الموضوع: مفاتيح اضاء بطريقة جديدة

طريقة جديدة لمفاتيح النور هي مش مفاتيح بمعني سويتش او Contact هي باللمس Just Touch it
المفاتيح مصنوعة في هونج كونج باستندرد اوروبي يعني واخدة ISO و شوية ستاندرد اوروبي تانية يعني مش مجرد صيني التقفيل و الشغل فيها بجد هايل انا لما شفتها عجبتني جدا
المفاتيح في منها من اول زرار واحد لحد 6 زرار(هو مش زرار)
المفتاح ممكن يشيل 4 خطوط
بيشتغل على جميع انواع الاضاءة بصراحة انا ما جربتوش على الفلورسنت بس هما بيقولوا بيشتغل
المزايا الزيادة على المفاتيح العادية
1- ديكور مختلف جدا و شكل ملفت
2- في الضلمة بينور حوالين المفتاح ازرق حوالين مكان المفتاح و في النور بينور احمر و دي بيدي ديكور برده و بيقولك المفتاح فين في الضلمة
3- ديمر يعني ممكن تقلل الاضاءة و تزودها منه
4- بيعمل سيناريوهات يعني لو واصل عندي كذا حاجة على المفتاح ممكن اعمل زرار يشغل كام حاجة مع بعض و بنسب اضاءة مختلفة زي ما انا عايز او اخلي كل زرار لحاجة واحدة بس
5- في ريموت كنترول واحد زي بتاع التلفزيون بتشغل بيه النور من غير اي اضافات و الريموت التاني زي ريموت سنتر العربية سهل جدا و مش محتاج اي توصيلات اضافية انت بتجيبة تبرمجه يشتغل على طول
6- سهل البرمجة جدا مش محتاج حد محترف او حاجة كبيرة
7- ممكن يتعمل اسم علية (و ده للفنادق و المستشفيات) يعني ممكن تشيل الماركة و تكتب الاسم اللي انت عايزه
8- اشكال مختلفة
9- مش محتاج اي توصيلات كهربا معينة زي المفتاح العادي يعني ممكن يركب في بيت او اي مكان شغال مش محتاج اي سلوك او حاجة
الحاجات دي جت ادامي من واحد صاحبي و سعرها انا شايفه كويس بالنسبة للشكل و الوظيفة و بالنسبة اني كنت بركب انظمة اضاءة قبل كده في فلل و كمبوند بارقام وهمية و تقريبا بتعمل نفي الوظيفة
سعر السويتش 1 زرار 200 جنيه يتدرج في السعر لحد السويتش 6 زرار 270 جنيه
الموق الالكتروني للشركة لو حد يحب يبص على الحاجات التانية
الصور

طسيو الفيش بتاعتها شكلها ايه ؟ و لا هايبقى شكلها مختلف ؟
شكرا