الموضوع: تحيه للجميع :معايا فيتارا 2باب1600 1997 وعاوزابدل بشيروكى ومحتج معلومات

المشاركة الأصلية كتبت بواسطة heshamalikamel

استاذ مينا السلام عليكم وطبعا قبل كل شىء البقاء لله لوفاة البابا ثم اشكر لك سرعة استجابتك للرد
اولا انا كنت حابب اركب عربيه اكبر شويه من الفيتارا لان 1- مشكلة الباب الواحد دى مش مريحه من يركب معى 2- ثم ان الفيتارا مطباتها ناشفه شويه عن الشيروكى وانا كنت باستعمل مثلها من قبل فى احدى الدول العربيه وكانت انعم من كده ولكن الظاهر ان فرق الطرق قوى جدا 3- وايضا الشيروكى اعلى فى الجلسه من الفيتارا قليلا 4- وايضا خفيفه شويه مع مقابلة الهواء من الجانب فتحتاج الحرص فى القياده وان كنت عاشق لها مما جعلنى اشتريتها تانى 5- الشيروكى اقوى فى الموتور وانا ممن يحبون السفر فاحتاج سياره قويه وجاهزه دائما وافضل الاتوماتك
وان كان وجهة نظرك عن البنزين تحترم تماما وخاصه فى الظروف الحاليه ولكن ده ينسحب على اى سياره فن اختفى البنزين فسيختفى عن الكل ولكن وجهة نظرك جعلتنى افكر فى الاربعه سلندر فمعك حق واشكرك وممكن برضه تبعت لى عنوان المركز والتلفون اكيد هينفعنى وانتم تشكرو فيه كثير وياريت نظل على تواصل وعاوز تلفونك لو ممكن
وسؤال اخير طيب علبة الدركسيون بتاعة الشيروكى بكام وعموما ان ربنا سهل وبعت الفيتارا تلك الايام لان سوق السيارات نائم جدا فسوف اشترى الشيروكى وان لم يحدث فساظل على نفس الوضع

حياتك الباقية.... و شكرا جزيلا لتعازيك و ذوقك :)

بالنسبة لموضوع النشفان في المطبات.... ده علشان الشاسيه قصير.... يعني لو هنقارن الفيتارا شاسيه قصير... نقارنها بالرانجلر.... مش بالشيروكي.... و طبعا الرانجلر أنشف في المطبات (عن تجربة شخصية)

بما أنك عايز عربية مريحة.... 4 باب..... قوية..... أوتوماتيك..... ناعمة في المطبات..... ايه رأيك في الفيتارا ال2000 سي سي 4 باب ؟؟ أنا لما جربتها كانت أنعم 1000 مرة من الشيروكي..... و تكييفها كان أكفأ كتير...... الياباني دايما يتفوق على الأمريكاني.... و أنا بكلمك عن تجربة شخصية للاتنين..... أنا كان معايا شيروكي 2000 بحالة مفيش منها 2 ...... كانت ممتازة..... لكن برضه كانت قارفاني و ميعديش شهر الا و الاقي حاجة محتاجة تتعمل فيها.... مرة في العفشة.... و مرة خرطوم معرفش ايه يضرب.... و مرة حساس من الحساسات يضرب..... الخ.....

عموما الاختيار متروك ليك.... و هبعتلك الرقم على الخاص....

بس نصيحة أخوية.... لو أمكن أنك تجربها كام يوم قبل ما تشتري.... يكون أفضل.... و اكشف عليها كويس جدا جدا....لأنها ممكن تدفعك دم قلبك و ميكفيش.....

المشاركة الأصلية كتبت بواسطة heshamalikamel

تقريبا من الاربعينات الى ما فوق وحسب الحاله

هو ده رينج الفيتارا ال2000 سي سي أوتو 4 باب

المشاركة الأصلية كتبت بواسطة heshamalikamel

امال ليه صاحبها قالى ان التسعين بيخليها فيها رعشه وعموما كتر خيرك واشكرك على الرد الذى استفدت منه كثيرا وعموما لو بعت إن شاء الله حاخد الشيروكى لانها ركوبه برضوا محترمه وان كانت الفيتارا جميله

تقصد 90 كم في الساعة؟ ولا موديل 90 هي اللي فيها رعشة؟

المشاركة الأصلية كتبت بواسطة gelgel2004

الله ينور يا عم مينا
مرجع و الله
اول مره اعرف موضوع الشاسيه ده
تحياتى

ربنا يخليك.... دا من ذوقك....