الى كل من يعانى مشكلة سخونة الفليشيا اليكم الحل السحرى

**المنسي** · 20-03-2012 11:08 AM

اكيد كل اصحاب الفليشيا بيعانو من مشكلة ارتفاع درجة حرارة المحرك سواء من غير تشغيل التكييف او مع تشغيل التكييف هانقلكم تجربتي بس انا عربيتي من غير تكييف فاللى عربيته من غير تكييف ويعانى من المشكلة فحلها كالاتى:-
1- مروحة الردياتير تكون 6 ريشة اللى هيه الاصلية بتاعة العربية وتكون حالتها كويسة ومش ضعيفة.
2- ردياتير الومنيوم (صيني) تمنه 150 جنيه.
3- ترموستات 82/68 او 86/68.
4- ميه خضرا ماركة ايادا (iada) اسبانى تمنها 38 جنيه جركن 4 لتر العربية تقريبا تحتاج 2 جركن او اى مية خضرا نوع نظيف ونصيحة ابعد عن المصرى والسعودى لانهم مش تمام.
الخطوات :-
1- فك الردياتير الالمونيوم الصينى عند بتاع ردياتيرات وتسليكه وغسل الوش من التراب.
2- تركيب الترموستات الواطى اللى قلنا عليها 82/68 او 86/68.
3- هتروح لبتاع البنزينة تنظف باقى دورة التبريد الموجودة داخل الموتور واللى بالطبع بتاع الردياتيرات مش هيقدر يوصلها نظرا لعد اتاحة امكانيات تساعده على ده.
4- عامل البنزينة تكون محضر المية الخضرة الاسبانى او موبيل او توتال عشان لما يخلص يضيف المية الخضرا.
نصيحة مهمة جدا جدا
لما تروح البنزينة حاول تستنى على قد ماتقدر لغاية العربية ماتكون بردت يعني اكنك سايبها يوم مثلا وده ليه لان عامل البنزينة لو العربية لسه سخنة وانت بطلتها وفتح واشتغل المية اللى داخلة باردة والموتور سخن يا اما هو بيعمل حاجة يخليك مدور العربية ويضخ ضغط مية جامد عشان تطلع المية اللى جوة الموتور ويفضل يقولك زود بنزين والحوارات دى احنا اهم حاجة نضمن ان العربية مفيهاش نقطة مية ودى مش هتتعمل الا لو العربية باردة وتم تفريغ كل المية اللى جواها.

**المنسي** · 21-03-2012 11:44 AM

المشاركة الأصلية كتبت بواسطة ayman20100

انا تقريباً عامل نفس الحاجات ديه بإستثناء الميه الخضرا وفعلا بتفرق في الحرارة
بس انت نسيت حاجتين مهمين جداً
ظبط التاكيهات
وظبط الكهربا بتاعت الموتور الاتني بيأثروا على درجة الحرارة لو مش مظبوطين

لا دى اهم حاجة انا قلت بس اشرح دورة التبريد عشان الناس تعملها قبل دخول الصيف انا عاملها فى العربية بعد ماكانت طيرت لى جوان وش السلندر وربنا يسترها معانا وشكرا على التنبيه

**alaamahran** · 19-04-2012 07:22 PM

السلام عليكم
انا عى وشك انى اشترى فليشيا بس عاوزك تدينى معلومات عن العربية يعنى قطع غيارها وصيانتها ومصروفها لانى راجل موظف من الاخر وكمان المياه الخضراء دى انت بتشتريها كل كم يوم
وجزاك الله خير

**heshammorsy** · 20-04-2012 04:43 PM

المشاركة الأصلية كتبت بواسطة alaamahran

السلام عليكم
انا عى وشك انى اشترى فليشيا بس عاوزك تدينى معلومات عن العربية يعنى قطع غيارها وصيانتها ومصروفها لانى راجل موظف من الاخر وكمان المياه الخضراء دى انت بتشتريها كل كم يوم
وجزاك الله خير

و الفيلشيا عربيه حماله اسيه فعلا و قطع غيارها معقوله فى ناس بشتكى من ارتفاع درج الحراره بس اذا تابعت دوره التبريد و داومت عليها مش حتلاقى مشكله خالص و بالتوفيق

**alaamahran** · 21-04-2012 12:53 AM

المشاركة الأصلية كتبت بواسطة heshammorsy

و الفيلشيا عربيه حماله اسيه فعلا و قطع غيارها معقوله فى ناس بشتكى من ارتفاع درج الحراره بس اذا تابعت دوره التبريد و داومت عليها مش حتلاقى مشكله خالص و بالتوفيق

