بسم الله الرحمن الرحيم
إخوانى وأحبابى الأعزاء أهل المنتدى الكرام إشتريت الحمد لله عربيه شيفورليه
سبارك 2008 بصراحه العربيه قمه فى الجمال والروعه ملهاش أى صوت وأنا ماشى مفيش بس حاسس إن العربيه عامله فايبوريشن على الطرق الحلوه اللى عليها سيارميك طبعا معروف :wheelchair: جبتها لون سيلفر
إستلمتها يوم الخميس وجبتها كاش بـ56.500 ده غير الشاى والازى منه بس اللى
أنا مش مرتاح له إن التسجيل حاسس إنه متغير علشان لاقيته خلاف اللى بشوفه
فى المواقع والموقع بتاعهم سألت الراجل قالى ده اللى بينزل معاها قولتله بس ده
غير اللى شوفته فى المواقع ليها قالى يمكن فى منصور إتعمل ليها الازم .
دلوقتى بقى عايز أركب ليها أحسن إنذار وعايز أعرف أحسن واحد يركبه من غير
ما يخرب علشان سئلت هناك فى التوكيل قالى ركبه عند واحد ممتاز علشان لو ركب
غلط وحصل أى عيوب فى الدائره الكهربيه والدفيره بتاعتها ماليش دعوه قولتله
ينفع أجيبه وأركبه عندكم قالى إحنا مابنركبش إنذار .
عايز أعرف إيه هو أحسن نوع زيت العربيه ترتاح فيه وإيه هو أحسن بنزين العربيه
تشتغل عليه صح مع العلم إنها رشاشات أنا أول ما ختها من المعرض فولتها 90
على طول وماليت التانك35 لتر على آخره .اللى عايزوا بقى من حضراتكم كتالوج للعربيه
علشان أعرف الإشارات يمين وشمال وكده يعنى أصل أول مره أجيب عربيه :embarrassed2:.وشكرا