الموضوع: حد جرب ال USB modem بتاع Etisalat؟؟؟؟

المشاركة الأصلية كتبت بواسطة Mostafa

- عشان كريم كان بيسأل - الموضوع realiable جدا جدا يا كريم اكتر مما تتصور

- ممكن تدفع بدل 149 فى الشهر - 299 فى الشهر ويكون اشتراكك ( 7.2 Mbps ) Premium - وطبعا العرض هيكون انك تدفع 3576 مش 1788

- ملاحظات هامه يا رجاله :

1) العرض غير سارى فى مناطق التجوال المحلى
2) انت مش هتاخد REAL IP على النت - يعنى المودم ملوش IP خاص بيه لوحده

اولا الف شكر ليك انا بالفعل اشتريته
و جربته في البيت و في العمل و بصراحة - ممتار ممتاز ممتاز !
انا اشتريت الي ب 199 و السرعة القصوة للتحميل هي 52 كيلوبايت في الثانية

انا عملت شوية اختبارات و توصلت الي ان
السرعة تقريبا 384 ( او عايز تقارنها بال ADSL (
و سعرها يعتبر عادل بصراحة بالنظر الي اني اصلا ماينفعش اركب ADSL علشان في مشاكل في السنترال .

سرعة ال Upload هي اعتراضي الوحيد او الحاجة الي مش عاجباني .. و هي 64 ( حوالي 8-9 كيلوبايت في الثانية )

بس بصراحة الخدمة اعتمادية جدا فعلا و مافيش Packet Loss او حاجة زي ماكنت متخوف و تصميم الجهاز نفسه و سرعة عمله متحتاجش منك غير 3 كليكات من الماوس ! و تبقى اونلاين !

فعلا اهئ اتصالات ( انا عميل عندكم اصلا ) .

المشاركة الأصلية كتبت بواسطة wawoo

- يعنى يا اخ مصطفى الموديم الهدية دة على الاشتارك لمدة 12 شهر ولا ممكن 6 اشهر
- و سعر الاشتراك 150 دة ثابت ولا دة عرض مؤقت و بعد كدة الاشتراك ا لشهرى ممكن يتغير لو حبيت اجدد .
- اة و عاوز اعرف سرعة الupload بتكون كام بالنسبة للسرعة العادية 3.5
- و احب برضو اعرف السرعة فى القاهرة الجديدة عملة اية .

و شكرا

انا دفعت 12 مرة واحدة بس نسيت اسأل علي ال 6 .
سعر الاشتراك ثابت و ده السعر الجديد مش عرض .
سرعة ال upload
64 يعني 8-9 كيلوبايت في الثانية .

معرفش في القاهرة الجديدة ايه نظامه .

المشاركة الأصلية كتبت بواسطة amrnader

يا جماعة الموضوع فيه حركة كدة مش و لا بد، انت اخرك تنزل 6 جيجا فى الشهر و بعد كدة سرعتك تنزل ل 64 كيلوبيت\ثانية، الكلام ده مكتوب فى الموقع بتاعهم اخر الصفحة:

http://etisalat.com.eg/portal/page?_...as=internet_ar

المعلومات دي صحيحة بس قبل العرض الغير مفتوح يا استاذ عمر .
انا اتأكدت منهم كويس جدا جدا ان مفيش اي معوقات او محددات .