من فضلك ياجماعة محتاج اعمل ظبط زوايا وترصيص للعربيه بس يكون فى شبرا مصر ياترى حد يعرف مكان كويس؟؟
وممكن اعرف التكلفة بتكون كام ؟؟وبياخد وقت قد ايه؟؟واخد بالى من ايه وهو بيعمل؟؟
عرض للطباعة
من فضلك ياجماعة محتاج اعمل ظبط زوايا وترصيص للعربيه بس يكون فى شبرا مصر ياترى حد يعرف مكان كويس؟؟
وممكن اعرف التكلفة بتكون كام ؟؟وبياخد وقت قد ايه؟؟واخد بالى من ايه وهو بيعمل؟؟
بص يا باشا المحترف اللي اعرفه في امبابة وبما انك من شبرا يبقى قريب منك باذن الله
شوف انت عايز تيجي امتى ان شاء الله وانا اظبط معاك واوديك هناك بس نظبط مواعيدنا
اشكرك استاذى للمساعده وان شاء الله نظبطها سوا
بس ممكن اعرف التكلفة بتكون كام؟؟وبياخد وقت شغل قد ايه؟؟
بص يا باشا اعمل حسابك ان شاء الله في حدود 50 جنيه متوسط حسب التظبيط للسيارة وايه اللي هي محتاجاه
في شبرا مصر عندك 2
الأول الفونس
التاني عوني
الفونس : لما تدخل شارع شيكولاني من شارع الترعة هتاخد مع الميدان يمين في تاني او تالت يمين هتلاقيه علي ايدك الشمال لو سألت اي خد هيقولك
عوني : في نفس الشارع اللي فية قسم روض الفرج اللي هو من ناحية شبرا علي ناصيتة الشربيني
انا جربت الفونس ممتاز وجرب عوني مكنش قد كده :) مع ان الناس كلها بتشكر فيه
الاشهر و الاحسن في شبرا بلبل
مكانة تحت كوبري الساحل تدخل اول يمين في 3 شمال
بالظبط بلبل افضل واحد وانا بتعامل معاه من زمان جهازه محترم جدا والصنايعى اللى هناك ممتاز اسمه ريمون هيبصلك ع العفشة كلها والكاوتش لو فيه حاجة هيقولك
معلشى يا جماعة ممكن العنوان بتاع بلبل بالظبظ وشكرا
من نا حية ش شبرا هتدخل الشارع بتاع التوحيد والنور لاخره وبعدين شمال فى اول يمين هتلاقى كوبرى الساحل ادخل من تحته فى اول يمين وبعدين تانى شمال