| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 3 1 2 3 الأخيرةالأخيرة
النتائج 1 إلى 10 من 21

  1. #1

    الصورة الرمزية sab3aawy

    رقم العضوية : 72

    تاريخ التسجيل : 21Apr2007

    المشاركات : 5,092

    النوع : ذكر

    الاقامة : البحرين

    السيارة: سوزوكي ماروتي، مصر

    السيارة[2]: تويوتا ياريس، البحرين

    دراجة بخارية: لا يوجد

    الحالة : sab3aawy غير متواجد حالياً

    افتراضي قواعد قيادة السيارات فى كل دول العالم-كما علموها لنا فى الخليج - Facebook Twitter whatsapp انشر الموضوع فى :

    hasad">

    صار عندى كم لا بأس به من الخبرات بعد اسبوعين من الحصول على رخصة القيادة( رخصة السياقة أو الليسن كما يسمونها هنا) واستعمال السيارة هنا ولذلك قررت اضعها فى عدة مواضيع هبتديها بموضوع اعتقد انه هام ومفيد وهو قواعد القيادة لأن قواعد القيادة دولية واللى يتعلمها يقدر يسوق فى أى مكان فى العالم:

    1-فى الدول التى يكون فيها المقود يسار السيارة كما هو عندنا فى مصر وكما هو فى الخيج السير دائما على يمين الطريق والزم الحارة الأقرب لليمين طالما كان ذلك ممكنا ولا تستخدم الحارة اليسرى إلا للضرورة

    2-الانحراف يسارا يكون من اقصى حارة فى اليسار وليس من منتصف الطريق او يمينه ولو كان يسار الطريق متوقفا يجب ان تأخد دورك فى آخر الطبور الواقف فى الحرارة اليسرى، إلا اذا كانت الاسهم على الأرض تشير الى قابلية الانحراف لليسار لشاغل الحارة الثانية من اليسار، ونفس الحال بالنسبة لليمين

    3اذا رأيت الضوء الأصفر وانت لم تعبر خط التقاطع عليك بالتوقف حتى زوال الأحمر وظهور الأخضر، اذا كانت احدى عجلات السيارة قد تخطت الخط قبل ظهور الأصفر فاستكمل طريقك

    4- اذا كان التقاطع مميزا بمربع اصفر يحتوى على خطوط صفراء مائلة متقاطعة فذلك ليس لتزيين الطريق وانما معناه انك غير مسموح لك بدخول المنطقة المخططة بالأصفر إلا اذا كنت ترى مكانا فارغا لك فى المنطقة التالية بعدها لأن وقوفك فى المنطقة الصفراء مخالفة والمقصود هنا هو ان توقف المرور فى اتجاه ملا لا يتسبب فى توقف المرور بالاتجاه العمودى عليه بسبب شغل التقاطع

    5- بالنسبة لتغيير الحارات فأولوية المرور دائما لمن هو فى الحارة بالفعل حتى لو كان فى الخلف، كونك تعطى الاشارة لدخول الحارة لا يعطيك حقا فى الكسر على من بداخل الحارة، عند الانتقال من حارة لأخرى يجب ألا تجبر من فى الحارة على تغيير سرعته او اتجاهه لكى يفسح لك، اولا لا يجب تغيير الحارات بدون داعى وانما بحساب، وثانيا عند تغيير الحارة يجب انت تؤمن فراغ الخارة التى ستنتقل لها ثم تعطى الاشارة وتنتقل فى اقل وقت ممكن بدون عنف

    6- عند الخروج من طريق فرعى الى طريق رئيسى فإن الأولوية دائما لمن فى الطريق بالفعل يجيب ان تنتظر حتى فراغ الطريق الرئيسى ثم تخرج الى الى اقصى يمين الطريق الرئبسى وليس الى منتصف او يسار الطريق

