النجدة... اللى عنده فيفا او يعرف عنها يلحقنى

**kind** · 06-06-2008 01:32 PM

سلام عليكم
يا جماعه ياريت تلحقونى بسرعه قبل ما اتدبس انا حجزت فرنا فيفا وكنت اللى اعرفه عنها انه موجود منها حاجتين العاديه اللى فيها كاسيت وتكييف وباور والكامله اللى فيها ساعه تابلوه وزجاج كهرباء وسنتر وستوب ورا ومرايات كهربه وزرار فتح الشنطه من جوه العربيه وده عامله 68 الف

انا حجزت العاديه وبعدين رحت عشان استلم قاللى التسليم هيتاخر اسبوع عشان الشحنه خلصت ولسه فى مركب جايه فى البحر عليها شحنه تانيه

وبعدين لقيت فى المعرض عربيه فيفا ولقيت فيها ستوب ومرايات كهربه... فا بقوله ده اللى فيها ساعه وستوب وفتحة شنطه وكده ؟ قاللى لا التانيه اللى اعلى منها

فا انا استغربت جدا ومعرفتش ارد عليه الصراحه

ياريت حد يفهمنى هوا فى بين العاديه والكامله حاجه تانيه ولو فيه سعرها ايه عشان لو مناسب اجيبها انا محتاج زجاج الكهرباء والسنتر

وياريت متتاخروش عليا فى الرد وشكرا ليكم يا احلى شباب :)

**kind** · 06-06-2008 02:51 PM

يا جماعه حد يرد عليا

**arch_peter** · 06-06-2008 03:21 PM

اخى العزيز انا معايا فيفا كاملة جبتها فى ديسمبر 2007
العادية : تكييف + باور + ستوب خلفى + ار بى ام + فتح الشنطة وتانك البنزين من الداخل + ساعة
الكاملة : كل اللى فات زيادة عليه كاسيت وزجاج كهرباء ومرايات كهرباء

ودلوقتى على ما اعتقد بقوا ينزلوا العادية كمان بكاسيت - انا لما جبت ماكانش بينزل مع العادية كاسيت
كمان الكاملة الكاسيت بتاعها كان هيونداى اصلى ماعرفش دلوقتى ايه الأخبار
على فكرة مافيش منها غير موديلين زى مانا شرحت لك العادية والكاملة
واى استفسار ياريت تسال او تراجع موضوعنا بعنوان رابطة ملاك الفيرنا فيفا وكمان فى موضوع تانى عن مواصفات الفيفا كلها

**kind** · 07-06-2008 08:40 AM

شكرا arch_peter
بس المواصفات ده كلها تغيرت العاديه بقت باور تكييف كاسيت بس

عموما ياريت انضم للرابطه قريبا

ومتشكرين اوى يا جماعه 55 مشاهده ورد واحد انا عاوز اعرف معلومه بس عشان الحق اغير قبل ما ادبس خالص

عموما اللى عنده اى معلومه ياريت يقول

**gmgm** · 07-06-2008 01:17 PM

انا حاجز فيفا من اسبوعين فل اوبشن وشفت العاديه قدامى كانت موجودة في المعرض

العادية : تكييف + باور + ستوب خلفى + ار بى ام + فتح الشنطة وتانك البنزين من الداخل + ساعة وبدون كاسيت
الكاملة : كل اللى فات زيادة عليه كاسيت وزجاج كهرباء ومرايات كهرباء

كلام اكيد

**smsmbakr** · 07-06-2008 01:30 PM

العادية :تكييف + باور + ستوب خلفى + ار بى ام + فتح الشنطة وتانك البنزين من الداخل + ساعة
وبدون كاسيت
الكاملة : كل اللى فات زيادة عليه كاسيت وزجاج كهرباء ومرايات كهرباء

**kind** · 07-06-2008 01:40 PM

الف شكر يا جماعه ربنا يخليكو انا ريحت نفسى وغيرت على فول اوبشن وخلاص عشان ميبقاش فى حاجه ناقصه ومش مهم الفرق ده

الف شكر مره تانيه وادعولى استلمها بسرعه

**mohamedok** · 07-06-2008 06:17 PM

المشاركة الأصلية كتبت بواسطة smsmbakr

العادية :تكييف + باور + ستوب خلفى + ار بى ام + فتح الشنطة وتانك البنزين من الداخل + ساعة
وبدون كاسيت
الكاملة : كل اللى فات زيادة عليه كاسيت وزجاج كهرباء ومرايات كهرباء

تمام كده وتقريبا دلوقتى بيضيفوا للهاف الكاسيت