انا نازل علي الفندق ده كمان اسبوعين... بيقولو تبع الجبش و علي البحر ..انا بسال حد راح من الاعضاء في الفندق ده و تقيمه ليه ايه ؟
عرض للطباعة
انا نازل علي الفندق ده كمان اسبوعين... بيقولو تبع الجبش و علي البحر ..انا بسال حد راح من الاعضاء في الفندق ده و تقيمه ليه ايه ؟
الفندق دة اجمل ما فيه الview بتاعه
هوا عبارة عن 5 ادوار
الغرف الامامية اللي بتشوف البحر وانت قاعد عالسرير اللي هيا
الدور الاول غالبا بيبقى مشرفين واجنحة عرايس
204 .. 205 الدور الثاني
304.. 305 الدور الثالث
404.. 405الدور الرابع
504..505 الدور الخامس
دي الغرف الامامية كلها وتشوف البحر وانت قاعد عالسرير
هيا عيبها ان الجناح غرفة وصالة الغرفة فيها 2 سرير صغير وتسريحة و1 كومود
والصالة كذلك سريرين و كومود و ثلاجة 10 قدم وةتليفزيون وترابيزة
الحمام نظيف
بلكونة كبيرة فيها 4 كراسي وترابيزة
الغرف ضيقة نوعا بيضطرك يا اما نايم يا اما برة يااما عالكراسي في البلكونة وطبعا الجو برد
افضل غرفة فيه رقم 305 لانها على الواجهة وفي المنتصف والدور مش عالي
في غرف جانبية ..وفي غرف امامي جانبي يعني بتشوف البحر بزاوية .. وفي خلفي طبعا دي لا خالص رطوبة وحر ومش بتبص على حاجة
اليومين دول برد .. لو معاك اطفال خد الامامي الجانبي بيشوف البحر وانت قاعد في البلكونة بس الهوا مش مباشر عشان ما يبردوش
الفندق نقدر نقول متوسط بس مش وحش
طبعا مفيش اسانسير لو معاك حد رجليه واجعاه
في ريسيبشن تحت كويس بالتليفزيون لو عاوز تقعد بالليل
في مطعم اسعاره متوسطة
في كافتيريا اسعارها كويسة
في منفذ بيبيع تحت الفندق خبز وجاتوه من منتجات القوات المسلحة بس مش حلو
في ادام باب الفندق مسجد وصيدلية وبقال
اجمل ما في الموضوع في الشارع اللي فيه بوابة الفندق ادام شوية محل سمك راااااااااائع
هتاكل اكلة سمك ما حصلتش اطلب اللي انت عاوزة الصبح وقول عاوزه الساعة كذا هتلاقي الحاجة جاهزة وممكن تفاصل معاه
هوا عمل لنا خصم لوحده عشان احنا ما فاصلناش
ومعاملتهم حلوة جد ونظاف جدا
انا نزلت فيه كتير .. بصراحة حلو بس ضيق الغرف بس هوا اللي بيضايق
غير كدة اطلب فرش وغطا زي ما انت عاوز و لو عاوز تغير التلاجة يغيروهالك كمان
اول ما تدخل تتأكد ان الفرش نظيف وتخلي العاملة تيجي تمسح لك السويت والحمام وتغسل لك التلاجة دي اهم حاجة
دي خلاصة خبرة نزولي في فندق الوردة حوالي 7 مرات يمكن اكتر
لو سمحت اسعار الفندق عاملة ازاي يعني الليلة 2فرد بالغين كام
الليلة بتبقى بالسويت مش بالفرد
السويت يكفي 4 افراد
بتفرق حسب الغرف الامامية او الجانبية
انا اخر مرة سألت كانت للمدنيين الغرفة الامامية في حدود ال 110 على ما اذكر
والجانبية في حدود 90 دة سعر الليلة طبعا
ممكن تزيد 10 او حاجة بس مش اكتر
بصراحة مش متأكدة
بس الحجز للمدنيين بينتهي في مايو بيبدأ الموسم الصيفى وبيقتصر على الضباط
شكرااااا لحضرتك علي الرد الوافي .... بس فيه نقطه كنت عايز اعرفها ... انا كلمتهم قالي اي حجز لازم يكون قبلها ب 3 ايام ..طيب لو انا عايز انزل الصيف مع اصحابي لازم اكون حاجز في مايو و لا زي مبيقولو قبلها ب 3 ايام ؟؟
و الله ما عارف اقول لحضرتك ايه شكرااا لحضرتك علي ردك ... معلش اخر سؤال ..هو انا ممكن احجز في الصيف و لما اروح ادفع و لا لازم ادفع و بعدين اروح هناك ؟؟
لو حضرتك ضابط بالقوات المسلحة تحجز من دلوقت اعتقد بالفلوس الفترة اللي انت عاوزها في الصيف
لو مدنيين مش هينفع تحجز نهااااائي ممنوع
احنا مش بنتعامل معاه في الصيف خالص عشان ممنوع للمدنيين علاقتي بيه من اكتوبر لمايو بس
و بعدين حضرتك اسأل براحتك مفيش مشكلة خالص
حضرتك عندك تليفونهم ولا اكتبهولك
طب ياريت ارقام التلفونات بتاعه الفندق
035481785
035481786
طب الي انا فهمته دلوقتي ان الصيف ده مش للمدنيين .... امال انا كمدني اقدر احجز ازاي في الصيف ؟؟