سواقين النقل مشكلة ملهاش حل في بلدنا ؟

**me_medoo** · 20-03-2012 02:40 AM

بسم الله الرحمن الرحيم

جايب لكم فيديدو سواق نقل طاير بعربيتو الصغيرة التريلة ... وما أكثرهم من ساعة ما عربيات النقل بقت حديثة وهنداي ومان ومرسيدس وتويوتا ... وهما بيحبو يجربو السرعات العالية ... ولا على بالهم ان في أرواح وراهم ... وناس على قدها في السواقة .

[youtube]http://www.youtube.com/watch?v=jkKujJfyA3Q&feature=related[/youtube]

[youtube]http://youtu.be/jkKujJfyA3Q[/youtube]

وبعد الانفلات الامني ... أصبح سواقين التريلات في كل حته ماشين حتى لو دخلو عكس الشارع العمومي ... ملهومش حارة معينة ... لمن يجي يعمل يوترن يقوم طالع فوق الرصيد حتى لو كسر الرصيف وكسرلو كام شجرة ... المحور بأه كلو سواقين نقل تقيل ... على الرغم ان الاسفلت غير مصمم ليهم ... أمبارح على كوبري أكتوبر المعلق لقيت تريلة بتجري من عليه وماشية عادي نيد فور أسبيد ... ومن يومين على الدائري كسر عليا فنطاس بانزين قال ايه بيعمل غرزة ساعتو بين العربيات الملاكي وانا ماشي على 120 يرضي مين الكلام ده ... ده حتى ميرضيش ربنا واللهِ ... هو أرواح الناس لعبة ..

تاااااابع ... محدش يكتب حاجة دلوقتي .

**me_medoo** · 20-03-2012 02:54 AM

حوادث النقل بقة في كل حته

والمصيبة لمن تخبط في تريله غير لمن تخبط في عربية عادية .. وتغير فنوسين ورفرف وأكصدام ... النقل هيا وسلة قتل متعمد مع سابق الاصرار والترصد ... ومع الاسف بيطيروو بالتريلات بتاعتهم ويجروو حتى لو محملين زلط ورمل ... وتلاقي العربيات الي وراهم كلها مش عارفين يعملو ايه ... من الطوب الي بيتحدف زي الرصاص في البرفريز وعلى بادي العربية ونقر نقر نقر كده أجارك الله .

يالطيف الطف يارب

المشكلة ازاي نتخلص منهم
وأحنا محتاجين لهم في نقل طعمنا وقوتنا
بس المشكلة يابيه حميررررررررر ومطلعين الرخص
بالوسطة وب 1500 جنية ... وأي عيل بيسوق دلوقتي النقل

توب علينا باه يارب

ده غير المبرشمين والحشاشين والمسلحين ... بحجة انو بيحمي نفسو ... هو للدرجادي ارواح الناس لعبة لمن يجرو ويطيرو بعربياتهم ... طيب لوحصل اي حاجة في الطريق هيلحق يفرمل امته بسلامتوو وهو ماشي على سرعة 140 .
هيلحق يفرررررررررررمل أمته لمن يموت كام واحد ؟ كام واحد لازم يموت علشان بسلامتو يكون مبسوط ويحس انو راكب طيارة ويا أرض انهدي ما عليكي أدي ... ولا ايه رأيك يا فندم ؟

**amrico** · 20-03-2012 03:05 AM

مالهاش حل المشكلة دي
لان سواق النقل عارف ان لو حصل حادثة هو مش هايموت، لان عربيته كبيرة واللي هايتفرم سواق الملاكي اللي طبعا امه جايباهاله على حد تعبير معظمهم
وجنائيا يادوب هايدفع غرامة قتل خطأ، دا لو اتمسك اصلا

**me_medoo** · 20-03-2012 03:20 AM

عارف ياباشا ... انا شفت في خارج مصر حاجة لزيزة قوي عربيات الاتاري الي مشية في الشارع لو لقت سواق نقل ... ماشي في الشمال ولا بيجري ... يوقفوه ويبهدلوة ويخدو الرخص ... هنا بأه العكس مره في ميدان لبنان لقيت ضابط بيقل سواق نقل رخصك لو سمحت ... والسواق بيقلو مش هديك رخصي واعلى مافي خيلك اركبو ... وانا معدي بالعربية سمعت الكلمتين دول على الطاير ... بصراحة ربنا يكون في عون الشرطة في بلدنا محتجين حد يوقف معاهم ... انا من رأيي كل ضابط يكون معاه وحده ست ... والي يرفض يديلو رخصوو ... تقوم ترقع الست الي معاه بالصوت الحياني وتقول الحقوني ياناس ألحقوني ياهوو ... هتلاقي الناس تتجمع وتساعد الضابط ههههههههههه .

