خبراء اللانسر يروددو بصدق

**slayer** · 06-06-2008 02:10 PM

يا جماعه ارجوكم حد محايد يؤلى اى اخبار اللانسر 1300 اوتوماتيك
ناس بيؤلو ان سحبها وحش اوى و ان التكييف بيباهديلها
حد يرد عليا بسرعه و بالتفصيل

**SEATLOVER** · 06-06-2008 02:17 PM

بالنسبة لعربيات كتير اوى فى نفس فئتها ..بتعتبر معقولة جداً و السحب مع التكييف بيبقى اقل و اضعف فى عربيات كتير ... لكن معظم اللى عايز يركب لانسر متوقع منها اداء ال 1600 المانيوال ودة مش صح ..كل حاجة ولها ظروفها وحاجة على حساب حاجة ..والحاجة اللى بتصبر عليها او تتحملها بتاخد حاجات كتير قصادها بتعادل الموضوع دة

لازم تجربها بنفسك و تشوف هو دة اللى انت عايزة و متوقعة ولا لآ ... وعلى حسب كنت راكب اية قبل كدة و متوقع اية منها

**شاهين - بنز** · 06-06-2008 02:58 PM

بصراحة الياريس 1300 اسرع منها بكتير و التكييف مش بيأثر عليها زي اللانسر
ده غير ان استهلاكها للبنزين فظيع عكس الياريس اللي بتشم البنزين فقط
عايز اوتوماتيك يبقى ياريس

**limo** · 06-06-2008 03:49 PM

على فكره الانسر ال1300 اوتو حلو مش وحش بالمقارنه للعربيات 1300
ووهتقضى العرض معاك
بس عموما سحب ال1300 مانوال مش جامد
بس لو عايز رأى لو انت بتاع جرى وشد ابعد تماما عن الاتوماتيك سواء 1300 او 1600
انا معايا 1600 اوتوماتيك ومفتقد اداء المانوال جدا لانى بسوق عربيه تانيه مانوال وحاسس بالفرق بالرغم من ان العربيه التانيه ده 1150 سى سى وسيدان
تحس فعلا بقوه المانوال لو انت مشغل التكيف وماشى فى زحمه بعكس الاتوماتيك الى تحس ان العربيه ميته فى الزحمه مع التكيف

**slayer** · 08-06-2008 03:54 AM

شكرا على الردود يا جماعه بس السيراتو الجديده واهمانى أوى الايام دى و ناس بتفضلهالى اى رايكم

**manover40** · 08-06-2008 10:11 PM

اللانسر 1300 اوتوماتيك محتاجة صبر و انت مشغل التكييف و اثناء صعودك للمطالع
و بمجرد وصولها لسرعة 40 كم ماتحسيش بالفرق و انها ضعبفة اي ان معدل التسارع في البداية بيكون بطئ و بعدها افتح عادي مفيش مشكلة
و لو انت مزنوق في مطلع دوس ع دواسة البنزين للاخر هاتلاقيها بتنط مش بتجري بس

**M.Nasr** · 10-06-2008 10:38 AM

اللانسر 1600 اللى معايا التكييف بيأثر عليها مع العلم انها اوتو ما بالك ال1300
وزى ما قال الاخ limo اى عربية اوتو مش بتحس بقوة العربية معاها بصراحة انا ندمت انى جبتها اوتو فى فرق شاسع فى الاداء بينها وبين المانوال
انا كان معايا لانسر 2002 مانوال 1300 والله اداءها كان احسن من ال1600 الاوتو اللى معايا حاليا