الموضوع: سخان كاربيراتير الفليشيا

المشاركة الأصلية كتبت بواسطة ehab_osman

هو ده الطبيعي "" السخان لازم تسند بنزين شويه وبعد كده يلقط وانت تسيب رجلك والاظرف انه مبيفصلش الا لما تدوس بنزين ""
يعني تشغيل العربية حوالي 30 ثانية وانت دايس بنزين وبعدين تشيل رجل .......... تنزل تمسح زجاج العربية ............ وبعدين تدوس بنزين ....السخان يفصل ............ تبدأ بالمشي ؟
هو ده اللي انا اتعودت عليه .

هو فعلاً كلام حضرتك مظبوط
بس الاظرف انه مبقاش يشتغل معايا بعد اسبوعين وراحت الفلوس على الفاضى
مع ان كل العربيات السخان بيشتغل بمجرد الدواره

السلام عليكم
كان عندي نفس المشكلة دي، وعملت صيانة كاملة وفك وتنظيف وتركيب مع تظبيط السوستة السؤولة عن قضية السخان الأوتوماتيك، وعرضت على الميكانيكي إني اشتري واحد جديد بدل المشوار الطويل ده، رفض وقال إن الموجود في السوق هيشتغل شوية ويبوظ لأن السوستة بتاعته ضعيفة. لو حضرتك معاك القديم ممكن تروح لورشة الشيخ عادل وأخوه أيمن في بين السرايات بعد محلات الحسن بتاع قطع غيار سكودا، بصراحة ظبطهولي. وفي نفس الوقت فعلا ممكن تدوس الأول لغاية ما يلقط وفعلا بعد شوية ممكن يفصل لوحده وده نادرا وممكن تدوس دوسة بسيطة ويتعدل.

انا عربيتي مش شغال فيها السخان بس يا ريت تراجع موضوعي في القسم اهتم بفليشيتك هتلاقي فيه كلام كويس عن الفليشيا وانها مش بتحتاج تقف تسخن العربيه

هو انا اساساً غيرته عشان كانت المواسير بتاعته بتسرب وفيها تاَكل بس طبعا كنت فاكر انه هيشتغل طبيعى زي باقى العربيات بس هو فعلاً طلع لازم تسند بنزين شويه
بس موضوع التسخين ده لمصلحة الموتور والعربيه يعنى لو مسخنتش الصبح هتلاقى العربيه على السلانسيه هتنتش وكمان حرام تقرص على الموتور وهو بارد يبقى هتمشى واحده واحده
يبقى الاحسن انى اسخنها ولو دقيقتين