عرض للطباعة
يا خبراء الفيرنا و خبراء قسم الهيونداي، أنا كنت بفكر اركب جنوط سبورت لعربيتي الفيرنا موديل ٢٠٠٨ ، بس خايف دة يأثر على العفشة أو السحب أو الباور ستيرنج .
ممكن حد يفدني ويقوللي اه أحسن مقاس و نوع يزود الثبات و لا يأثر على العفشة أو السحب أو الباور ستيرنج ؟؟
ونفس الكلام بالنسبة للكاوتش.
أرجو الإفادة.
مع جزيل الشكر...
اعتقد الجنط 15/195/50 هيبقا حلو اوى للفيرنا غير كدا هيبقا على حساب حاجات تانية زى عداد السرعه هيبقا بيخرف
وعلى حساب العفشه وعلى حساب السحب لان وزن الجنط هيبقا اتقل طبعا وهتتبهدل لو عليت المقاس عن كدا وبرضو رأى
خبراء الفيرنا هيفيدك اكتر بس ده اللى انا فهمتو من اصحابى اللى معاهعم فيرنا ....
طبعا ممكن تركب جنوط 17 او 16 بس هتعدل فى العفشه واليايات وياسلام لو تعدل فرامل ده لو حابب العربيه ونفسك
فيها مع الموتور الجبار ده
وطبعا ارابكوم مدينة نصر عندو تشكيلات حلوه من الجنوط مع كاوتش بريدجستون تعمل احلى شغل ..............
اقتباس:
المشاركة الأصلية كتبت بواسطة koshary
طيب بالنسبة للسحب والباور و الثبات ستيرنج إيه ظروفه مع الجنوط؟؟ أنا مش عايز أإذي العربية، لأن لو أداء العربية هيقل يبقى خليني زي مانا، عشان كدة أنا بسأل.
هل فيه أنواع أو مقاسات جنوط وكاوتش مقترحة؟؟؟؟
حضرتك لما هتروح للراجل بتاع الجنوط ممكن تنقى جنط وزنو قريب من الجنط بتاعك كدا مش هيأثر عالسحب اوى غير كدا اكيد الباور هيتقل ولو حاجه بسيطه وطبعا المقاسات 15/195/50 والكاوتش ماركة بريدجستوناقتباس:
المشاركة الأصلية كتبت بواسطة nyzo
واكيد طبعا العربيه هتثبت عن الاول ثبات ملحوظ يعنى
اقتباس:
المشاركة الأصلية كتبت بواسطة koshary
معلش اعذرني فالسؤال، هو أنا بعرف منن إن الجنت إلي هشتره دة نفس وزن الجنت بتاعي؟
ولو نفس الوزن، يبئة كدة أنا استفدت إيه؟ شكل بس ولا ثبت كمان؟
195/45/15
ده هيظبط معاك الشكل والأداء
كنت مركبه على عربيتي الدايو..قبل مابعها
كان هايل في الثبات والدورانات وكل حاجة
http://im9.gulfup.com/2012-03-21/1332282396371.jpg
من المهم جدا وزن الجنط
اوزن الجنط نفسه ايه المشكلة؟!
اما عن الابعاد فأنا افضل جنط 14 للفيرنا وهجيب لحضرتك اكتر مقاس مناسب ليها
لحظات بس
بص يا باشا
انت عندك اكتر من مقاس
اولا الاستندر بتاع العربيه الى هو 175/70-13
وفى المقاس الى بينزل فى الاتوماتيك الى هو 185/60-14
وفى ناس بتركب زى ما اخونا قالك فوق 195/50-15
انا فى واحد صجبى مركب 195/55-14 تقريبا لو انا فاكر الرقم صح
التجارب الشخصية بقى
انا مركب طقم 14 كويس جدا ومافهوش اى مشكل
طم ال15 ناس كتير بتقل بيعمل بلونة فى فرد الكاوتش , بس شكلوا تحفة على الفيرنا
اماكن الشراء
اشرفكم مدينة نصر والمطريه عندوا تشكياه كبيرة وناس محترمة جدا جدا
شارع احمد سعيد مليااااااااااااااااااان محلات
الكاوتش
اسعاروا غاليه اليومين دول
الاعم من دة كلوا انت عامل ميزانيه اد ايه؟؟؟
متابع
اولا السلام عليكم ورحمة والله وبركاته
صباح الفل على اجدع ناس ف المنتدى
بص يامعلم انا كنت سايب كومنت هنا امبارح بس مش عارف راح فيين بس مش مشكلة نكتبه تانى