**me_medoo** · 20-03-2012 03:33 AM

ده فيديو لتريلة مقلوبة على الطريق الزراعي
والغريب ان الطريق مش مستحمل جري

[youtube]http://www.youtube.com/watch?v=8jtYa-FrzLM[/youtube]

[youtube]http://youtu.be/8jtYa-FrzLM[/youtube]

تعالو نسمع بأه رأي سواقين النقل
في كلمنا

[youtube]http://www.youtube.com/watch?v=hmz3iZf6XEg&feature=related[/youtube]

[youtube]http://youtu.be/hmz3iZf6XEg[/youtube]

كل الي همهم انك جمبك واحده وقاعد
بترغي معاها ... وهو ممعهوش وحدة
حاجة غريبة .

**maryano** · 20-03-2012 03:44 AM

رنا يستر علينا الواحد ماشي في سرك مش في شوراع بلد المفروض انهاا 7000 سنه حضارة بصراحة المفروض عربيات البوليس تبقي فيهااا كاميرة زي برة والللي يتمسك يجري بالطريقه دي يقبوضو عليه و يودو مع الفيديوو بتعوو لنيابه و يخدلو اقل حاجة 10 سنين حبس بالميت يعني الواحد يكون طالع عينو علاشان يجيب عربيه ليه و لعيلتوو و يجي واحد محشش يضيهالو في ثانيه دة لو طلع منها سليم اساساااااا

**Amrgamal1** · 20-03-2012 03:50 AM

انا لاحظت ان التكدس المروري اللي في كل الطرق والشوارع دا بسبب النقل
ايام الاجازات بتبقي الدنيا كلها خارجه بعربياتها الملاكي وطبعا النقل اجازة
ف بيبقي الطرق سالكه وسريعه وكله تمام
يعني النقل متسبب في اكبر مشكلتين ( الزحمه و الحوادث )
دا غير التخلف اللي بيحصل منهم فجأه تلاقيه رمي عليك من غير اشارة وبياخد الطريق يمين شمال ولا كأنه تكتك مش مقطورة
انا رأي انهم يعملو طرق مخصصه للنقل فقط زي طريق العين السخنه كدا ازاي بقي ماعرفش او يخليهم يمشو في عدد ساعات معينه في اليوم
لان فعلا مشكله النقل دي حاجه مش سهله يعني هي اللي بتسبب معظم الحوادث التقيله وكمان هي اللي موقفه الدنيا طول اليوم مخليه الطرق كلها زحمه

**tutankhamoun** · 20-03-2012 04:13 AM

كل سواقين مصر حاجة تقرف
و سواقين النقل و الميكروابظ دول فئة تانية من البشر مش بشر عاديين (ظروفهم وحشة و معندهومش وعي نهائي بأي حاجة ) بس أحنا ملناش ذنب يطلعوا عقدهم علينا .

ربنا يأخدهم كلهم و نخلص ............. يارب أخرج منها على خير بقى

**tutankhamoun** · 20-03-2012 04:15 AM

المفروض أن أحنا عندنا شبكة قطارات
والمفروض يتم أستخدامها في نقل السلع ما بين المحافظات و النقل يقوم بنقل السلع داخل المدينة من 12 ليلا لغاية مثلا 8 صباحا

أنما أحنا في مصر بعد الثورة ........... في البطاطا و الأول كنا في البالوظة قبل الثورة بس البطاطا كترت قوي

**me_medoo** · 20-03-2012 04:34 AM

طيب لحد ايمتى هنفضل في البطاطا كده على طول ... لحد ايمتى هتفضل بلدي وبلدك عبارة عن حتت بلووظة ... الي هي يعني ايه بلوظة صحيح ههههههههه ... مرة سئلة واحد خليجي ايه رأيك في مصر فأجاب بمنتهى الصراحة والصدق وقالي مصر دي عبارة عن طبق كشري كبير ... مفهمتش معنى كلمتو غير لمن كبرت ... أن المكرونة على العدس على التقلية على الرز على الحمص وعليهم صلصة ودقة وشطة هيا دي مصــــــــــــر . ياولداه .

مشاهدة نتائج الإستطلاع: هل تعاني من سواقين النقل ؟

الموضوع: سواقين النقل مشكلة ملهاش حل في بلدنا ؟

LinkBack

أدوات الموضوع

عرض

سواقين النقل مشكلة ملهاش حل في بلدنا ؟ - انشر الموضوع فى :

-

-

-

-

-

-

-

-

المواضيع المتشابهه

عملت حادثة بالميجان و دى الحكاية .. ربنا يرحمنا من سواقين النقل الاغبياء ..

السايس ..... مشكله ملهاش اى حل فى بلدنا

سواقين النقل المجانين مش عندنا بس

وأخرتها مع سواقين النقل .. الله ينتقم منهم

خد وهات ايه رايك؟ ايه هيه اكتر محافظة فيها اسوء سواقين واحسن سواقين

الكلمات الدلالية لهذا الموضوع

المفضلات

المفضلات

ضوابط المشاركة