فيما يخص عدم فصل المروحه
أولا : يجب غسل الريداتير ودورة التبريد جيدا جدا عند متخصص في الرداتير حتى ولو هيحل الريداتير من مكانه ويغسله كويس ويستعدل الريش بتاعته والغسله دي تكلفك ثلاثين جنيه .
ثانيا : بعد غسل الريداتير ضع مياه خضرا وانت كل اللي هتحتاجه لتر ونص تقريبا وعندك جراكن تباع سعة 4 لتر يعني هتحتفظ بالباقي عندك تزود بيه ، وفيه لتر واحد تمنه من 5 جم الى 10 جم .
ثالثا : الاشياء السابقه روتينيه ، وبعد ما تعملها لاحظ الحراره والمده الزمنيه اللي هتستغرقها المروحه في التشغيل بعد التوقف عن الحركة .
رابعا : اذا استمرت المروحه في التشغيل المستمر بعد عمل الخطوات السابقة ، فقد يكون السبب في ذلك ضعف المروحة وبطء النتائج والاثر الناتج عن تشغيلها وفي هذه الحالة ممكن تغير المروحة ، وقد يكون العيب في سلك الترومستات ان طرفي سلك الكهرباء بيكونوا ملمسين وساعتها المروحه هتشتغل من غير ما العربيه تحتاج ، وهذه الجزئية يفصل فيها الكهربائي .
خامسا : حاول تظبط الحاجات السابقة وعرفني وصلت لحد فين ، لأنَّ المرحلة التالية في حال فشل الخطوات السابقة ستكون أكثر دقة .
وأخيرا بالتوفيق ان شاء الله والمشكله تكون بسيطه وتتحل بسهوله ..
المفضلات