    7- اذا كان الطريق الذى تنحرف منه يسارا مسموح بالانحراف منه فى اقصى حارة من اليسار فقط والانحراف يتم فى لحظة كل الاتجاهات الأخرى الي الطريق الجديد مغلقة باشارات حمراء فانك يجب ان تخرج الى اقصى يمين الطريق الذى تنحرف له، اما اذا كان الناحراف من حارتين او اكثر فانك يجب ان تخرج الى نفس الحارة التى تركتها، بمعنى انك لو انحرفت من الوسطى تخرج الىالوسطى ولو انحرفت من اليسرى تخرج لليسرى وهكذا
    8- الانحراف لليمين يتم الى اقصى يمين الطريق الجديد، عادة يكون الانحراف لليمين مسموحا به من اقصى حارة فى اليمين فقط
    9-الدوران للخلف: يتم الدوران للخلف فى التقاطعات الغير معلمة باشارة ممنوع الدوران للخلف، والدوران للخلف يبدأ من اقصى حارة فى يسار الطريق، الى اقصى حارة فى يمين الاتجاه المعكاس
    10-العلامات المرورية تنقسم الى 3 انواع: علامات منع وهى الدائرية المعلمة بعلامات حمراء مثل ممنوع الدخول وممنوع الناتظار وممنوع الدوران للخلف علامات اراشادية تكون غالبا مثلثة مثل علامة (احترس امامك منحنيات)، وعلامات اجبارية لونها ازرق مثا اتجاه اجبارى لليمين مثلا
    11- خطوط الأرض: الخطوط الفاصلة للحارات المتقطعة الطويلة تعنى ان هذا الطريق يسمح فيه بسرعات عالية، والقصيرة معناها طريق بطئ اماالمتصلة فمعناها ممنوع تماما تغيير الحارة فى المنطقة المميزة بخط متصل،
    12- اى خط بعرض الطريق يعنى انه لابد التهدئة قبل هذا الخط، اذا كان الخط منصلا فمعناه انه يجبالتوقف التام قبل هذا الخط ثم التأكد من خلو الطريق بعده ومعاودة الحركة، الخط المتقطع بالعرض معناه ان الأولوية للاتجاه الآخر وانه يتوج على قائد السيارة التهدئة والتأكد من خلو الاتجاه الآخر صاحب الأولوية قبل الاستمرار
    13-تحديد الأولوية يتم بطريقة من اثنتين بحسب الدولة، فى الخليج وجودة الخط المتقطع بالعرض فى طريقى و/ أو وجود لافتة مثلثة تقول Give way معناها ان الأولوية ليست لى، اما فى مصر فيتم الأمر بالعكسى حيث توجد فى لافتة زرقاء عليها ماسة(سامبوكسة) صفراء فى الاتجاه صاحب الأولوية وهذة معناها ان الأولوية له
    14- التخطى: دائما من اليسار، يتم التأكد من امان حارة التخطى ثم استعمال الاشارة اليسرىو الانتقال اليها فى اقرب فرصة ومن ثم التخطى بسرعة مناسبة دون مضايقة السيارة التى يتم تخطيها وثم اعطاء الاشارة اليمنى والعودة الى الحارة الأولى بعد الابتعاد بمسافة مناسبة عن السيارة التى يتم تخطيها بحيث لا يسبب التخطى مضايقة له

