التقييم المبدئى للكيا سول FaceLeft 2012 اعلى فئة

بما انى من انصار السيارات الكورية نتيجة امتلاكى هيونداى I30 حاليا و قبلها دايو و كيا ريو ايضا، فعندما قررت امتلاك سيارة جديدة (وقعت فى حيرة الأبل عند ورود ينابيع الماء لا تدرى ايها تدرك ولا من تترك)

حيــــــــرة اختيار سيارة جديدة و لأنى ارغب فى سيارة مرتفعة عن الأرض (تماشى مع ممرات و مدقات المحروسة المسماه مجاز "شوارع")

كانت الأختيارات كما يلى :
رينو stepway ثم ظهرت الـ duster
ثم كانت الكيـــــــــــــــا Soul
و بدون الدخول فى تفاصيل كثيرة عن حيرة شهرين أو اكثر

قررت حجز السول للتالى :
1- سيارة مرتفعة عن الأرض بمقدار كافى
2- وسائل أمان كثيرة
3- وسائل رفاهية متعدده
4- الشكل العام للسيارة متوافق مع نفسيا لأن الهاتشباك (I30) مريح لى.
5- السعر مع الأمكانيات مناسب جدا

حجزت Soul أعلى فئة و الحمد لله استلمتها اليوم من الطارق فى الإسكندرية (محترمين جدا بصراحة)
التقييم المبدئى :
- ممتازة

بعد الأستلام و ملئ السيارة بالوقود مع تغيير هواء الأطارات بالنتروجين و فرش دوسات ارضيه (مؤقتا حتى اقوم بعمل كسوه ارضية و كسوة كراسى - العيال بهدلت العربية فى اول يوم )
أول الأشياء الصغيرة التى تذهب الفرحة : (مفيش وحدة رفع زجاج ؟؟؟؟؟؟؟؟)
بتقول أية ؟؟؟؟؟؟؟؟ أه والله العربية بــ 140000 و مفيهاش وحدة رفع و اعلى فئة كمااااااان

ما علينا

ارخم شئ بقى موضوع مؤشر الأبواب منور على طول طيب اي باب فيهم ؟؟؟ دور انت بقى !!!!!!!!!!!!!! (الهيونداى مؤشر الأبواب بيقول لك اى باب أو الشنطة كمان)

ما علينا

العفشة ناشفه بس فى المدقات الوعره فقط لا غير يعنى طريق مش مرصوف و مكسر جدا

لكن على الطريق العادى او المكسر شوية ممتازة

و ربنا يسترها معانا جميعا

و بأذن الله بعد ما ارخص السيارة و اجربها كويس أكتب تقرير شامل كامل.

دعواتكم معانا