أفهم فتيس عربيتك الأوتوماتك الجزء الثاني

**ezatooo** · 19-03-2012 08:03 PM

السلام عليكم
انا اسف جدا للغياب علي المنتدي والموضوع بس والله حصلي ظروف ومقدرتش اكمل الموضوع
ان شاء الله هنكمل معاكم الموضوع

في استاذ فاضل من المنتدي طلب مني اكثر من مرة رقم ميكانيكي فتيس في اسكندرية كويس انا جبتله الرقم وهو معرفة واحد صاحبي وانا اسف لية علشان انا اتأخرت عليه جداً بس غصب عني
اسمه : أحمد ورقمه 012275042008 وهو في 45 العصافرة بس انا متعاملتش معاه انا سمعت عنه فقط

موضوعنا يتبع بأذن الله

**Ashraf_Ibrahim** · 20-03-2012 01:19 AM

عودا حميدا يا فندم
بس عنوان الموضوع لا يدل على محتواه مطلقا؟!
انا داخل وتوقعت ان هلاقي شرح او ما شابه لكيفية التعامل مع الفتيس الوتوماتيك !

**ezatooo** · 21-03-2012 08:28 PM

المشاركة الأصلية كتبت بواسطة verna2008auto

اهلااااااا
حمدا لله علي السلامة ..
علي الله تكون بخير ....
انا من اشد المعجبين بمواضيعك ... وبحييك علي الجزء الاول جدااااااااااااا
وفي انتظارك في الجزء الثاني

السلام عليكم

الله يسلمك انا متشكر جداً واسف علي التأخير

انا بحييك علي ردودك الجميلة وعلي متابعتك للموضوع ان شاء الله هاكون عند حسن ظن الأخوة الأعضاء

الصورة دة لفتيس اوتوماتيك متفكك موديل km170 :km178
الفرق بينهم هو عدد النقلات لأن 170:173 ثلاث نقلات فقط والباقي اربعة
فتيس الهيونداي والمتسوبيشي واحد في موديل النترا 94 والموتور واحد والعفشة واحد والشاسية واحد من الأخر عربية قص ولصق من متسوبيشي 94 ومعاية الدليل بالصور لكل حتة في العربية دة في موضوع تاني بأذن الله
علي فكرة النترا 94 الموتور2000cc هو موتور السوناتا 2000:94 يختلف في الفتيس كبير شوية في السوناتا
يتبع بأذن الله

**verna2008auto** · 22-03-2012 09:39 AM

100 % ...
بس اخبار الفتيس اللي كنت شغال فية اية ؟؟!!
طمني الله يكرمك ..
متابع

**Ahmed Saad** · 22-03-2012 08:07 PM

السلام عليكم انا معجب بالموضوع بتاعك اوي انا معيا اكسيل اتوماتيك نفس فتيس الالنترا اللي مع حضرتك وعلي فكره فتايس الهيونداي في المده دي كانت ميتسوبيشي والدليل الاكبر اني فكيت الكنترول يونت بتاع الفتيس علشان انضفه لقيت الشيب اللي جواه كلها ميتسوبيشي japan واللي عرفته برضه ان كل موديلات الهيونداي اللي هيا في الفته دي تقابلها موديل في ميتسوبيشي مثلا الاكسيل تقابل الانسر 91 (عيون صفيه) والالنترا تقابل الانسر 94 (البطه) والسوناتا تقابل الجالنت وطبعا الماتور والفتيس في كل الموديلات كوبي و باست

**ezatooo** · 22-03-2012 08:14 PM

المشاركة الأصلية كتبت بواسطة verna2008auto

100 % ...
بس اخبار الفتيس اللي كنت شغال فية اية ؟؟!!
طمني الله يكرمك ..
متابع

السلام عليكم

اخي العزيز انا مكنتش شغال بأيدي في الفيس كل دة كان صورة بعد الفحص في المواقع وقراءة التفاصيل والي فهمته قولته بالصور
اما الفتيس انا غيرت بأيدي الحساسات و الفلتر
المشكلة عندي اني معنديش فتيس بديل لاكن لو في فتيس بديل هافكه ومش هتراجع لان معاية كل تفاصيله وكله توفيق من عند ربنا

انا بالتحديد دورت في الأستعمال ولقيت حاجات لعربيتي كتير والحمد لله عدلت لأني مش من النوع الي بسلم نفسي للصنايعي ولما بقف عند صنايعي بيقي هايطق مني من كتر مباعدل عليه .

كان معاية عربية 128 قبل كدة طبعاً 128 غنية عن التعريف
بس كانت حبيبه قلبي وحمالته الأسيه كلها ولفيت بيها مصر كلها وعمرها معطلت من ولما كانت بتعطل كنت فاهم هي عايزة اية .
الي خلاني كدة صنايعي ميكانيكي كان السبب لأنه عملي عمرة للعربية وكانت فاشلة فقررت أعملها انا والحمد لله عملتها وفضلت العربية 8 سنوات حاله الموتور 100% وكان توفيق من عند ربنا مش فتاكة . لاكن كانت البداية لعدم اعتمادي علي صنايعي . واعتمدت علي البحث في النت علي الكاتالوج الأصل للسيارة وصور التعدلات والتركيب ونفذت وفهمت الحمد لله لاكن الموضوع دة أخد وقت قبل مأشتغل في العربية وبعد كدة اشتغلت ونفذت الي اتعلمتة وكان توفيق من ربنا . كان والدي ديماً بشجعني واتعلمت منه الجراءه وعدم الهيبة من فك الأشياء

المقصود اني مفيش حاجة اسمها مستحيل
الموضوع كله اجتهاد وتوكل علي ربنا

**ezatooo** · 22-03-2012 08:21 PM

المشاركة الأصلية كتبت بواسطة hitmangate

السلام عليكم انا معجب بالموضوع بتاعك اوي انا معيا اكسيل اتوماتيك نفس فتيس الالنترا اللي مع حضرتك وعلي فكره فتايس الهيونداي في المده دي كانت ميتسوبيشي والدليل الاكبر اني فكيت الكنترول يونت بتاع الفتيس علشان انضفه لقيت الشيب اللي جواه كلها ميتسوبيشي japan واللي عرفته برضه ان كل موديلات الهيونداي اللي هيا في الفته دي تقابلها موديل في ميتسوبيشي مثلا الاكسيل تقابل الانسر 91 (عيون صفيه) والالنترا تقابل الانسر 94 (البطه) والسوناتا تقابل الجالنت وطبعا الماتور والفتيس في كل الموديلات كوبي و باست

انا متشكر جداً بردك الجميل يارب أكون عندحسن ظنكم ولو في اي حاجة محتجها او اي استفسار انا تحت الطلب سواء في اسكندرية او في بورسعيد انت وباقي الأخوة الأعضاء
انا معاية كتالوج الأكسيل لو محتاجة قولي هارفعة علي الصفحة .

**ezatooo** · 22-03-2012 09:13 PM

ده فيديو Torque Converter دة الي بينقل الحركة من الموتور للفتيس زي بالظبط الأسطوانة والديسك في المانوال

Automatic Transmission Torque Converter and Fluid Pump - YouTube

ممنوع الكتابه بالاحمر
مشرف عام 1