الموضوع: جنوط سبورت لعربيتي الفيرنا..........أي إقتراحات؟

بالمناسبة انا كنت مركب 215/40 r17 على فيرنا عشان محدش يقول انى بفتى
بس نصيحة لو هتجيب جنط هاته من عند اشرفكو الجنوط عندهم حلوة واسعارها معقولة

المشاركة الأصلية كتبت بواسطة samehelrewesh

اولا السلام عليكم ورحمة والله وبركاته
صباح الفل على اجدع ناس ف المنتدى

بص يامعلم انا كنت سايب كومنت هنا امبارح بس مش عارف راح فيين بس مش مشكلة نكتبه تانى

بالنسبة للناس اللى بتقول وزن الجنط ف مع احترامى ليهم الكلام دا مش مظبوط لان عمرك ا هتلاقى نفس وزن الجنط الصاج الا لو هتجيب جنوط من نوع light alloy wheels دى اللى بنتكلم ف الوزن فيها بس دى عشان نلاقيها هنا هتكون غالية جداااا وهيبقى اشكال محدودة انما احنا بنتكلم دلوقت على جنوط عادية من عند اشرفكوا والرومانى وعلاء موسى والناس دى كلها عندها جنوط صينى واندونيسى وفيتنامى
الفكرة كلها فى ابعاد الجنط الجديد والقديم لازم تكون متناسقة مع بعض عشان مياثرش معاك ف عزم المتور دا بالنسبة للقطر الخارجى للعجلة نفسها مش الجنط ياعنى احنا بنعوض فرق قطر الجنط الداخلى بالبروفيل بتاع الكوتش نفسة
ياعنى مثلا لو انا عندى 175/70 r13 وعاوز اركب 15 يبقى هركب 195/50 r15
والموقع دا هيساعدك ف انسب مقاس ليك اديله بس المقاس القديم والمقاس اللى انت عاوز تركبه هيديك الفرق وحتى فرق العداد اللى هيطلع عندك
tyre calculator - alloy wheels - specialist supplier of alloy wheels and tyres packages, fast delivery, buy online.
بالنسبة لموضوع البلونة بقى دا انا مسمعتوش قبل كدة ع 15 الا لو كانت العربية ناشفة اووى والعربية بتاخد نقر ف الطريق كتيير لان دى مش بتحصل الا لو الكوتش وحش او بروفيل الكوتش نفسه واطى زييى اللى بيركب على ال 17 مثلا

توضيح :- انا قولت يجيب جنط وزنو قريب واكيد طبعا اللى هيبيعلو الجنوط هيقولو على الوزن القريب ليه

بس اهم حاجه طبعا الميزانية

المشاركة الأصلية كتبت بواسطة samehelrewesh

بالمناسبة انا كنت مركب 215/40 r17 على فيرنا عشان محدش يقول انى بفتى
بس نصيحة لو هتجيب جنط هاته من عند اشرفكو الجنوط عندهم حلوة واسعارها معقولة

هما فعلا الجنوط عندهم حلوه جبنا من عندهم جنط سعرو فرق 130 جنيه عن بره وعندهم تشكيلات كتييييييييييير

NoWay
مش هتلاقى وزن الجنط الصاج ليه بقى ؟؟
عشان الخام اللى بيتصنع منه الجنط الاسبور لما يكون خفيف يبقى الجنط دا هيتكسر من اقل خبطة
طبيعى انك هتلاقيه تفيل وية عن الجنط الصاج
طبعا مش تقيل اوووى بس هيبقى تقيل عن الصاج

المشاركة الأصلية كتبت بواسطة samehelrewesh

noway
مش هتلاقى وزن الجنط الصاج ليه بقى ؟؟
عشان الخام اللى بيتصنع منه الجنط الاسبور لما يكون خفيف يبقى الجنط دا هيتكسر من اقل خبطة
طبيعى انك هتلاقيه تفيل وية عن الجنط الصاج
طبعا مش تقيل اوووى بس هيبقى تقيل عن الصاج

+1111111111111

مشاكل تركيب الجنط وحلولها
الكاوتش يحك في الرفرف أو الشفة .... حلها مقاس مناسب .. انا رأيي 15 حلو قوي
أختلاف قراية العداد ... حلها المقاس يبقي مظبوط ... علي الجنط ال15 لو كاوتش 50/195 هيبقي القراية مظبوطة وال difference هيبقي 0%
العفشة هتتعب .... حلها يكون وزن الجنط الجديد بكاوتشه نفس وزن القديم بكاوتشه أو أخف
الكاوتش ممكن يتقطع عشان ال profile هيقل ... حلها أختيار نوع كاوتش كويس وتجنب النزول في مطبات علي سرعات
دقة ال steering ... ده مش بأيدك ... بس ممكن ماتتحسش قوي

في حاجة أسمها ال offset ... بيبقي رقم مكتوب علي الجنط من جوة ... لازم يكون مظبوط ولو مش مظبوط بيتعمله حاجة اسمها rings عشان تظبطه .. وده عايزة خراط محترم يعملها

دول اللي فاكرهم دلوقتي

يركب عادى بس بيكون فى احتمال انه يحك معاك ( حسب وضع ال offset بتاع الجنط نفسه )