امبارح كنت فى مشوار فى شارع البحر الاعظم وقلت ادخل بنزينة شل اكشف على الزيت فلقيت صف تاكسي واقف عشان يمونو غاز المهم انا دخلت يمين من جنبهم ولقيت بتوع البنزينة قافلين الممر اللى يدخل على مكان كشف الزيت بطلت العربية ونزلت بسال العامل قاللى اخرج وتعالى من مكان خروج العربيات ( البنزينة مش شغالة مفيهاش بنزين) طيب انا اطلع ازاى مفيش غير انى ارجع بظهرى وحد من سواقين التاكسي يستنى لغاية ما اخرج المهم رجعت بظهرى والمكان كان ضيق فبقت ارجع واحدة واحدة وباصص على يمينى وفى لحظة مبصتش فيها على شمالى هووووووووب ريحت على تاكسي فيرنا انا والله ماكنتش اقصد وبعدين انا راجع بالراحة اوى عشان المكان ضيق المهم طبعا سمعت صوت الترييحة ببص على شمالى لقيتنى لازق فى التاكسي رحت طالع قدام سنة ونزلت انا طبعا غلطان منكرش اول مانزلت لقيت الاتى التاكسي الفيرنا يادوب البوية اتكحتت وطلعت عندى انا فى العربية لقيت السواق بيبصلى ويقولى ايه اللى انت عملته ده اول حاجة رديت قلتله اللى انت عايزه اعملهولك بس انا دخلت غلط بقي يبصلى ومش راضى يرد عليا قلتله والله اللى انت عايزه قول وبقي يبصلى بقرف مش عارف اعمل ايه تانى ومشيت على كده بس كنت متضايق يعني انا غلطت وتاسفت له وقلتله اللى انت عايزه وهو مهانش عليه حتى يرد عليا