    15- قاعدة الصينية: والصينية دى اكبر شغلانة مرورية فى الخليج وربما فى العالم كله، ولها قاعدة ثابته فى كل مكان فى العالم ما عدا مصر تشمل الآتى:
    15-1 - دائما اولوية المرور هى لم فى داخل الصينية (ما عدا بعض الاستثناءات مثل مدينة باريس التى تكون الأولوية فيها لمن يدخل الصينية)، يجب على من يدخل الصينية الانتظار حتى الحصول على فرصة مناسبة
    15-2-يجب قبل دخول الصينية ان تقرر نيتك فى الخروج من أى مخرج،اذا كنت تنوى الخروج لليمين(أول مخرج) فيجب عليك ان تدخل الصينية من الحارة اليمنى للطريق الذى انت فيه قبل الصينية، تنتظر حتى الحصول على فرصتك للدخول دون الكسر على من بداخل الصينية، تدخل الصينية الى حارتها اليمنى، تخرج منها الى الحارة اليمنى للطريق الجديد دون اطفاء الاشارة اليمنى طول الوقت
    15-3 اذا كنت تنوى الخروج طوالى(ثانى مخرج للصينية) فاذا كان الطريق الذى تدخل منه 3 حارات عليك بالدخول من الوسطى واذا كان حارتين عليك بالدخول من اليمنى، انتظر فرصتك ولا تستعمل الاشارة، اذا كان الصينية 3 حارات تدخل الى الوسطى واذا كانت حارتين عليك بالدخول الى اليمنى،استعمل الاشارة اليمنى بمجرد عبورك المخرج السابق على مخرجك، ثم اخرج بشكل موازى لرصيف الطريق الذى تنوى الخروج له واخرج الى الحارة اليمنى وابدا تنفيذ ذلك لحظة عبورك للمخرج السابق على مخرجك
    15-4 اذا كنت تنوى الخروج لليسار او يو تيرن(يعنى تخرج لنفس الشارع الذى دخلت منه فى التجاه العكسى(يسمونها هنا دابل يسار) تدخل من الحارة اليسرى فى طريقك، تضع الاشارة اليسرى قبل الدخول، تنتظر فرصتك، تدخل للحارة اليسرى،تبقى فى الحارة اليسرى حتى المخرج السابق لمخرجك،استعمل الاشارة اليمنى بمجرد عبورك المخرج السابق على مخرجك، ثم اخرج بشكل موازى لرصيف الطريق الذى تنوى الخروج له واخرج الى الحارة اليمنى وابدا تنفيذ ذلك لحظة عبورك للمخرج السابق على مخرجك
    15-5 لا تهدى سرعتك ولا تقف اثناء عبورك الصينية لأن هذا قد يربك المرور خلفك
    15-6 دائما الخروج من الصينية للحارة اليمنى فى طريق الخروج
    15-7 فى بعض الصوانى يوجد فلتر(مخرج الى اليمين سابق على الصينية) فى حال الخروج لليمين استعمله ولا تستعمل الصينية ابدا)
    16 لو دخلت فى طريق ضيق مسموح بالمرور فيه فى التجاهين ويتسع لسيارة واحدة ولمحت سيارة قد دخلت بالفعل فى الاتجاه الآخر فافسح لها، الأولوية لمن دخل الطريق اولا
    17 فى التفاطعات الضيقة لو لم تكن الأولوية محددة بخطوط فالأولوية لمن تعبر عجلاته الامامية التقاطع أولا
    18- لا توجد اولويات مطلقة، فى حالة الزحام يمكنك تخطى الأولويات لكن قبل ذلك عليك بالتواصل مع قائد السيارة صاحب الأولوية سواء بالإيماء او بالاشارات
    19-اذا كنت صاحب اولوية قى الزحام فمن الذوق ان تعطى فرصة لسيارة واحدة من الاتجاه الذى لا يملك أولوية ثم تعبر، وهكذا تمر سيارة من هنا ثم سيارة من هناك وهكذا
    20- دائما تواصل وتعاون من من حولك ، ودائما فكر قبل ان تنفذ ودائما توقع اخطاء الغير ودائما تذكر ان القيادة فن وذوق واخلاق( والله فهمت معنى الكلام ده هنا)

    يعنى دى القواعد والتكنيكات اللى انا فاكرها حاليا، ممكن تكون فيه حاجات اخرى انا نسيتها، ومع ذلك لو خد عنده سؤال انا مستعد للجابة لأن هذة القواعد تصلح للقيادة فى اى مكان فى العالم(فقط نعكس الاتجاهات لو كنا سنقود فى بلد ذات عجلة قيادة فى يمين السيارة)

    سبعاوى
    _______________________________________________


  2. #2

    الصورة الرمزية M_Nabil

    رقم العضوية : 14603

    تاريخ التسجيل : 12Jul2008

    المشاركات : 3,270

    النوع : ذكر

    الاقامة : Egypt, Cairo, Heliopolis

    السيارة: Honda Civic EL 1992

    السيارة[2]: Honda Civic VTi 1996

    دراجة بخارية: لا يوجد

    الحالة : M_Nabil غير متواجد حالياً

    افتراضي -

    شكراً يا باشمهندس موضوع يحتوى على معلومات مرورية ممتازة وقد تكون جديدة للبعض

    HONDA THE POWER OF DREAMS


  3. #3

    الصورة الرمزية TaoTao

    رقم العضوية : 197

    تاريخ التسجيل : 25Apr2007

    المشاركات : 1,377

    النوع : ذكر

    الاقامة : Sheikh Zayed

    السيارة: كيا برايد سيدان

    السيارة[2]: Fiat Uno 45 (1997)

    دراجة بخارية: No

    الحالة : TaoTao غير متواجد حالياً

    افتراضي -

    في بلاد البني آدمين !

