>. هو نت TeData وحش اليومين دول ولا عندى بس ؟!؟!؟!

**Eng.Mohamed Amen** · 06-06-2008 04:36 PM

فعلا الإنترنت بقى أقل سرعه عن الأول من ساعه ما قالوا 256 بـ45 جنيه

ومن أولها بقى الخدمه فى النازل تيجى تتصل بيهم يحطوك على الهولد وبيلطعوا الواحد

كأنى واقف فى طابوا أو تقريبا بيدينا فرصه إن الواحد ممكن ينام أو يروح مشوار كده

يعنى كتر خيرهم .ولما حد يرد عليك يكلمك بكل إحترام علشان المكالمات متسجله ولو

كلمه بطريقه غير صحيحه يعملولك تحقيق ويجيبوا الغلط عليك .المهم إنو بيقولك خير

يا باشا تقوله فى مشكله فى الآب لود و الداون لود يقولك أكيد فى برنامج بيعمل تحديث

أو الويندوز بيعمل تحديث تقولوا لأ مفيش يقولك طب دخل معايا الأوامر دى ......وبعد

ما تدخلها يوقلك إيه اللى ظهر طبعا هتلاقى كشف الثانويه ظاهر على الشاشه يقولك كده

العيب من عندك يبقى فى أوامر شغاله أو برامج شغاله تقوله لأ مفيش يقولك يبقى فى

فيروس فتحت الاب توب وجربت نفس الكلام قالى بردوا أكيد يا أفندم الفيروس منقول

للاب توب أفتح التليفون واير ليس بردوا يقولى إتأكد كويس إن الميمورى كارد بتاع

التليفون فاضى أو الواير ليس شغال كويس من الآخر يحسسك إن كل الأجهزه اللى عندى

ودافع فيها دم قلبى كلها بايظه وهما اللى شغالين صح بعد ده كلوا يقولك ثوانى ونعمل

تشيك على خط حضرتك ونص ساعه كمان ـــــــــــــــــــ أيوه يا أفندم شكرا لإنتظار حضرك

حضرتك إحنا عملنا تحديث وخلال ربع ساعه يبقى السرعه تمام شكرا لإتصال حضرتك

وبس وهكذا كل عطل .بعد كده بقى الواحد يبقى يفتح إنترنت فى مخه عن طريق الخيال

...معلش يا جماعه طولت عليكوا طبعا إنتوا عارفين مش أنا لوحدى كده .

**wawoo** · 06-06-2008 04:44 PM

المشاركة الأصلية كتبت بواسطة محمدعيسى

ياريت كل واحد يقول هو مشكلته ايه بالظبط أنا شخصيا خطي شغال كويس جدا جدا و اللي فيكو هيجرب شركة تانية هيعرف الفرق بين الام و مرات الأب

هههههه , انا شخصيا عندى شغال كويس برضو , مافيش اى تغيير

**zakiali** · 06-06-2008 05:37 PM

Tedata في الأول كويس بعد كده خرف ! رحت مكنسل الاشتراك واشتركت في Link Dot Net الصراحه السرعه تحفه ومش بتقطع أبدا ولما بعمل اختبار للخط Speed test بيديني 244 Kbs التيداتا كان بيدي 203 بس ! المشكله في أي حاجه في مصر بتبدأ كويسه وبعد كده بتخرب رغم ان فيه خطط تنميه وناس شغالين في الكواليتي كنترول والصيانه والحاجات دي وبياخدوا فلوس علي كده مثال بسيط زي ال CTA بتاع مدينه نصر كان اول ما نزل تحفه وتكييف تلاجه وناس محترمه واوتوبيسات جديده وزجاج فاميه اتفرج عليه دلوقتي ولا الأتوبيس العام بتاع الوراق - الكتكات والناس واقفه علي السلم والأزاز مكسر والأوتوبيسات بقت عامله زي عربيات الكشري .. هي دي مصر ! الحمد لله اللذي عافانا .