الموضوع: تجربتي بعد تغيير زيت الفتيس المانوال...

السلام عليكم ورحمه الله وبركاته..
-الفتيس معايا كان تقيل شويه (محكوم) وفي صوت حشرجه في المارشدير .وكنت شاكك في ترس الريفرس.
-غيرت الزيت والمفاجاه ان الزيت القديم نازل ناقص كتير والونه بني غامق جدا يميل للسواد ومليان رايش معدني بيلمع وسط السواد..
-حطيت زيت شل لزوجته من 80 الي 90 وده الريكومندد في كتالوج الفيكترا..
-نيجي بقي للكميه, حطيت 2 لتر (علبتين زيت) الكتالوج بيقول لتر و900 ملي ..
-الصنايعيه بقي بيالفوا ان الفتيس بيحتاج 2 لتر ونص او 3 الا ربع علشان يبيعوا للزبون العلبه التالته
لانهم بيبيعوا العلبه ب30 ج من غير الغيار وهي تمنها 18ج في البنزينه.
-النتيجه ان الفتيس بقي انعم من النعامه وصوت النعره في المارشدير راااااح
-كان نفسي اغير الزيت ده بنفسي واصور الخطوات بس اليومين دول مش فاضي خالص ,اي حد عاوز يغيره بنفسه او عاوز يستفسر عن حاجه تحت امره..تحياتي