وحشه كبيره انا لازم اعدى عليك مره ان شاء الله ونروح نرخم عليهم نسوق مره كمان هههههههههه..

---

هو ده الكلام بس نطلع دولي
حنجربها في الصحراوي المكسر ده ليه
نطلع دولي نقفل عدادها ونرجعلهم بيها تاني

اقتباس:

---

المشاركة الأصلية كتبت بواسطة SHNORY

هو ده الكلام بس نطلع دولي
حنجربها في الصحراوي المكسر ده ليه
نطلع دولي نقفل عدادها ونرجعلهم بيها تاني

---

دولى ايه يا باشا دى لفه صغير جدا و وواحد دمه تقيل جدا لازق جنبك كل ما تيجى تدوس بنزين يبرقلك :angry06: دى هو لما عرف انى مش حشترى وبجرب بس كان حيقتلنى .:fdsa:

انت كنت عامل دعاية للمنتداك وكان الرابط بيظهر
عند الضغط على الصورة بعدها حذفتة علشان تبرا نفسك
من المخالفة دة بردو مش مخالف
للقوانين ولة الدعاية هنا مسموح بيها ههههه

اقتباس:

---

المشاركة الأصلية كتبت بواسطة mohaismail

اخبار العزل بتاعها اليه ؟
يعنى صوت الموتور مسموع وانت قافل الزجاج؟وصوت احتكاك الكاوتش على الطريق واحتكاك الهواء مسموعين؟

---

للاسف المسافه قصير جدا لا اسطتيع ان احكم عليها ولكن عموما العربيه جيده جدا ..

اقتباس:

---

المشاركة الأصلية كتبت بواسطة spiderman22

انت كنت عامل دعاية للمنتداك وكان الرابط بيظهر
عند الضغط على الصورة بعدها حذفتة علشان تبرا نفسك
من المخالفة دة بردو مش مخالف
للقوانين ولة الدعاية هنا مسموح بيها ههههه

---

باشا
الاداره ردت علي حضرتك فوق
الموضوع بسيط ومش مستاهل كل ده
حصل خير واتمني انك تكون تفهمت الموقف

انا مش عارف ليه يا استاذ احمد كل مواضيعك مش مقرية عندي مكتوبة بحروف غريبة ؟

شكرا على التقرير

و لكن اختلف معاك في موضوع تصميم السيارة داخليا و خارجيا

العربية دي تحفة و اوبل ابدعت فيها
ان شاء الله اقرب فرصة اكون جمبهم هحاول اجربها
وابقى اعمل تقرير بردو :d

اقتباس:

---

المشاركة الأصلية كتبت بواسطة amaka

انا مش عارف ليه يا استاذ احمد كل مواضيعك مش مقرية عندي مكتوبة بحروف غريبة ؟

---

اكيد العيب فى الكمبيوتر بتاعك لان انت الوحيد اللى عند المشكلة دى .

اقتباس:

---

المشاركة الأصلية كتبت بواسطة mzeid

شكرا على التقرير

و لكن اختلف معاك في موضوع تصميم السيارة داخليا و خارجيا

---

اكيد يا باشا لازم يبقى فيه اختلاف لان الموضوع ازواق وانا احترم رائيك

ما فيش منها كسر زيرو ؟؟؟