الموضوع: حد جرب ال USB modem بتاع Etisalat؟؟؟؟

المشاركة الأصلية كتبت بواسطة CryptonX

بما اني من سكان مدينة نصر و تبع ستنرال نصر 2 - مفيش اشتراكات Adsl من شهر 10 الي فات بسبب مشكال في السنترال .

و نقلنا المكتب بتاعنا - بس مفيش تليفون راكب لسة و عايزين انترنت ضروري .


كنت فاكر عروض فودافون بتاعة الانترنت ال 3g
بس لفيتهم غاليين اوي ..


اتصالاات عاملة عرض - انترنت 3.75g بدون حد اقصى للداونلود
( 7.2 Mbps ) يعني بتاع 1 ميجا في الثانية سرعة حقيقية !

وب 149 جنيه في الشهر فقط !! و لو دفعت 6 شهور مقدم تاخد المودم مجانا !

انا مش عارف ايه نظامه بالظبط و لو في حد جرب ياريت يقولنا .

شكرا جزيلا .

أولا خدمتهم ممتازة لو أنت في منطقة الإرسال و الإستقبال فيها كويس
يعني قبل ما تشترك أتأكد من مدى جودة الخدمة في المنطقة اللي أنت ناوي تستخدمه فيها

و المودم بيديك اشارات مختلفة لمدة جودة الاشارة و قوتها
و الأزرق هو الأفضل
أنت تروح فرع اتصالات .......... و تدفع الفلوس مقدم ل 6 شهور
هايدوك المودم و شريحة بتركب فيه
و بيتم توصيله بجهاز الكمبيوتر و يعمل البرنامج الخاص بهم على ويندوز بس و هو زي الدايل أب و بيديك بيانات عن التحميل اليومي و الشهري و السنوي و قوة الإشارة من داخل البرنامج ....... بالإضافة للمبة الجودة اللي بتكون زرقاء عندما تكون الخدمة على أشدها

و لو فيه أي استفسار تاني أنا تحت أمرك

المشاركة الأصلية كتبت بواسطة CryptonX

الف شكر يا توت باشا :)

في شوية استفسارات معلش :)

- لو فرضا اني في منطقة جيدة الاستقبال - السرعة بتبقى كام ؟

- هل الموضوع Reliable ؟ يعني يغنيني فعلا عن ال ADSL ؟

- موضوع انه متفوح مش محدد ده صحيح و لا في CATCH ?

- لو مشتركتش 6 شهور مقدم - تمن المودم لواحده كام ؟

- هل الاسعار دي ( 150 جنيه ) عرض خاص ؟ ولا ده سعر ثابت ؟
-

السرعة دايما كويسة ........... حتى لو الإستقبال في حدود الجيد فقط و مش فاكر بالظبط الحقيقة
و هو فعلا يُعتمد عليه جدا ........... بس ساعات أوقات الذروة بتكون السرعة أقل ........ ( من 2 إلى 4 ظهرا ) دي أكتر أوقات الخدمة بتقل فيها ( مش بتقل كتير )
هو فعلا هايكون مفتوح ............ز بصراحة كل تعاملاتي مع اتصالات فيها امانة كبيرة ........... مفيش حاجات مخفية خالص )
المودوم لوحده ثمنهه 1400 جنيه مصري و السعر ده من حوالي 5 شهور ..... معرفش السعر الحالي كام للمودم لوحده بس هو مش رخيص
و أكتر حاجة مفيدة في موضوع المودم ده
أنك ممكن تستخدمه في أي مكان لو معاك لاب توب

و 150 جنيه ده عرض خاص ....
لأنه كان ب 400 جنيه و شوية + ثمن المودم

بُص يا باشا
للحصول على المودم الهدية يجب الإشتراك لمدة 12 شهر بما يعادل 1788 جنيها مصريا لمدة سنة و هو 149 جنيها شهريا و السرعة هي 384 كيلوبايت للتحميل