ا/هشام
شكرا لردك واهتمامك
انا كنت بعاينها النهاردة هى 97 glx فاضية وحالتها كويسة ممكن تنصحونى بايه كمان
واضح انك من اسكندرية انت بتتعامل مع ميكانيكى كويس فى الاسكودا وكهربائى يا ريت تقولى على الصنايعية بتوع العربية

**المنسي** · 21-04-2012 01:09 PM

المشاركة الأصلية كتبت بواسطة alaamahran

السلام عليكم
انا عى وشك انى اشترى فليشيا بس عاوزك تدينى معلومات عن العربية يعنى قطع غيارها وصيانتها ومصروفها لانى راجل موظف من الاخر وكمان المياه الخضراء دى انت بتشتريها كل كم يوم
وجزاك الله خير

استاذ علاء ربنا يوفقك فيها لو فيها خير ان شاء الله بالنسبة لقطع الغيار هيه فى المعقول هتلاقى منها الصينى والتركى والالمانى وكمان الاستيراد اسعاره معقولة بس اهم حاجة انك تداوم على الصيانة بتاعتها اهم حاجة واخطر حاجة فى العربية دى واى عربية دورة التبريد لو حافظت عليها يبقي انت كده حافظت على العربية لان الفليشيا دورة التبريد بتاعتها هى روح العربية معلش طولت عليك المية الخضرا حط المية الاسبانى iada ودى هتلاقيها فى محطات شل والجركن ب 38 جنيه وبيقعد حوالى شهر ونص او شهرين على حسب الاستخدام بتاع العربية وبالتوفيق

المشاركة الأصلية كتبت بواسطة alaamahran

ا/هشام
شكرا لردك واهتمامك
انا كنت بعاينها النهاردة هى 97 glx فاضية وحالتها كويسة ممكن تنصحونى بايه كمان
واضح انك من اسكندرية انت بتتعامل مع ميكانيكى كويس فى الاسكودا وكهربائى يا ريت تقولى على الصنايعية بتوع العربية

استاذ علاء ياريت تدينا معلومات اكتر عنها يعني رشة دواخل ولا فبريكا ورشة برة كده يعني وحالة الموتور ايه وماشية كام كيلو وصاحبها طالب فيها كام والاهم من ده كله انك تكشف عليها عند ميكانيكي سكودا شاطر مش اى ميكانيكي وواضح انك من اسكندرية فاكيد هتلاقى عندك حد بيفهم فيها وشاطر فيها لو انت هنا فى القاهرة كنت وديتك لواحد قالك توبها كام وربنا يوفقك

**المنسي** · 22-04-2012 01:11 AM

المشاركة الأصلية كتبت بواسطة alaamahran

السلام عليكم
العربية فبريكة دواخل وشنطة فبريكة وصالون فبريكة ورشة نظافة خارجى وحالة الموتور جيدة وهو طالب فيها 29000 والكاوتش حالة كويسة ومنه فردتين لسه متغيرين جداد والمروحة بتاعتها 6 ريشة الاصلية بس الزجاج الامامى فى شرخ فياريت تفيدنى هو تمن تغييره بجديد كام وصاحبها فى صلة قرابه بينى وبينه

الزجاج الامامى انا كنت سال عليه من فترة كان 280 بس الكلام ده من فترة كبيرة معرفش سعره كام دلوقتى فى نوعين نوع عادى ونوع تربلكس بالنسبة للسعر مش قادر افيدك فيه بس لو تقدر تصورها وتحط بياناتها فى قسم التسعير الناس تقدر تفيدك وربنا يوفقك

الموضوع: الى كل من يعانى مشكلة سخونة الفليشيا اليكم الحل السحرى

LinkBack

أدوات الموضوع

عرض

الى كل من يعانى مشكلة سخونة الفليشيا اليكم الحل السحرى - انشر الموضوع فى :

-

-

-

المواضيع المتشابهه

الحل السحرى لعضة الفتيس

الحل السحرى .....للقضاء على كل المشاكل التى تؤرق الشباب من الجنسين ..

سخونة الفليشيا

الحل السحرى لقاعدة المرايا ب80ج؟؟؟؟؟؟؟؟؟

سخونة الفليشيا

الكلمات الدلالية لهذا الموضوع

المفضلات

المفضلات

ضوابط المشاركة