الموضوع: النوم في العسل

طيب ما تقولنا بالمره عن اللاصقه السحريه اللى بتشفى جميع الامراض بأمر الله (شوف التلاعب باسم الدين عشان الواحد يسمع كده يقولك الناس دى شيوخ ومش حتغشنا) ولا السيجاره الالكترونيه ولا ولا ولا............
انا مش فاهم ازاى مفيش رقابه على الاعلانات المتخلفه دى اللى بوظت عقول الناس حاجه عجيبه والله.

المشاركة الأصلية كتبت بواسطة A7MED_PHARMA

اللاصقة المهلبية دي .. إتعلم عنها موضوع في المنتدى من فترة

هبل في هبل .. ونصب مكشوف

قال يقولك إيه ( حطها .. وبعد 10 ساعات هتلاقي لونها إتغير..وده الدليل إنها سحبت السموم من الجسم)

زغرطي ياإنشراح
لو حطيتها قدام بقك..ونفخت فيها (بإسلوب النفخ على زجاج النظارة)..لونها هيتغير
وقال يقولك(حطها على رجليك من تحت)

ومنطقة بطن القدم..منطقة الجلد فيها keratinized بشكل خفيف
يعني جلدها سميك..وإمدادها الدموي ضعيف لسماكة جلدها
ومليون سبب يخليها هجس وهبل

الناس دي بتلعب على مبدأ التجربة ... منتج فاشل ممفيش مشكلة
يعني المنتج يكلف عليهم شلن (ماهي لازقة مش إختراع يعني) ويبيعها بــ 100 ج مثلا
لو 1000 واحد جربها.. وإكتشف إنها هجص وماإشتراهاش تاني
ده معناه 100.000 ج مكسب ليهم من شوية لزق

فاهمني
ونفس الكلام على كريم دهن البدنجان.. الي بيشفي من مرض السكر(إنشراح لسه بتزغرط)
لما ييجي 1000 مريض بالسكر من النوع الي بيجرب أي حاجة...يمكن يلاقي الشفا
1000 واحد..يشتري علبة كريم السحلية ده بــ 500 ج
يعني
500.000 ج
هو مش هيشتريه تاني صحيح..بس هما عملوا مكسب وخلاص
وخد بالك

الافتكاسات دي بتظهر كل فترة..وتقعد شوية لحد مالناس تعرف انها إفتكاسات..وتختفي
لكن هما بيكونوا عملوا منها السبوبة وخلاص

وزغرطي ياإنشراح
مالي راح راح



ولاحول ولاقوة إلا بالله
في وزارة الصحة الي بتسيب الحاجات دي..والنصابين دول ينصبوا على المرضى ويدوهم أمل كداب وبفلوس كمان

المشكله فى الناس اللى بتصدق الخزعبلات دىوتجيبها وتقلب معاها بضرر وممكن لو حد اشتكى الشركه تقولك ولا نعرفه يا حضره الضابط ده بيتبلى علينا ده ممكن يكون منتج تقليد مش من عندنا ويغمزوه بحاجه وكأن شئ لم يكن ويصطادوا مزيد من الضحايا

ده غير باقى المنتجات موبايلات بطاطين خلاطات الكومبيوتر العبقرى ابو هارد عشرييييين جيجاااا
مفيش غير مصر هى اللى اعلاناتها مخزيه كده الواحد بيتفرج على اعلانات بره بيقول ايه العبقريه دى الناس دى دماغها ايه .


اتمنى بقى من الرئيس القادم انه يرحمنا من أم الاعلانات المتخلفه دى والنصب ده بقى خلينا ننضف.