أما الاشتراك لمدة 6 شهور فلا يعطيك الحق في المودم الهدية
و ثمن المودم وحده هو 1250 جنيها مصرية بتكنولوجيا 3.5 جي
أما المودم الأخر و الذي يتيح لك سرعة 7 ميجا بايت فثمنه منفردا 1490 جنيها مصريا أو 1450 جنيها مصريا

و للحصول على العرض الخاص ب 7 ميجا بايت بيكون الإشتراك الشهري هو 299 جنيها مصريا في الشهر بما يعادل 3588 جنيها مصريا سنويا

و العرض الخاص هو المودم الهدية
و بالنسبة لأسعار الأنترنت الجديدة أصبحت كالتالي
99 جنيها لسرعة 256 محدد التحميل ( غير متأكد من دي )
149 جنيها لسرعة 384 كيلوبايت و غير محدد التحميل
299 جنيها لسرعة 7 ميجا بايت و غير محدد التحميل


و للحصول على أحد العروض و هو الحصول على يو اس بي مودم مجاني يجب الإشتراك لمدة عام كامل و دفع القيمة مقدما

و لو في أيه أستفسار تاني أنا تحت أمرك يا باشا

طيب التكلفه بتتحسب ازاي
الاشتراك + فلوس مقابل اللي بتنزله ولا عادي انشاله طول النهار
بعد الست شهور هيبقي الجهاز بتاعي ولا هادفع ايجار بعد كده وبرضو الاشتراك هيزيد ولا ايه
فيه اي تكاليف اخري ولا لا
لو مشغله في عربيه مثلا وغيرت المكان النت بيقطع ولا لا
وشكرا مقدماً

المشاركة الأصلية كتبت بواسطة pointer

طيب التكلفه بتتحسب ازاي
الاشتراك + فلوس مقابل اللي بتنزله ولا عادي انشاله طول النهار
بعد الست شهور هيبقي الجهاز بتاعي ولا هادفع ايجار بعد كده وبرضو الاشتراك هيزيد ولا ايه
فيه اي تكاليف اخري ولا لا
لو مشغله في عربيه مثلا وغيرت المكان النت بيقطع ولا لا
وشكرا مقدماً

التنزيل مفتوح 24 ساعة و الجهاز بيكون ملكك للأبد
و الإشتراك هايفضل هو هو لن يزيد و دي الأسعار الجديدة لإتصالات من اﻵن فصاعد
يا باشا أن شاء الله تروح أسوان ............ ده بيعتمد على شبكة اتصالات و ملوش دعوة ببيت حضرتك خالص زيه زي الموبايل

و لو أشتركت في أبو سنة و خلصتها
بتبدأ تدفع شهريا بفاتوة تُرسل إلى مقر إقامتك
و مفيش أي مصاريف تاني و لا أي عفاريت مستخبية
و لك تحياتي

طيب بما انك جبته هم ممكن يعرفوا اني مشغله علي كمبيوتر تاني و لا لا او موصله بشبكه مثلا ولا لا
وايه اللي هيعملوه يعني
شكراً يا توت عنخ امون يا جاااااااااااااااااااامد

يا باشا ............. أنت ممكن تشغله في اي حتة في مصر و على أي كمبيوتر و هما ملهومش دعوة خالص
و بعدين المودم ده يو إس بي ....... بيركب على جهاز واحد ( مش زي الراوتر أبو كذا فتحة توصيل )
و هو مختلف عن الراوتر و لذلك أسمه مودم ...........

و ممكن أي حد يستخدمه .,.......... و في أي مكان
و دي صورته يا با شا




و على فكرة ده حجمه صغير جدا ........... في مثل حجم الفلاشة أو أكبر قليلا ... و أعرض طبعا قليلا

و ممكن تسلفه لأقاربك و أصحابك كمان و هما ملهومش دعوة خالص
أكنك بتستخدم موبايل تمام ..... مش زي الدي اس ال العادي خالص
هو يعتبر زي الموبايل بس بدل الكلام .... بيانات