    تامر حسين


  4. #4

    الصورة الرمزية koshary

    رقم العضوية : 39817

    تاريخ التسجيل : 07May2009

    المشاركات : 2,093

    النوع : ذكر

    الاقامة : 7adayek El Ahram

    السيارة: Isa) civic Sir)

    السيارة[2]: Daewoo Nubira 2

    دراجة بخارية: ...............

    الحالة : koshary غير متواجد حالياً

    افتراضي -

    كلام جميل بس اللى يطبقو بقا

    koshary


  5. #5

    الصورة الرمزية Sehsss

    رقم العضوية : 108530

    تاريخ التسجيل : 25Jul2011

    المشاركات : 7,215

    النوع : ذكر

    الاقامة : القاهرة

    السيارة: NON

    السيارة[2]: نيسان صني

    دراجة بخارية: لا يوجد

    الحالة : Sehsss غير متواجد حالياً

    افتراضي -

    موضوع رائع، شكرا جزيلا


  6. #6

    الصورة الرمزية Samir Elshahawy

    رقم العضوية : 20472

    تاريخ التسجيل : 28Sep2008

    المشاركات : 7,471

    النوع : ذكر

    الاقامة : Cairo - Alrehab

    السيارة: Hyundai - Getz 2007

    السيارة[2]: Elantra AD - 2017

    دراجة بخارية: -----

    الحالة : Samir Elshahawy غير متواجد حالياً

    افتراضي -

    شكرا يا باشمهندس / خالد علي الموضوع الجميل ده اللي ياريت الناس تتعلم منه و تحاول تطبقه

    تصدق أني بأعمل كل اللي بتقول عليه و هنا في مصر
    و مع ذلك الناس بتنظر لي شذرا و كأني جاي من كوكب تاني و خاصة موضوع الصينية ده
    لكن برضه بأعرف أتعامل بالطريقة المصرية مافيش مشاكل

    يعني باجيد كل اللغات دلوقتي و الحمد لله


  7. #7

    الصورة الرمزية Al-Farooq

    رقم العضوية : 110437

    تاريخ التسجيل : 15Aug2011

    المشاركات : 816

    النوع : ذكر

    الاقامة : Cairo

    السيارة: Camry Highbrid 2011

    السيارة[2]: Persona Elegance

    دراجة بخارية: ---

    الحالة : Al-Farooq غير متواجد حالياً

    افتراضي -

    على كدة المفروض يسحبوا العربيات من 99.99% من اللي بيسوقوا لحد ما يتعلموا الفن والذوق والأخلاق و ال0.01% اللى باقي يعملوا لهم إختبار جديد لأن اللى يعاشر قوم 40 يوم بردو هيتأثر وهيتنقل له داء الإستحمار

    لسه البارح ليلاً - داخل على لجنة - طريق مستقيم - وتحس ان اللى داخل عليها داخل الجنة - فاللجنة بتوقف احياناً سيارات فالحارة اللي وراها بتقف والحارة اللى جنبها تمشي - عادي يعني - ناحية بتقف وناحية تمشي - على التبادل كل شوية - فالمهم الناحية اللى تمشي كله يدخل فيها - والدخول عن طريق تدخل بوز العربية فيها وتوقف اللى وراك واللى فى الحارة من الاول " قاعدة بوز بيز" - واحدة راكبه كارينز - بتطبق البوز بيز - اديتها نور ورمقتها بنظرة غضب بصت بإستياء لأني مش جنتيل يعني فى نظرها وعدلت نفسها فى حارتها تاني

    - بعدها فى ثانية - واحد بنقل بيطبق البوز بيز وعاوز يدخل قدامي - اديته نور مش محوق معاه - نظرة غضب مش محوق معاه - كلاكس مش محوق معاه - بكلمه مش محوق معاه وبيزعق وبيلوح دماغه وبيقولي يعني اعمل ايه - قولت طب والله ما انت معدي واخبطها بقي لو راجل كدة كدة داخلين على لجنة وتبقي عدي منها وزنقت نفسي فى الطريق ومعدتهوش ، ما يقف فى ام حارته !! هي دي مش حارة بردو ولا بيتهئ لي!!

