الميكانيكي خرب العربية

**mah_almasry** · 20-03-2012 11:06 AM

انا رحت للميكانيكي بمشكلة ان عداد rpm بعد وقوف العربية وهي دايرة بيكون عند 2 . المهم قعد يلعب في بوابة الكربراتير اللي بيزود منها جنب العمة . وظبط ال RPM وقالي هظبطلك تاكهات ومش هتسمع صوت الموتور . قلتله ماشي يا سيدي . خدت العربية من عنده بتنتش ومنيلة بنيلة . رجعت قالي غير وش الاسبراتير لانه فيه شرخ ممكن يكون السبب . نفذت كلامه ومفيش فايدة . في الاخر قالي روح لبتاع كربراتير يفكه وينضفه . انا بصراحة تعبت وصرفت 200 جنيه . وانا سمعت ان فك الكربراتير مش صح وممكن يبوظ . ارجوكم افيدوني هل ممكن يكون فعلا الكربراتير . مع العلم ان هذه المشكلة التنتيش ظهرت بعد شغل الميكانيكي وللعلم انا مغير بوجيهات قريب من شهر تقريبا . وجزاكم الله خيرا افيدوني

**amrelsaqqa** · 20-03-2012 11:16 AM

العربية ايه ؟

**mah_almasry** · 21-03-2012 12:55 AM

العربية ميتسوبيشي لانسر 90 اللي بيقولوا عليها عيون صفية . ارجو من الناس تساعدني لاني بجد لايص

**amrelsaqqa** · 21-03-2012 09:34 AM

ممكن يكون لعب في مسمار الهوا او معلى الكهربا اكتر من اللازم

ظبط التاكيهات مش هيعمل نتشة ، ظبط التاكيهات بيأثر في نعومة صوت الموتور و الحرارة واستهلاك البنزين واداء العربية

بس معلش يعنى انت صرفت 200 جنيه على ايه ؟
ظبط الكهربا والكربراتير والتاكيهات وتغيير وش الاسبراتير كل ده المفروض ما يجيبش 50 جنيه

غير الميكانيكى ده لأن واضح انه حمار ونصاب كمان

**mah_almasry** · 21-03-2012 01:46 PM

وش الاسبراتير لوحدة اشتريته ب 125 جنيه . مع ان بتاع الاكسنت لقيته ب 30 جنيه بس قالوا مينفعش علشان 5 صوابع تقريبا وانا بتاعي 4 بس

خير ان شاء الله . انا رايح لميكانيكي تاني النهاردة والله المستعان

**amrelsaqqa** · 21-03-2012 02:13 PM

يانهار ابيض 125 في وش الاسبراتير بس
امال الاسبراتير كله بكام بقى

ده غطا بلاستيك مع شوية موصلات نحاس مش اكتر من كدة يعنى

ربنا معاك
روح لميكانيكى تانى وطمنا عملت ايه