بالنسبة للناس اللى بتقول وزن الجنط ف مع احترامى ليهم الكلام دا مش مظبوط لان عمرك ا هتلاقى نفس وزن الجنط الصاج الا لو هتجيب جنوط من نوع light alloy wheels دى اللى بنتكلم ف الوزن فيها بس دى عشان نلاقيها هنا هتكون غالية جداااا وهيبقى اشكال محدودة انما احنا بنتكلم دلوقت على جنوط عادية من عند اشرفكوا والرومانى وعلاء موسى والناس دى كلها عندها جنوط صينى واندونيسى وفيتنامى
الفكرة كلها فى ابعاد الجنط الجديد والقديم لازم تكون متناسقة مع بعض عشان مياثرش معاك ف عزم المتور دا بالنسبة للقطر الخارجى للعجلة نفسها مش الجنط ياعنى احنا بنعوض فرق قطر الجنط الداخلى بالبروفيل بتاع الكوتش نفسة
ياعنى مثلا لو انا عندى 175/70 R13 وعاوز اركب 15 يبقى هركب 195/50 R15
والموقع دا هيساعدك ف انسب مقاس ليك اديله بس المقاس القديم والمقاس اللى انت عاوز تركبه هيديك الفرق وحتى فرق العداد اللى هيطلع عندك
Tyre Calculator - Alloy Wheels - Specialist supplier of alloy wheels and tyres packages, Fast Delivery, Buy Online.
بالنسبة لموضوع البلونة بقى دا انا مسمعتوش قبل كدة ع 15 الا لو كانت العربية ناشفة اووى والعربية بتاخد نقر ف الطريق كتيير لان دى مش بتحصل الا لو الكوتش وحش او بروفيل الكوتش نفسه واطى زييى اللى بيركب على ال 17 مثلا
متابع..........................
بالمناسبة انا كنت مركب 215/40 r17 على فيرنا عشان محدش يقول انى بفتى
بس نصيحة لو هتجيب جنط هاته من عند اشرفكو الجنوط عندهم حلوة واسعارها معقولة
توضيح :- انا قولت يجيب جنط وزنو قريب واكيد طبعا اللى هيبيعلو الجنوط هيقولو على الوزن القريب ليهاقتباس:
المشاركة الأصلية كتبت بواسطة samehelrewesh
بس اهم حاجه طبعا الميزانية
هما فعلا الجنوط عندهم حلوه جبنا من عندهم جنط سعرو فرق 130 جنيه عن بره وعندهم تشكيلات كتيييييييييييراقتباس:
المشاركة الأصلية كتبت بواسطة samehelrewesh
NoWay
مش هتلاقى وزن الجنط الصاج ليه بقى ؟؟
عشان الخام اللى بيتصنع منه الجنط الاسبور لما يكون خفيف يبقى الجنط دا هيتكسر من اقل خبطة
طبيعى انك هتلاقيه تفيل وية عن الجنط الصاج
طبعا مش تقيل اوووى بس هيبقى تقيل عن الصاج
+1111111111111اقتباس:
المشاركة الأصلية كتبت بواسطة samehelrewesh
مشاكل تركيب الجنط وحلولها
الكاوتش يحك في الرفرف أو الشفة .... حلها مقاس مناسب .. انا رأيي 15 حلو قوي
أختلاف قراية العداد ... حلها المقاس يبقي مظبوط ... علي الجنط ال15 لو كاوتش 50/195 هيبقي القراية مظبوطة وال difference هيبقي 0%
العفشة هتتعب .... حلها يكون وزن الجنط الجديد بكاوتشه نفس وزن القديم بكاوتشه أو أخف
الكاوتش ممكن يتقطع عشان ال profile هيقل ... حلها أختيار نوع كاوتش كويس وتجنب النزول في مطبات علي سرعات
دقة ال steering ... ده مش بأيدك ... بس ممكن ماتتحسش قوي
في حاجة أسمها ال offset ... بيبقي رقم مكتوب علي الجنط من جوة ... لازم يكون مظبوط ولو مش مظبوط بيتعمله حاجة اسمها rings عشان تظبطه .. وده عايزة خراط محترم يعملها
دول اللي فاكرهم دلوقتي
'طيب مقاس ال 205 ميركبش عليها ولا هيكون محتاج تعديل فى العفشة
يركب عادى بس بيكون فى احتمال انه يحك معاك ( حسب وضع ال offset بتاع الجنط نفسه )
دى صور توضح ايه هو ال offset للى مش عارفه
http://www.wheelsnext.com/images/info/wheels_type.jpg
http://www.matey-matey.com/offset_diagram.gif