    بعدها بثانيتين وربنا على المفتري - اتوبيس - بيطبق البوز بيز - دة بقي كسر علطول وعمل عليا زاوية 45 وقفلها ودخل قدامي وانا دمي اتحرق وخلاص لأن مش برضي انقل على الحارة اللى بتمشي زيهم :((

    وأكيد يا بشمهندس انت عارف ان اليوترن الشمال هنا بيتاخد من على اقصي اقصي اليمين مش من على الشمال زي ما فهموك غلط - و بمعني ادق لو الطريق 4 حارات فهو بيتاخد من الاربع حارات كاملة - وطبعاً اكيد فاكر ان الاربع حارات دي ممكن تاخد 8 عربيات مش 4 وربنا بيبارك - وطبعاً اكيد فاكر بردو أن الأولوية اللى بيلف - ومفيش حاجة اسمها تقف وراء آخر عربية فى الصف دي بدعة فى الدولة المحترمة - انت كدة معلوماتك باظت - انا مش عارف لما ترجع بالسلامة هتعرف تسوق تاني هنا ازاي - انت صعبان عليا والله :dd

    لا إله إلا أنت سبحانك ، إنى كنت من الظالمين
    اللهم إغفر للمؤمنين و المؤمنات الأحياء منهم و الأموات
    لا إاله إلا الله عدد ما كان وعدد ما يكون وعدد الحركات والسكون


  8. #8

    الصورة الرمزية opelawy

    رقم العضوية : 46255

    تاريخ التسجيل : 05Sep2009

    المشاركات : 1,046

    النوع : ذكر

    الاقامة : Cairo

    السيارة: Lancer 98 Man. 1300

    السيارة[2]: Nissan Sunny 2011 SuperSalon

    دراجة بخارية: N/A

    الحالة : opelawy غير متواجد حالياً

    افتراضي -

    اقتباس المشاركة الأصلية كتبت بواسطة taotao مشاهدة المشاركة
    في بلاد البني آدمين !
    +11111111


  9. #9

    الصورة الرمزية Land_Cruiser

    رقم العضوية : 60618

    تاريخ التسجيل : 01Feb2010

    المشاركات : 5,992

    النوع : ذكر

    الاقامة : Cairo

    السيارة: Renault Duster E2

    السيارة[2]: Nissan Sunny EX 2010 Auto

    دراجة بخارية: No

    الحالة : Land_Cruiser غير متواجد حالياً

    افتراضي -

    اهم حاجه يا فندم لما حضرتك تنزل اجازه ان شاء الله اوعى تعمل اى حاجه من النصائح دى حرصا على سلامتك


  10. #10

    الصورة الرمزية i_Am_Legend

    رقم العضوية : 3961

    تاريخ التسجيل : 04Jan2008

    المشاركات : 3,774

    النوع : ذكر

    الاقامة : شبرا مصر :) اجدع ناس ؛)

    السيارة: Alfa Romeo 75 milano

    السيارة[2]: Alfa Romeo 75 milano&156&146

    دراجة بخارية: ماينفعش تركب بايك في مصر للأسف.

    الحالة : i_Am_Legend غير متواجد حالياً

    افتراضي -

    hasad">

    هو دة اللى بيحصل عندنا بالظبط................ياعيني عليكي يابلدي...!!

    My "facebook" Account is "Ahmed Aymn Arbiat"



 
صفحة 1 من 3 1 2 3 الأخيرةالأخيرة

المواضيع المتشابهه

  1. قواعد قيادة السيارات في مصر
    بواسطة Ahmed Nasser في المنتدى المنتــــــدى الاجتمــاعى
    مشاركات: 18
    آخر مشاركة: 19-11-2011, 03:14 AM
  2. قواعد قيادة السيارات بمصر
    بواسطة nabilhussein في المنتدى المنتــــــدى الاجتمــاعى
    مشاركات: 2
    آخر مشاركة: 03-04-2010, 01:02 AM
  3. قواعد قيادة السيارات في مصــــــــــــــر
    بواسطة sandras في المنتدى ساحة المرور وموضوعات التأمين في مصر
    مشاركات: 24
    آخر مشاركة: 23-12-2009, 11:28 AM
  4. قواعد قيادة السيارات في مصــــــــــــــر
    بواسطة Ahmed Anwer في المنتدى ساحة المرور وموضوعات التأمين في مصر
    مشاركات: 2
    آخر مشاركة: 26-12-2007, 04:39 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2