عرض للطباعة
السلام عليكم ورحمة الله وبركاتة
يا جماعة انا من امبارح مش عارف احط بنزين فى العربية
قاعد فى 15 مايو بقالى يومين ومش عارف ارجع مدينة نصر
الاتوستراد كله ولا محطة فيها بنزين
مفيش غير 80 وعليه طوابير يمكن اكتر من 2 او 3 كيلو بدون مبالغة
مفيش اى بنزين خالص
ولا مايو ولا حلوان ولا المعادى ولا الاوتوستراد كله
اية الاخبار عندكم.؟؟
شارع السودان عندنا مفيهوش ولا بنزينة شغاله وشارع احمد عرابى وجامعة الدول روحت مونت من بنزينة موبيل على كورنيش الساحل قبل كوبرى الزراعى
النهارده طول الطريق ملقتش غير في شيراتون
وبابا لقى في موبيل جوزيف تيتو
النهاردة كل محطات البنزين علي طول طريق القاهرة / السويس مافيهاش سولار و النقل واقف طوابير لمسافة لاتقل عن 2 كم قبل بوابة السويس و داخل السويس نفس المشكلة و في محطة بنزين بعد بدر كانت نفس الحكاية
اما بالنسبة للبنزين فالصبح وقفت في طابور نص ساعة علشان امون من المحطة اللي جنب الرحاب
يا جماعه حرام اللي بيحصل ده البنزين ناقص علشان طبعا بيتهرب لغزه هوا والسولار
ده اسمو قله ادب و استهار و استعباط من اصحاب المحطات و الحكومه
+1111111111111 البلد باظت ياعزيزىاقتباس:
المشاركة الأصلية كتبت بواسطة zooooma
اكتوبر نفس الحكاية.......
معلش بقا هوا مين الاولى احنا ولا بتوع غزة ؟اقتباس:
المشاركة الأصلية كتبت بواسطة hitmangate
لما احنا نكتفي ويكون عندنا فايض نساعدهم مفيش مشكلة
لاكن نحل ازمتهم ونقع احنا في ازمة :untitled:
والمنصورة كذلك
حسبنا الله ونعم الوكيل
نحن نعاقب على الثورة
عقاب عسير جدااااااا
ملهاش معنى تانى
انا قلت فيه ازمة بنزين طلعلي محمود عفيفي يقلي اشاعات مغرضة
ههههههههههههههههههه
انا امبارح قدرت امون الحمد لله من بنزينة شل بس النهردة لقيتها قافلة
الطوابير طبعا على البنزينات كتيرة وكتير قافلين معندهمش حاجة اصلا !
بنزينة موبيل على الدائرى جنب ميراج سيتى قبل نزلة السويس بيبقى فيها الصبح ومبتكونش زحمه الزحمه بس على السولار
بتتكلموا جد ... دا عندي ققل من الربع وبقول هبقا مون يوم الجمعه ان شاء الله :)
اهم حاجة ان المسؤولين كالعادة هايطلعو يقولو ولا فيه ازمة و حاجة
وتستمر الحياة
بنزينة وطنية يا جماعة .. فيها جاز وبنزين
بلد ملهاش صاحب
العامل كده فى البلد الفلللللللللللللللللووووو ووووووووووووووووووووووول
فعلا الله يسامحهم
انا كنت بشوف البنزينات زحمه على السولار بس.اقتباس:
المشاركة الأصلية كتبت بواسطة ashraf_ibrahim
بس لما الاشاعات تطلع .. كله بيقول الحق نفسي وامون. (على العموم انا النهارده لحقت نفسي ومونت هههههههههههه)
من الواضح ان فى ازمه فعلاً
لان كل الأماكن اللى حضرتك ذكرتها اغلبها قفل المحطات واللى شغال تلاقى عليه زحمه فى السولار ومفيش بنزين ولو موجود
يبقا 95 او 80
المشكله دى لاحظتها وانا مسافر يوم الجمعه اللى فاتت على طول الطريق من المعادى مروراً بالدائرى لحد قبل كوبرى دفره فى الزراعى
نفس المشكله وتعبت على ملاقيت محطه احط منها بنزين وكان 90 قلت الحمد لله ان لاقيت بنزين اصلاً
فعلا فى ازمة
و وزير البترول بيقول الازمة سببها الزحمة على السولار !!!!!
النظام بيعاقب الناس علشان دخلين على الانتخابات وعايزين يلهوا الناس فى البوتجاز والسولار والبنزين
والناس تنسى الانتخابات وبرامج المرشحين !!!
علشان يزورا لرجلتهم وهما مرتحين
والمنيا هنا خربانة برده ما فيش غير محطة واحدة اللي فيها او اتنين بالكتير و الطابور مالي الافق
مصر الجديدة مدينة نصر مصر والسودان مفيش مونت 95 من توتال حديقة الطفل وبعد كده من موبيل يوسف عباس مع النصر 92 وعجبي علي دي بلد
+11111111111111111111اقتباس:
المشاركة الأصلية كتبت بواسطة wael6
بنزينة التعاون الى فى ميدان هليوبوليس لقيت العربيات مترصصه قدامها الساعة 4 الفجر مستنيين دورهم بعد ما عربية التمويين تملى الخزان, بعديها فى بنزينة موبيل الحجاز لقيتها قافلة و مصر البترول المريلاند برضه مفيش " كويس انى لحقتها اول امبارح الفجر و مونت" و لما نشوف اخرتها مع حكومة "احنا كمسئولين مش مسئولين " ايه.
شيراتون و مصر الجديدة مفيهاش نقطة ... العربية هتعيط مني :(
من حوالي ساعة هي بنزينة في شارع القومية بامبابة اللي فيها وعليها بالضرب والناس كتيير اوي الناس اللي معاها جراكن اكتر من اللي معاها عربيات بسبب ان في ناس كتيير اوي بنزين عربيتها خلص
ومش عارفة حتى تروح البنزينة تمون حتى
مفيش بنزين خالص و ناس كتير دخلت في موضوع تجارة البنزين دي اكتر من مره اشوف بنزينه بتعبي البتاع الكبير ده , ده غير اني لما نادرا يعني الاقي 80 بيكون ب 1 جنيه مش 90 قرش , بلطجه كده و طبعا ببلغ لكن مفيش فايده و بتوع التوين واقفين يتفرجوا !!
حسبى الله ونعم الوكيل