الله يبارك فيكم و يبارك لكم و بكم و يرزقكم الخير كله
عرض للطباعة
و الله الموضوع مش فارق كتير و زى ما حضرتك ذكرت هى قضية راحة نفسية و احساس مش اكتر،، ونصيب قبل كل شئ
انا كل سيارة جديدة اشتريها بكون رايح اشترى حاجة تانية خالص،، اشتريت لانوس و انا كنت رايح اشترى بروتون ويرا،، اشتريت ريو و انا كنت رايح اشترى اسبرانزا a516، اشتريت i30 و انا كنت رايح اشترى suzuki sx4 و اخيرا اشتريت soul و انا كنت رايح اشترى duster.
و فى النهاية السيارة كائن يتفاعل مع قائده و ليست جماد من منظورى الشخصى
حضرتك جربت مثبت السرعة ؟ و يا ريت تقولنا طرقة عملة
مبروك علي العربية
كنت بسأل حضرتك
لية فضلتها عن الرينو الستب واي
والداستر
الحمد لله جربته بس على سرعة 100 كم فقط :majd(2): "قلنا العربية بتلين لسه"
شوف يا كينج انت تهبد عدد واحد ضغطه على CRUISE ON تقوم ايه بقى ؟؟؟ اللمبة فى التابلوه تنور اه والله بتنور و تكتب كمان "CRUISE بالأخضر" تقوم سيادتك رافع سرعتك للرقم ألى انت عايزة بالضغط على دواسة البنزين لما توصل للسرعة المطلوبة تروح مديها زرار SET + .
اول ما سيادتك تدوس بنزين او فرامل الجهاز بيكنسل لوحده.
على فكرة موضوع اللمبة المنورة ده سببه ان باب ما كان مفتوح و العربية منورة اشارة الأبواب و خلاص و دور انت بقى على اى باب فيهم.
احيان بتكون فى اضافات بسيطة فى العربية بتفرق كتيرررررررررررررر جدا.
الله يبارك فيك
أقول لمعاليك :
أولا انا مش بطلع الصحراء كتير علشان احتاج الداستر. انا عايز عربية مرتفعة عن الأرض و لكن فيها اوبشن و رفاهية برضه و خصوصا انى بسافر كل اسبوع من الإسكندرية للقاهرة و العكس.
الستب واى حلوة لكن منزوعة الدسم تماما ، صعب انك تنزل من الـ i30 و تركب الستب واى او الداستر
وخصوصا انى شايف ان الـ i30 المانيوال فيها اوبشن اصلية "يعن جاية بيها مش مضافه عليها" كتيرة انا مفتقدها فى الكيا سول : على سبيل المثال
- الأنذار
- وحدات الرفع "فى الـ i30 وحدات الرفع فى كل باب متركبه على فيوز منفصل"
- وحدة اظهار الأبواب المفتوحة تشير ألى اى باب مفتوح يعنى مش حتقعد تدور اى باب "افقل بابك يا محمد ،، طيب شوف بابك كدا يا حسين ،، يمكن بابى انا، ياااااااه دى الشنطة هى ألى مفتوحة"
- الـ i30 بعد التحرك بالعربية و الوصول لسرعة 20 كم السيارة تغلق سنتر اوتوماتيك "ودا يفرق معاك لو اولادك راكبين معاك"
- الـ i30 مجرد ما تشيل المفتاح من الكونتاك و كانت الأضواء مضاءة تفصل تماما أما فى الكيا لأ
كل دى حاجات بسيطة ولكن تعودت عليها لمدة 3 سنوات هى عمر السيارة فصعب جدا انك ترجع تعود نفسك على فحص كل ذلك عند مغادرة السيارة.
عيوب الداستر و الستب واى اغلبها داخليه و تجهيزات فقيرة جداااااااااااا
أضف الى ذلك قطع الغيار "أحد اصدقائى معاه رينو فلوانس المساحات الأمامية كاوتشها تأكل تعرف سعرهم فى التوكيل كام ؟؟؟؟ 478 + الضريبة ولا يوجد بديل لهم خارج التوكيل"
"احد زملائى اشترى لزوجته ستب واى و احد ابن ستين * 73 سائق توكتوك كسر لها الفانوس الخلفى يمين،،، تعرف انه مش موجود فى التوكيل و سعره 1210 + الضريبة "
اغلب السيارات الكورى لها قطع غيار خارج التوكيل و كمان لها قطع غيار استيراد،، اما الرينو قليل جدااااا
الكلام السابق بالمختصر المفيد،،، وهو وجهة نظر شخصية قد اكون مخطئ او مصيب فيها
الف شكر يا باشا على زوقك وعلى ردك على سؤالي
الحجات الي بتقول عليها دي سهلة انها تتعمل ان شاء الله زي الانزار ووحدات الرفع وبلنسبة ان السنتر مش بيغلق بعد سرعة 20 اعتقد والله اعلم ممكن في التوكيل يعملوها بسهولا جدا وانك مثلا لما تفتح الباب الانتظار يشتغل لوحدو
وان شاء االله في انتظار التقرير بالتفصيل بعد الالف كيلو
اخر سوئال لو مش هتقل عليك ؟
هيا فيها كام سماعة ؟
الي بشوفو 4 في الباب و 3 في التابلو و واحدة في الشنطة عندك كدا ولا 4 في الباب بس
السلام عليكم
الف مبروك يا باشا على العربيه
ياريت بعد ما تلين وتبدا تجرى بالعربيه تبقى توقلى اخرها معاك فى السحب كام وخصوصا على السادس لانى معايا العربيه واخر السادس معايا 140 او 150 على حسب الطريب وبعدين بتسقط للخامس وتبدا تحرق والار بى ام يعلى ومترجعش تانى للسادس غير لما ترفع رجلك من على البنزين
http://www.nilemotors.net/Nile/266914-2012.html
السلام عليكم
ممكن اعرف حضرتك جبتها منين و مدة الحجز قد اية ولا استلمت فورى ؟ والحجز كان كام ؟